Санкциите воведени од Западот поради војната во Украина практично ја турнаа Русија во кинеска прегратка. Евтиниот увоз на енергија од Русија со децении ѝ обезбедуваше конкурентност на европската индустрија. Во изминатите четири години руската нафта и гас течат кон Кина. Само Пекинг, поучен од примерот на Европа, внимава да не претера со зависноста.

Повеќе од десет години еден дечко пробувал да се сети на клучната лозинка од крипто паричникот со биткоини кои на времето ги купил за бадијала, ама ја заборавил откако јако се напушил марихуана. Пробал сè, дури и од стари тетратки вадел фрази кои можеби ги ставил како лозинка. Неуспешно тестирал 3,5 милијарди лозинки. На крајот му се обратил на Клод. Сега има 400.00 долари.

Хаотично дури и за негови стандарди, Трамп денеска објави дека ги откажал нападите врз Иран кои претходно воопшто не ги најави. Наводно поради нов „сериозен“ мировен план. Извори од Пентагон тврдат дека една од причините е тоа што Иран развил тактика и зачувал проектили со кои многу поефикасно може да ги соборува американските авиони и да ги бомбардира соседите.

Падот на довербата во владата на Кир Стармер ја врати на политичката сцена дебатата за поништување на Брегзит. Поранешниот министер за здравство Вес Стритинг, кој му изрази недоверба на Стармер и сака да го наследи, најави дека Обединетото Кралство треба да се врати во ЕУ. Тоа го поддржуваат мнозинството Британци, покажува нова анкета.

Престижниот универзитет Харвард сфатил дека се претерало со давање на највисоката оценка иако таа е резервирана само за извонредни резултати. Како и со парите, и десетките се подложни на инфлација: колку повеќе ги има во оптек (без покритие), толку помалку вредат. Донеле решение за ограничување на десетките во проценти. Глупо, но професори велат дека тоа е најмалку лошото решение.

Со години компјутерските науки беа третирани како „златна“ професија, која гарантира стабилна и добро платена работа. Но, како што вештачката интелигенција ја преобликува индустријата, младите се откажуваат од студирање информатика, свесни дека машините го преземаат товарот на програмирање. Фокусот сега е на студиите што нудат најголем потенцијал за примена на ВИ.

Доналд Трамп е првиот претседател во модерната историја на САД што активно тргува со акции додека е на функција. Тргувањата зачестиле, дури и по 60 пати на ден, откако Трамп му објави војна на Иран. И кога претседателот периодично дава изјави дека војната ќе заврши „наскоро“, неговата Организација истиот ден купува нафта, акции и злато за милиони долари.

Кога Илон Маск го купи Твитер за 44 милијарди долари, го биеше глас дека не само што преплатил, туку и дека ги заглавил некои од најпознатите инвеститори во катастрофална зделка. Платформата не почна да им прави големи пари, но Маск им се оддолжи со брилијантни спојувања и преземања, со кои за четири години им ги дуплира вложените милијарди.

Намалената стапка на плодност во изминатите неколку децении беше болка на најбогатите земји, затоа што децата им беа економски товар на двојките. Сега, пак, има помалку парови, кои се поблизу до развод отколку до деца. Новиот виновник за демографскиот пад се дигиталните уреди и платформи кои го променија начинот на живот и дружењето за младите низ целиот свет.

Најголемата детска болница во САД ќе ги запре хормонските и другите третмани за промена на пол кај малолетници и ќе ја отвори првата специјална клиника за поништување на медицинските третмани за „потврдување на полот“. Ќе плати отштета поради лажно книжење на интервенциите и ќе им обезбеди бесплатни услуги на пациентите што сакаат да си го вратат првичниот пол.

Уште во Монровата доктрина, на другите империјални сили им се порачa дека западната хемисфера е американски двор и нема што да бараат таму. Верзијата на Трамп е даалеку поагресивна па дворот се протега и го Гренланд. А ако Венецуела, Куба, Гренланд, Панама... поради причини кои Трамп не ги разбира (суверенитет, самоопределување...) нејќат да станат нова ѕвезда на американското знаме, ене кај е Марс.   

Војната во Иран прекина околу 20% од глобалните испораки на течен природен гас, поттикнувајќи ги земјите да се вратат на горење јаглен. Ова е највалканото гориво, но е многу посигурен извор на енергија. Италија е една од ретките европски земји што направи резервен план за активирање на електрани на јаглен, како превентивна мерка од долгорочен енергетски шок.

