Родени се 1933-та, цели две децении доминираат со британските таблоиди, речиси исто време колку што владеат и со лондонското подземје. Том Харди ги глуми двајцата во Легенда, имаат Монти Пајтон инкарнација под името Браќата Пирана, Морисеј во една песна прашува "Reggie Kray, do you know my name?" и "Ronnie Kray, do you know my face?", а за двајцата има доволно документарци и филмови да можат да имаат сопствен фестивал.

Убијците од Париз ниту беа Сиријци, ниту користеа енкрипција, двете работи за кои американската влада ги користи нападите од Париз како алиби за да ги забрани.

Таман ќе се помириш со сите можни причини заради кои јадеш како да ти е последно, и фините научници ќе најдат ново алиби за твојата прождерливост - мажите се прејадуваат за да ги импресионираат жените.

Дека оние што сами се разнесуваат или рафално пукаат по концертни сали се морони, морони се. Ама дека целата оваа приказна со тероризмот не може да се сведе само на морони, не може. Неколку незгодни прашања на таа тема.

Минатата седмица во Боцвана беше откопан дијамант од 1.111 карати, со димензии 65мм х 56мм х 40 мм, или некаде колку тениско топче.

На проповедта во Ватикан којa следуваше по 129-те жртви во Париз, 43-те жртви во Бејрут и 224-те жртви од соборениот руски авион, Папата Франциско го прогласи годинешниот Божиќ за лакрдија бидејќи "целиот свет е во војна".

Од лепењето на првата таксена маркица на барањето за дозвола од американското ФДА, до давањето на завчерашното одобрување поминати се над 20 години.

Мрежа од над 1.000 религиозни сестри се излезени на улица и позираат како проститутки за да им се најдат на помош на девојките кои се жртви на трговија со луѓе.

Едно од оние задолжителни четива за исламизмот, неговите корени и начинот на кој метастазира во Европа. Особено сега, кога станува јасно дека смртоносните фанатици не се луѓе растени во пештери па ако им се даде Ајфон, Плејстејшн или некое фино порно, допрва ќе станат од наша.

Денес во САД влегуваат помалку Мексиканци отколку што од таму излегуваат. И тоа нема врска со заканите на Доналд Дамб дека ќе ги протера илегалците.

* Син ми гордо носи носи слика од Александар Македонски околу неговиот врат. Подарок кој го добив последниот пат кога бев во Македонија.
* Мојот пенис е британски.
* Последен пат кога се видовме со Ричи Блекмур, се степавме.
* Многу е важно да гласате! А не само да седите и кукате за владата.

Бројот на мртви во Париз е далеку помал од тоа што можеше да биде: за разлика од сите можни медиумски податоци за војниците на Исламската држава, за Зухеир и Сафер, вратарот кој откри бомбаш самоубиец и келнерот кој спаси две ранети Французинки, не се зборуваше многу.

Горан Керкез е музичка реинкаранација на човекот кој повеќе го познавате како Горан Кан. Има нов албум, комплетно различен од неговото досегашно аудио досие. Седумте парчиња од албумот The Тale звучат светски а ако сте фино наштимани за уживање и примање слики, можат да станат многу ваши. Отворете уши и влезете во филмот на Горан...

Не, ни авторката на следниот текст не го бара тоа. Само сака да сврти внимание на она што кај нив го сметаме за "добро утро". И така секој ден за некого во некое парче на овој свет отиден фино лепо у курац.

Во говорот пред преполна сала во Универзитетот Џорџтаун, кандидатот за претседател на САД, предложи формирање на нешто што би било како ново НАТО, чија цел ќе биде борба против глобалниот екстремизам, и ќе биде надополнето со Русија.

На единствениот човек кој има запалено џоинт во Белата куќа му се може. Пред преполна сала американски политичари кои деновиве најмногу се занимaваат со темата за сириските бегалци, Вили Нелсон отпеа "има место за сите во Америка".

Првиот човек на курдското разузнавање и безбедност во интервју за БиБиСи објаснува дека нема потреба од глобално драмење и преплашеност од ИСИС, туку се што треба е светската заедница "комплетно се ангажира" околу нив и проблемот ќе биде решен за неколку недели.

Проблемот со сите решенија околу спречувањето избегнување данок е што најчесто она што е изводливо во теорија, политички не е замисливо ни да се започне, а и да се започне уште од прв ден е осеудено на пропаст.

Со вакво понашање во домот, компаниите и владите, за глобална рамноправност меѓу половите ќе се почека за век и кусур, покажува најновиот извештај на Светскиот економски форум кој го регистрира севкупно килавиот напредок во оваа област. Словенија е одлично 9-та, Македонија е на 69-тото место, после Украина, пред Албанија.

Кога не работат на упорно одржување на својот рејтинг како најомразен ентитет во светот по сите можни основи, ИСИС се зафатени со правење пари за финансирање на своето постоење и своите акции. Како што се успешни во првото, така се и во второто.

Истo како и во војната во 2001-ва, кога ОВК вадеше само команданти (командант Чакала, командант Бреза, командант Липецвату...), како да немаа тие ништо помалку од командант, и ова сега со терористите не може да пројде ако некому не му се додели титулата "мозок на операцијата" или "мастермајнд". Што е мајсторија да се дигнат тројца идиоти во воздух и притоа да убијат еден човек?  

Пред неколку недели објави дека ќе вработува, а на 14-ти декември НАСА ќе почне и да ги прима апликациите за кандидатите за следната класа астронаути. Веројатно најтешкиот предуслов за мнозинството што ова тука го читаат е - да бидеш американски граѓанин.

По дефиниција, полу-живот (попрецизно период на полураспад) е времето потребно за една супстанца во процес на распаѓање да се намали за половина. Да речеме дека таа супстанца е емпатијата.

Прво со заинтересираност а потоа и со фрустрација гледав како твитерџија по твитерџија тврдат како медиумите не ги покриваат работите што се случуваат во светот кои всушност навистина, навистина ги покриваат.