На 1-ви јануари 2025 и официјално почнува да важи анти-бурка иницијативата која швајцарските гласачи ја одобрија уште во 2021 со 51,2% од гласовите и со која се забранува секакво покривање на лицето во јавност.

Во последните денови од своето владеење администрацијата на Бајден одлучи во траење на цел мандат на Трамп да ја продолжи заштитата од тужби за повреда или смрт за производителите на вакцини.

Вредноста на акциите на рускиот енергетски гигант го достигна најниското ниво во последните 15 години, откако Украина пркосно одлучи дека нема веќе да соработува со нив.

Како што светот опасно се приближува кон нуклеарна распаљотка од сите страни, така како никогаш до сега, глобално, расте и продажбата на нуклеарни бункери за цивили, без разлика што експертите тврдат дека истите нема да завршат нешто многу работа во случај на нуклеарен армагедон.

Двата јапонски производители одржале „прелиминарни“ разговори околу „потенцијално“ спојување во една компанија кое би им помогнало да се спротивстават на наездата од кинески електрични возила.

Надобудните апостоли на таканаречената „енергетска револуција“ во Германија, успеаја да ја убедат земјата дека може брзо да ги напушти и фосилните горива и нуклеарната енергија, без да ја изгуби својата индустриска предност. Тоа беше класично коцкање. Или, уште посоодветен термин во случајов - тоа беше руски рулет. А куршумот е кинески.

Го памтите оној затвореник од драматичното видео на CNN кој излегува од тримесечна самица во Дамаск со средена брада и нокти? Ако не, видете во „Кому му се верува, нека верува“. Дури подоцна проверија за кого се работи. Озлогласен член на силите на Башар ал Асад, познат по тоа што ги мачел оние што одбивале да му платат. Фатени живи, CNN признаа дека утнале.

Чатбот базиран на ВИ му препорачал на 17-годишен тинејџер да си ги убие родителите бидејќи тоа било „разумен одговор“ на временското ограничување што му го вовеле за користење мобилен и други уреди.

Просечниот корисник на социјалната мрежа годишно со своето скролање по клипови на Тикток создава штетни гасови колку што кола на бензин би произвела на дистанца од 200 километри.

За прв пат во последнава деценија бројот на дебели луѓе во САД не само што не продолжил да расте туку и се намалил, и по ново излегува дека за тоа најверојатно е одговорен Оземпик и нему слични.

Порнхаб ја обелодени својата најнова листа на најпребарувани поими. Долгогодишниот шампион е симнат од тронот. Лезбејка, терминот кој неколку години го држеше првото место, во последната година е паднат на четвртото место. А ние изгледаме старееме, бидејќи иако порнофили, некои нови термини веќе не ни се јасни. Што е бре „скромен секс“?

Воениот вакум во Сирија после падот на режимот на Башар Ал Асад Израел го користи максимално: моментално ги изведува најжестоките напади во таа земја во последните 14 години, срамнувајќи сè што е воен објект. Сеизмолозите веќе не знаат кој потрес е од земојотрес а кој од нивните експлозии. Во меѓувреме, Тел Авив го населува Голан со Евреи бидејќи знае, планината е на оној кој ги има овците. 

Свиркач инсајдер од најпопуларната и највредна компанија за вештачка интелигенција на светот е најден мртов во својот стан. Њујорк Тајмс, една од многуте компании кои го тужат ОпенАИ за крадење на нивните авторски дела додека го обучуваат четботот, тврдеше дека тој поседува драгоцени информации и материјали кои ќе го подржат нивниот случај пред федералниот суд.

Во 2020 година, сириската војска броеше 130.000 јако опремени војници. Кога кон крајот на ноември, неколку илјади исламистички бунтовници од Хајат Тахрир ал-Шам (ребрендирана филијала на Ал Каеда), ја започнаа својата офанзива кон крајот на ноември, никој не им предвидуваше триумф. Па сепак, за две недели сè беше готово. Накратко: така е кога платите се мали, корупцијата голема а војската ти ја командуваат странци.

Се бара сеопфатна ре-евалуација на генетски базираните вакцини кои во пандемиската паника добија итни дозволи за употреба. Се бара темелно и независно да се проценат и краткорочните и долгорочните ефекти врз здравјето. Се бара професијата да признае дека малку се подизгуби од патот и дозволи да се дојде до дереџе да се гуши научната дебата. А дотогаш, да се сопре со ваквите вакцини.

Норвешка се смета себе за жртва на ценовна инфекција од европските цени на струјата и планира да поработи на својот енергетски суверенитет. Владеачките партии најавуваат гаснење на интерконекцијата со Данска а се спомнува и репреговарање на договорите со Англија и Германија. Без норвешката струја, дури тогаш на европскиот енергетски пазар ќе биде (не)весело.  

Што ќе биде со оние државни проекти кои веќе се минати на тендер? - го праша своевремено новинар аргентинскиот претседател Хавиер Милеи, сомневајќи се во неговото ветување дека ќе ја победи огромната буџетска дупка. - Ќе им кажеме дека нема пари. - Ама... - Ама ќе го отпуштам секој министер кој ќе потроши повеќе отколку што треба, се закани Милеи. И така, миц по миц....

Магазинот Тајм повторно го прогласи новоизбраниот американски претседател, Доналд Трамп, за Личност на годината. Таа долговечна листа се прави од 1927 година и во меѓувреме беше толку девалвирана со некои избори што фановите на Трамп и немаат причина многу да слават. Посебно што во конкренција годинава му беше и Камала Харис. А неа може да ја победи и во ластик.

Државниците и политичарите во најсилната европска економија се надеваа дека Германија може да стане глобален лидер во две клучни области: климатските промени и миграциската и социјална политика. Можеби убави но скапи и економски убиствени елементи. Ја имаат најглупавата енергетска политика на светот а дарежливите социјални програми им одат на мигранти.    

По филмското враќање на Трамп во Белата куќа, сосе избегнувањето и затвор и убиство, Закерберг реши дека треба со добро да го почне вториот мандат на американскиот претседател па одлучи да ја спонзорира неговата инаугурација.

Русија на еден ден блокирала цели делови од својата држава од пристапување на интернет како дел од проектот за развивање на сопствен „суверен интернет“.

Нето вредноста на Илон Маск за прв пат ја надмина границата од 400 милијарди долари, што е рекордна сума за него и за кој било друг милијардер на кој јавно му се знаат парите.

По заземањето на Голанската висорамнина, Израел ги искористи најматните денови од падот на Асад за на долг рок да заврши уште една стратешка цел - уништување на сириската морнарица.

Како што сириските милитанти се побрзо напредувале кон Дамаск, Русија, која се чуди како толку доцна разбира за опасноста, го убедила сирискиот претседател Башар Ал Асад, да се откаже од каква било борба и да го фаќа авионот накај Москва.