Данска пуштила анимирана телевизиска серија за деца чиј главен лик има гигантски пенис и притоа се соочува со проблеми истиот да го контролира. Некои мрчат ама овие од нивниот радиодифузер викаат, ништо страшно де, можевме и со вагина. 

Во продавници во Австралија наскоро ќе се појави природно свежо млеко кое ќе траело 60 дена. Ни пастеризирано, ни бутур.

Како што нападот на кулите близначки беше искористен како преттекст за повеќедецениска инвазија на Авганистан, како што лажните наводи за хемиското оружје на Садам беа употребени како алиби за окупација на Ирак, се предупредуваше дека безумниот упад во Капитол ќе биде увертира во 'новото нормално' - сеприсутна полиција на мислите и говорот при што моќни приватни компании ќе суспендираат политички неподобни ликови и идеи. Лично Доналд Дамб е најмала секирација.    

Врховниот лидер на Иран забрани увоз на вакцини произведени од американски и британски компании. Според ајатолахот, овие земји сакаат своите вакцини прво да ги тестираат на други држави, за да видат „дали функционираат или не.“ 

За да избиеш на прво место на листа на најбогатите луѓе на светот, не е лошо директниот противник да се разведе, а жена му да го одере.

Искршената опрема во Конгресот и не е некој проблем бидејќи сигурно е прописно осигурена па ќе се замени без поголем трошок. Тоа што е проблем, е што никој нема поим дали и колку комплетната ИТ инфраструктура на американскиот Конгрес е компромитирана.

На пладне (по тамошно време) во средата илјадници луѓе се собираат во близина на Белата куќа на „Спасете ја Америка“ митингот, каде говор има и американскиот претседател Доналд Трамп. Како што завршува неговиот говор, така толпите тргаат кон Капитол хил. Веќе во 13:10 почнуваат кошкањата на барикадите пред Конгресот.

„Тоа беше грда анти-демократска толпа. Но мене повеќе ме загрижува анти-демократската елита“, пишува Брендан О'Нил, уредникот на Спајкд.

По Јулијанскиот календар, денес е Бадник. Според Грегоријанскиот, во САД им се падна 27ми април.

Ако нашиот вид еден ден реши дека мора да се замине од оваа планета (заради неиздржливата клима, Кардашијанки или штогод) и притоа умее да замине во некои поладни региони на вселената, можеби ќе имаме начин како таму да не изѕемнеме.

Тоа што луѓе обично го толкуваат како „фирма со многу програмери“ всушност е конголмерат со 120.000 вработени (Велес и Струмица заедно имаат околу 110.000 жители). За прв пат овие 120.000 вработени се на пат да имаат синдикат.

На 3 ноември биткоинот беше 14.000 долари, во неделата, пред да падне, растеше и повеќе од 1.000 долари на ден за да достигне блесави 34.000 долари за еден биткоин.

Одбивањето да се екстрадира Асанж во САД по основа на загриженост за менталното здравје е хумана одлука, но таа не ги заштитува идните свиркачи.

Една од најстарите зимски заповеди „не јади жолт снег“, се надополнува со нешто кое метеоролозите одамна го знаат - „не јади мразулци што висат од кров“.

Се очекува ќе биде поднесена жалба по одлуката, но за сега останува дека Асанж нема да може да биде екстрадиран во Соединетите држави каде го чекаат за да му се суди за шпионажа и хакирање на владини компјутери.

Корпоративниот гигант станува еден од најсериозните непријатели на планетава. Луѓе пресметале дека во една година, Амазон зад себе остава пластика со која може целата планета да се опаша 500 пати.

Израел има фасцинантни резултати во вакцинирањето на популацијата. Со вакво темпо, ќе завршат работа до март-април.

Одлуката за екстрадиција на Асанж во САД е првата работа што судот во Лондон ќе ја направи во 2021, и доколку екстрадицијата се оствари процената е дека тоа би било еднакво на потпишување смртна казна за основачот на Викиликс.

Фајзер и Модерна не можете да ги тужите ако нешто тргне лошо по вакцинирање со нивните вакцини, пишува CNBC и додава: А и од владата не очекувајте дека ќе ви биде нешто компензирано.

Знаеш дека си претерал со пиење на божиќна ноќ ако си почнал да пиеш како Томас а си се разбудил како Селин Дион.

Додека милиони Американци се претворени во вазали кои мораат да работат на две или повеќе работни места, за ниски надоместоци и дневници, без здравствени и пензиски бенефиции, со малку работнички права и уште помалку опции во животот, на другата страна се случува такво спојување на државната и корпоративната моќ какво што претходно беше видено само во фашизмот.

Од над 400-те наредби за итно полетување на ловците на НАТО во одбрана на европските членки, 350 биле дадени по забележување на руски воени авиони каде што не треба да има руски воени авиони.

Беше најавена како „Операција варп брзина“ и како таква почна со некои 200.000 вакцинирања на ден што е одлична бројка, меѓутоа не и за земја со народ колку САД.

Популарните мали уреди кои личат на штипка и го мерат нивото на кислород во крвта, според една нова студија имаат три пати поголеми шанси да покажат погрешен резултат ако му мерат кислород на црн човек.