Иако е премногу далеку и е малку веројатно, ваквата замисла неодоливо потсетува на средината на 2015, кога Трамп прв пат објави дека се кандидира за претседател, а и левите и десните се спрдачеа со него и замислуваа како би изгледала таа Америка чиј претседател е поранешен водител на реално шоу и сеопфатен кловн.

Нам ни изгледа како дел од работничкиот рај што отсекогаш сме го посакувале, таму пак сè помасовно се доживува како непотребно губење време на работниците. Резултат, за некоја година и ние и тие во минато време ќе зборуваме за сиестата.

Медиумот си поигра со својата озлогласеност на Запад каде се смета за ударна тупаница на руската пропаганда и дежурен виновник за медиумската конфузија па извади слогани од типот: „Изгубивте избори? Пропуштивте авион? Обвинете нè нас!“

Еден од најозлогласените затвори во Европа по Втората светска војна, во кој буквално коските ги оставаат неброени противници и неистомисленици на тогашните југословенски власти, партија и идеологија, стана туристички камп за млади.

Хемичари од Универзитетот во Алберта конечно утврдиле доверлив метод како да пресметаат колку човечка урина има во некој базен. Нема да ви се допадне она што сега ќе го прочитате: колку ви е послатка водата....

Неодамна во Белград агенција понуди тура во која туристите можат да "запознаат Цигани" и ако сакаат со нив да собираат старо железо. За кратко време понудата беше повлечена, и не заради немање интерес од западните туристи.

Американска новинарска се направи предмет на масовен подсмев откако разгласи дека го тужи Трамп затоа што на неговиот личен (повторуваме: личен) Твитер, против неа го употребил едно од најкорисните копчиња таму - да блокираш некого и да го скинеш од својот радар (па нека си смрди во свој двор). Причината ѝ е глупа, објаснувањето неподносливо. Конечно и ние потполно да го разбереме златокосиот.

Ниту спомениците, ниту животот во времето кога тие се создадени, не се ни приближно минималистички како што изгледаат денес. И ова не би било многу проблем, кога истото тоа белило не би се користело низ историјата како аргумент за доминантноста на белецот, а подоцна и за етничката чистотата на античките општества.

Американскиот претседател одлучи да стави крај на тајната програма на ЦИА за вооружување и обука на сириски бунтовници кои се борат против владата на Башар ал Асад. На ова претходеа неколку најави од Тилерсон и американските медиуми дека САД ќе остават Русија да решава за судбината на сирискиот претседател.

Како наследник на саудискиот престол, речиси и да не постои човек кој може да му нареди или каже што било на принцот Мухамед бин Најеф. Така е се до една вечер во јуни годинава, кога тој е итно свикан во палатата во Мека, и таму со часови држен против своја волја се додека не се откаже од правото на престолот. Следното утро во Саудиска Арабија изгрева со веста дека земјата има нов принц-наследник, 31-годишниот син на кралот, Мухамед бин Салман.

Болниците и аптеките законски се должни да ги фрлаат лековите со минат рок на траење без разлика колку се неопходни или скапи. Во исто време, дури и на најнадлежните власти им сосeма јасно дека најголемиот дел од лековите се безбедни и употребливи со години (и децении) по рокот испишан на нив.

Финска, држава во историски константна состојба на "да не реши комшијата утре дека сме негови", со закон забрани носење маскирна и воена облека без обележја, како превенција од повторување на снимките од Украина и Крим.

Дали е градинар, дали е водоводџија, чистач на базени, или испорачува пица, заедничко за сите е што има минимална плата и максимум секс на работно место, барем според архетипот врз кој е изградено порното.

Звучи апсурдно ама таков е животот. Женет маж нарачал проститутка по интернет. На врата му се појавила неговата сопруга. Најинтересно е кога ќе помислите дека тоа нивното и не би било вонбрачен секс.

Не чиста како измиена, туку чиста како органска, без ГМО, без адитиви и слични неприродни додатоци. И иако првата варијанта (измиената) е корисна, втората е чисто маркетинг фора за богати белци.

Парадоксот на биткоинот е што во исто време е и јавен и анонимен. Во пракса ова значи дека секој може да ги следи сите можни трансакции од каде одат и каде стигнуваат, ама невозможно е да дознаеш чии се парите ако човекот знае како да ги скрие. Нешто како шибицарење.

Реган шоу е нов документарец на тема Роналд Реган, но не за неговото претседателството, туку како Реган ја одглумил улогата на претседател и целиот апаратус за односи со јавноста што го ангажира за "внимателно кореографираниот лик да се пренесе и продаде на американскиот народ".

Доколку глобалната клима затопли за 4 целзиусови степени, имаме две лоши и една добра вест за Македонија. Едната лоша вест е дека ќе бидеме пустина. Добрата е дека ќе бидеме супер за производство на соларна енергија. А другата лоша е дека Бугарите се многу поспремни да ја дочекаат таквата иднина.

Кога умираат, добрите нозе одат во Индонезија. А нивниот пекол се вика Кина. Ова произлегува од една масивна статија за глобалните пешачки навики на луѓето. Сепак  имајте на ум: да беше пешачењето здраво, поштарите ќе живееја по 200 години.

65-годишна Англичанка ја подготвуваат за операција на катаракта кога во едното око и наоѓаат "синкасто страно тело". Докторите успеваат да и го спасат видот, ама не и достоинството.

Во една од најдобрите показни вежби дека на некого би му ја препишале и душата ако тоа го напише со доволно ситни букви во услови за користење, компанија за бесплатно јавно ви-фи има црно на бело од 20.000 луѓе дека се согласни да чистат ВЦ шолји за тоа што бесплатно се закачиле на интернет.

25-годишна невеста откажува свадба од за сега необјавени причини. Свадба за која сè платено, а парите нормално дека не се враќаат. Се решава на потег кој е совршена комбинација на човечка добрина кон тие што немаат, и човечко зло кон тие што не враќаат платени пари.

На 15-ти се обележа првата годишнина од неуспешниот пуч против турскиот претседател Реџеп Таип Ердоган, настан кој од тогаш дополнително го отуѓи од неговите противници, пишува Сонар Конгапти во текстот за Атлантик.

Од разно-разни лекарства и народни иљачи, до чаша топло млеко пред легнување и други трикови, интернетот е преполн со совети како да се победи несоницата. Едно истражување предлага сосема поинаков пристап кон проблемот: најдете си смисла на животот.