Во многу наврати сме ја поттикнувале мрзата и денгубењето како животен стил кој забрзаниот апетит на капитализмот и глобализацијата го смета за природен непријател. За среќа, и на капитализмот му станува јасно дека магарето некогаш треба и да одмори, бидејќи и утре треба да биде товарено.  

Истражување по истражување се потврдува мислењето на Американците дека премногу пари се вртат во политиката. Но, тие не знаат ни половина од вистината, велат луѓе кои се занимаваат со темата за елитистичкото финансирање разни проекти што во последно време се нарекува „филантропски колонијализам“. 

Пред Мишел, Барак Обама бара сосема друга жена да му биде сопруга, и тогаш се вмешува политиката, се тврди во масовната 1500 страни неодамна објавена биографија за поранешниот американски претседател.

Целта не ни е да ја стигнеме Википедија, туку да ја надминеме, изјави првиот човек на проектот за кој кинеската влада ангажираше 20 илјади истражувачи, академици и професори.

Кога пред една година (време во кое сериозно големото мнозинство либерали беа блажено среќни во својата увереност во победата на Хилари) Мајкл Мур предвиде дека Трамп ќе биде победник на изборите најголемиот дел од "неговите" не се мачеа ни да се нервираат со тоа што го збори, туку свртеа на смеење.

Од овој текст ќе научиме две работи: што е медијана, и дека стажантите (најдолниот вид работници во кој било корпорациски ланец на исхрана) во Фејсбук се платени 8.000 долари месечно.

Наспроти реалноста од светот на ТВ рекламите, лименка Пепси не успеа да ги смири првомајските протести во Портланд. Ниту пак тоа им успеа на десетиците лименки што потоа беа фрлени кон полицијата.

Млитавите, од интернет оштетени деца, од боксот само можат да зацврстат и да добијат лекции по посветеност и само-контрола, и затоа е потребно негово враќање во училиштата како спорт.

Текстот за Вашингтон пост го пишуваат три специјалистки (докторки и професорки) за дијабетес, и го почнуваат со случајот на една госпоѓа (со навика да пие цеден сок секој ден) која оди на доктор за редовна проверка, а од таму излегува со дијагностициран дијабетес. И ова ништо посебно не ги зачудува трите, "цело време гледаме вакви пациенти, кои од една или друга причина веруваат дека цедениот сок е здрава храна."

Сер Исак Њутн беше револуционерен математичар, астроном и и физичар, еден од најголемите умови на сите времиња. Па сепак, последните години од својот живот ги минува по пабови и пристанишни биртии и тоа маскиран, за да лови фалсификатори на пари и да ги праќа во смрт.

Неколку стотици индиски невести на една масовна венчавка добиле за подарок дрвени палки со упатство да не ги штедат ако мажите им станат насилни.

Лесно е да се советува да се пие умерено. Но, најновите научни сознанија го олеснуваат и избегнувањето на ваквиот совет: Како да пијам умерено кога толку ме боли?

На научниците со деении им е јасно дека она што го јадеме може да го менува балансот на бактериите кои ги имаме во дигестивниот тракт. Но, се чини дека се работи за двонасочна улица: и бактериите имаат влијание врз одлуката што ќе го одбереме за јадење.

Ревизијата на НАСА покажува дека на американската вселенска агенција не само што и снемуваат одела за мисиите, туку и дека во скоро време нема да може да набави нови.

Иако заморот е како веќе да сме 5-та сезона од серијата, на 29-ти април се комплетираат само првите 100 дена на Доналд Трамп како претседател на САД. Добро, до сега не тргна во ниту една војна. Лошо, многу од останато.

И после повеќе од 100 години автомобили на планетава, растење со нив и детално познавање на најбазичните правила околу нив, пак не ти е сеедно кога минуваш пешачки. Е сега, замисли ја константната нервоза кога истите тие коли и понатаму постојано би шишкале ама сега над тебе.

Нема ништо понадразнувачко од обидот на оние во вашата околина да ви ја намалат тензијата со тоа што ќе ве советуваат „Да не се секирате“. „Па што не кажувате вакви работи?“ - ви иде да крикнете, оти облачното расположение се растерува баш така. Но можеби има нешто во тоа да не олабавувате и да продолжите да се секирате. За ваше добро.

Зделката што ја нуди една холандска компанија е: посвојуваш кокошка и за тоа плаќаш годишна претплата, а за возврат бесплатно добиваш јајца. И ова вака им успева веќе неколку години.

Кривицата за неуспехот на Хилари да порази сенилен ТВ водител, според Демократската партија, паѓа комплетно на Русија, сиромашните белци, Берни Сандерс, и.тн. Кривицата никако не паѓа на тоа што нејзината кампања страда од исти пропусти како и во 2008: дезорганизиран кадар кој се мачи да дефинира јасна и убедлива порака за нивниот невозбудлив кандидат од естаблишментот.

Демократите и понатаму си повторуваат дека Хилари Клинтон е вистинскиот победник, Републиканците се тешат дека ја имаат контролата врз власта, а на центарот низ Западот му олесни откако пресметаа дека Макрон најверојатно ќе победи во вториот круг на претседателските избори во Франција. А не се свесни колку грешат, пишува Дејмон Линкер во Вик.

Московскиот суд го осуди генерал Денис Сугробов наа 22 годишен затвор, заради обвиненијата за корупција. Делата се направени додека Сугоробв беше шеф на анти-корупциска.

Во Глазгов се отвора теретана која на нашки би се викала „дремара“. Наменета е за подобрување на вкупното психо- физичко здравје а од посетителите ќе се бара вредно да одремат 45 минути. „Сонот е потценет“, велат менаџерите. Комплетно се согласуваме, особено што јавето вака упорно нè разочарува.