Италијанска градоначалничка признава дека миленичињата знаат да им бидат битни пријатели на луѓето ама кога добила барање два булмастифа да ги носат венчалните прстени, пресекла: Претеравте. 

Романците им се пожалија на Американците колку им е блиску руската база во Севастопол, на Крим. Американците го смирија: спремете 4 милијарди долари и ништо не ви можат.

Екс претседателот на Перу Фуџимори веќе десет години се наоѓа во затвор, специјално изграден за него. Но, министерството за правда пред некој месец најави дека ќе ги проширува капацитетите на затворот, не прецизирајќи за кого. Од пред некој ден, друштво на Фуџимори му прави човекот кој направи пуч против него.   

Британските медиуми се согласни во желбата господ да ја поживее, но согласни се и дека жената има 91 година и дека е родена во 1926-та, годината во која, на пример, умираат Рудолф Валентино и Худини. Лондонско „Метро“ минува нив сценариото, за да не биде некој изненаден.

Кофеинот не е добар само за оние кои предвремено се разбудиле. Добар е и за оние кои предвремено се родиле.

„Тоа е идеја која со текот на времето станува сè полоша“, вели една анализа објавена во Форбс во која на гео-стратегијата се гледа од чисто американска перспектива. Што е и логично бидејќи ако дојде до конфликт меѓу НАТО и Русија, западните надежи сигурно нема да бидат свртени кон воениот капацитет на една Црна Гора.

Југоисточна Азија е еден од најлошите региони за градско возење и вистински хорор за учесниците во сообраќајот. Во тамошните гужви и закрчености се губат тони нерви и бензин. Се пробуваат различни решениа а најбољи Виетнам: се уплашил колку мотори ќе има за три години па ќе ги забрани.

Од неделава Уругвајците можат да влезат во која било аптека во земјата и да купат владина марихуана по загарантирана цена од 1,30 долари по грам. И не ти треба никаков рецепт за тоа.

Конзорциум издавачи на весници одлучи проблемот со пропаѓањето на бизнисот со вести да го решава со колективно преговарање со најголемите злотвори (и помагатели (и злотвори)) на медиумите - Фејсбук и Гугл.

Комкаст во месечната сметка наплаќа за ставка што се вика "Broadcast TV Fee", која го покрива трошокот на Комкаст за пренесување на бесплатните ТВ канали, ТВ канали што претплатниците можат да ги фатат и со виљушка во телевизор. По оваа ставка Комкаст годишно собира околу еден буџет на Македонија.

Виктор Орбан ја продолжува војната со Сорос ставајќи го на билборди. Израелскиот амбасадор во Унгарја им вика дека тоа не е убаво. Но, неговите шефови од министерството за надворешни работи, на Унгарците им викаат: Слободно терајте си вие со Сорос.

Рестораните на Запад забележуваат чудни промени во изборот на она што нивните муштерии го јадат. Не се бира по вкус или цена. Се бира она „што ќе го личи“ на Инстаграм.

И покрај тригодишните санкции од ЕУ, Русија е решена да продолжи со грандиозните планови за ретуширање на Москва. И не само на Москва, туку на 40 руски градови. Издвоиле 70 милијарди евра.

Пред само 8 години ни една од двете компании не е меѓу 10-те највредни компании на светот, а нивната заедничка пазарна вредност се проценува на помалку од 300 милијарди долари. Денес Епл и Гугл се двете највредни компании на светот заедно проценети на 1300 милијарди долари. И цело време, каде стигнат, двете компании се во судир меѓу себе, дали тоа биле смартфони и оперативни системи, или аудио уреди и автомобили.

Секогаш кога ќе се спомне "загадување, пластика, кеси..." редовното ехо е "требаат 1000 години за тоа да се распадне, па страдаат океаните, желките, делфините..." Зошто тогаш така истрајна и сеприсутна суровина не би се користела за производство на сè и сешто.

Површината на рекордно големиот глечер што се оддели од Антарктикот некако мораше посебно да биде доловена за публиката од секоја земја. Ние пренесовме дека глечерот е со површина од една-петина од Македонија.

Не може да се збори кој и како од 20-те лидери вечерта во новата сала на филхармонијата во Хамбург го доживеал делото на Бетовен, ама може да се каже дека ова е веројатно првиот пат кога овие 20 луѓе беа на едно место и цел час (речиси) никој од нив не отвори уста.

Во енциклопедијата на најпогрешната одлуки неговото место е гарантирано од моментот кога решава продаде 10 проценти од акциите на Епл за 800 долари. Денес, на 83-годишна возраст сака да нè увери дека ама ич не му е криво за тоа. Исто така денес, овие 10% би вределе 67 милијарди долари.

За да стигнеш да работиш во нечовечки услови од кои ќе љубомориш колку лесно проаѓаат рудари и железарци прво треба да најдеш човек што за пари ќе те внесе на таа работа.

Може не е главна порака, ама уденува важна поента: за науката за храна активистите што се противат на безбедноста на ГМО храната се еквивалент на луѓето што веруваат дека земјата е рамна.

Њујорк Тајмс објави портрет на претседателот на CNN поставувајќи го во херојска рамка како „првиот човек на отпорот“ против претседателот на САД. Слична аура околу себе градат и Мика Бжежински и нејзиниот партнер од утринската програма, само затоа што Трамп ја нападна Мика (простачки и сељачки, ко што знае). Ок, ајде да ги видиме „отпорашите“

Претходно беа сомелиери за вода (во ресторан да ти препорачуваат која вода со кое јадење оди; нас конкретно би нè занимало за чкето свадбарско) а и ова со органскава вода не е нов концепт. Ама па, се шири.

По 4 години исцрпувачки преговори, историскиот трговски договор меѓу ЕУ и Јапонија се крши врз еден проблем: меко сирење. Јапонците го имаат Сакура сирењето, кремаст специјалитет кој го добива својот шмек од ливчиња и цветови од планинска цреша. Европа има Камембер и Бри.

Во 2013 и 2014 Катар потпишува серија договори со своите соседи од Персискиот залив дека нема да им дава поддршка на опозициски и непријателски групи во границите на овие држави, плус во Египет и Јемен. Неколку години подоцна Катар преку ноќ завршува скоро па херметички затворен.