Леон Панета, поранешниот шеф на ЦИА, ги реди сите грешки на Трамп, која од која поголема, поради кои САД влегоа во војна со Иран, од која сега не можат да се извлечат. Трамп загризал залак што не може да го проголта. Иако разузнавачите одамна знаеле дека Иран во случај на војна ќе го затвори Ормускиот проток, Трамп немал план како да реагира на таква ситуација.

Oткако го достигна својот врв во 1980-тите години, бројот на сериски убијци - за среќа - е во постајно опаѓање, покажува водечката светска база на податоци за сериски убијци. За намалување на нивниот број се наведуваат неколку фактори, меѓу кои и намалената популарност на авто-стопирањето. 

Повисоките приходи не додаваат на тежина но затоа тоа го прави подолгото работно време. Меѓународна студија утврдила корелација меѓи обрасците на работа и прекумерната тежина во преку 30 земји. Колку подолго работиш, толку повеќе се нервираш што не завршуваш порано па нервозата ја закопуваш во храна. Проблем имаат Американците и британските деца а Јапонците се сајла. 

Случај од Шпанија покажува колку екстремни последици може да има сеењето страв од ковид и наметнувањето екстремни мерки за заштита. Суд им изрече затворска казна на родители што четири години не им дозволиле на своите деца да излезат од домот, поради страв дека ќе се заразат од ковид. Децата претрпеле екстремни ментални и физички страдања. 

Додека Брисел трпи критики за ширење на свои политики преку невладини и медиуми, Советот на ЕУ ѝ даде поддршка на нова програма од милијарди евра за промовирање „демократија, еднаквост и владеење на правото“. Нацртот на проектот остава простор Брисел да решава кои медиуми ќе добијат пари, а кои ќе бидат елиминирани поради „кршење на европските вредности“.

Наместо да чекаат природен земјотрес заради сеизмички истражувања, научници и инженери самите предизвикале серија од 8.000 ситни потреси во расед длабоко под Швајцарските Алпи. Никој на површината не го почувствувал тресењето. Податоците треба да придонесат за да се одреди границата од ризик во рударството и црпење нафта со фракинг. 

Ветеран на ЦИА за специјални операции го обвини докторот Ентони Фаучи дека директно интервенирал за да го промени разузнавачкиот извештај за потеклото на ковид. Сведочејќи под заклетва пред Сенатот, оперативецот изјави дека ЦИА ја свртела истрагата за ковид кон своите вработени и ги надгледувала за да задуши протекување на информации.

Откако канцеларката Ангела Меркел во 2015 ги отвори вратите за мигрантите, двојно се зголемил бројот на сексуални злосторства во Европската Унија, покажува ново истражување. Силувањата се зголемиле за 150%. Најкритична е ситуацијата во Шпанија, каде што странците се непропорционално претерано застапени како извршители на насилните дела.

Андриј Јермак, десната рака на Зеленски, редовно се консултирал со гатачка пред да назначува високи државни функцинери, објави специјалното обвинителство што го истражува корупцискиот скандал од десетици милиони долари. Јасновидката позната како Вероника „Фенг шуи“, според обвинителите, била главен гатач и гуру за црна магија во кабинетот на претседателот.

Новиот извештај за ѕверства на Хамас врз израелски цивили во 2023 година, кој ја згрози светската јавност, всушност е дел од израелската пропаганда, тврди Макс Блументал. Неговиот портал Грејзон одамна ја откри измамничката позадина на Комисијата за 7 октомври, која во извештајот рециклира обвинувања што биле дискредитирани пред две години.

Како можеме да очекуваме емпатија во сообраќајот кога ја нема во општеството? Како да бараме почитување на сообраќајните правила кога правилата не се почитуваат во парламентот, министерствата, на конкурсите, во судниците? Ќе мора да си признаеме дека сообраќајната агресија не е проблем што може да се реши со камери или казни. Се решава со политика што го враќа достоинството, урбанизам што го враќа просторот, култура што ја враќа довербата и економија што ја враќа сигурноста на луѓето.

Принцот Турки Ал-Фејсал, син на саудискиот крал и долгогодишен шеф на разузнавачката служба, тврди дека САД и Израел го нападнале Иран за да ја втурнат и Саудиска Арабија во конфликтот и да разгорат војна на двете најмоќни муслимански земји на Блискиот Исток. Во таква ситуација Иран би можел полесно да ги наметне своите интереси во регионот.