Колумбиската морнарица улови невообичаен плен - мала автономна полуподморница со капацитет да носи товар од 1,5 тон. Во неа немало ни луѓе ни стока, но морнарицата е убедена дека ѝ припаѓа на најголемиот кокаински наркокартел. Ја пресретнале во карписки води, каде што ја тестирале дали може да стаса до пазарите во САД или Европа, кои трошат кокаин како никогаш досега.
Креативен предизборен слоган знае да придонесе за победа, а несмасно склопените може да уништат кариера на политичар. Темелна научна анализа на слогани од целиот свет покажала дека има неколку клучни зборови им се заеднички на многу успешни кампањи. Но, сами по себе не се волшебна формула за изборен успех. Нема многу да им помогнат на „нехаризматични ѓубриња“.
Прехранбената индустрија има ефикасна формула да промовира штетна, па и опасна храна како „здрава“, не само со маркетиншки трикови што го лажат окото. Внимателно креирана комбинација од состојки во ултрапреработената храна го репрограмира мозокот за да ја блокира ситоста и да бара повеќе и повеќе храна. Најлошото е што мислиме дека ја контролираме ситуацијата.
Беспилотните летала оставија крвав тактички печат во војната во Украина. Од маргинални алатки за извидувања станаа доминантни убијци од кои стрепат и војниците на фронтот и цивилите од Киев до Москва. Главната предност на дроновите е кога се користат во роеви, но не се непобедливи. Брзо беа развиени контрасистеми кои го затворија прозорецот на нивната доминација.
Речиси 62 години по убиството на американскиот претседател Џон Ф. Кенеди, нови документи покажуваат дека агент на ЦИА имал директни контакти со атентаторот Ли Харви Освалд и, уште полошо, дека ЦИА пред Конгресот систематски ја криела својата улога во атентатот со лажни сведочења и прикривање документи. Тоа покренува сериозни прашања за сите досегашни истраги.
Германските власти не објавуваат дали лицата осомничени за криминал имаат странско потекло, но опозициската АфД по парламентарна истрага сепак стигна до загрижувачка официјална статистика. Младите Алжирци во Германија, на пример, 56 пати почесто се осомничени за криминални дела во споредба со нивните германски врсници. Реалната разлика е многу поизразена.
Цената на нафтата и натаму паѓа, само оваа година е спуштена за 20 проценти. Дали тоа САД и Саудиска Арабија се обидуваат да го клекнат Путин како што во времето на Роналд Реган го банкротираа Советскиот Сојуз?
Френк Гери го сметаат за најславниот жив архитект на светот, ама го сметаат и за најлошиот жив архитект на светот. Нему многу многу не му е гајле за што го сметаат, само сака да го остават на раат.
Најдовме камион кој апсолутно треба да му припадне на оној распеан камионџија кој за момент го натопи македонскиот интернет со позитива. Само што треба да го држи грло до 2025-та година.
Целата работа звучи како почеток на шпионски трилер - ЦЕО-то на Тотал загинува при заминување од Москва, каде што бил на состанок со Медведев во неговата дача, и каде разговарале за инвестиции и случувањата во Украина. Сведоштвото на одговорниот за несреќата воопшто не го менува почетниот впечаток.
Заради општата параноја-френдли клима во која живееме и медиумски индуцираниот страв од сешто, "здравата храна" е една од оние теми кои веднаш привлекува интерес. Истовремено, темата е многу податлива за шано-мано и тоа не само во земја во која две надлежни институции со недели не можат да се согласат дали има или нема листерија. Да видите само како и експертска Европа лесно паѓа на оваа финта.
Прво вооружен напаѓач убива невооружен канадски војник на стража пред Националниот меморијал на војната (споменик на сите војни во кои учествува Канада), а потоа влегува во парламентот. Таму е убиен од редарот (sargent at arms) на канадскиот парламент.
Седењето во училиште и онака знае да ги подгрбави децата. Особено овде, каде системот си помислил дека една од неговите задачи е да им ги омекне кичмите на младите, за полесно да се виткаат понатаму во животот (Види "Kако сум систематски уништен од идоти"). Ако е така, одиме ние со малку физикална терапија.
Работејќи за не-профитната ЕкшнЕид, Софи Клугарт во 2009-та оди во Кенија. Таа е фасцинирана од земјата и почнува да патува низ неа и да прави репортажи. Воодушевена е по сите основи кои ги очекувала. Она што не го очекувала е низ Кенија да начека толку многу заљубени бели Европејки.
За прва годишнина на врска, девојката добива ворд документ со сите смс пораки што си ги испратила со дечкото (ова е 2008-ма и навистина се смета за подвиг). За 6-та годишнина (веќе во брак) таа на партнерот му прави компаративна анализа на сите пораки што си ги испратиле во врска и во брак.
Западната опсесија со ИСИС повеќе е поттикната од верската нетрпеливост отколку која било вистинска проценка на ризикот или свирепоста на групата, пишува Муса ал Гарби за Ал Џезира.
Украина беше за Путин, тоа што Аустерлиц беше за Наполеон, и падот на Париз за Хитлер, моментот кога конечно се' беше централизирано во неговите раце, објаснува поранешниот полски министер за надворешни работи, Радек Сикорски.
Знаете дека на овој сајт нема да прочитате кога во Македонија се отвора нова бесцаринска зона ниту пак ќе дознаете кои сè забелешки овојпат ги има ЕУ за македонските реформи. Но, меѓу тие два информативни блока постојат куп детали што се нарекуваат живот и за кои ова е вистинската адреса. Продуцентите на најновиот македонски порно филм нè насетиле дека сме порнофили (не дека сме се криеле) и ни понудија први да ја самозадоволиме нашата информативна глад за случувањата во оваа, кај нас запоставена, филмска гранка.
Логиката е за да стигнеш побрзо до место на некоја несреќа ти треба Брза помош што може да развие што поголема брзина, на пример 260 км/ч. Ништо од оваа логика не води кон Лотус Евора. Ама не и во Дубаи.
11-годишно дете од Стокхолм во паника се јавува во полиција за да пријави дека некој му упаднал дома. Полицијата инстантно интервенира, стига во домот и гледа дека нема провалник. Потоа продолжува по шведски.
Градоначалникот на Чикаго има сериозен проблем со јавноста откако одлучи траењето на жолтото светло на семафорот да го намали од 3 на 2,9 секунди. Околу 77.000 луѓе од градот имаат зошто да му се гневат.
1964-та, изборна година во САД. На маргините на главната претседателска трка меѓу Линдон Џонсон (актуелен ВД претседател по убиството на Кенеди) и републиканскиот противкандидат Бери Голдвотер, Американците добиваат шанса да замислат алтернативен пат по кој би тргнала нивната земја. Кандидат: Дизи Гилеспи. Главно ветување: Шеф на ЦИА ќе биде Мајлс Дејвис.
Немало никаква херојска авантура, туку само крвопроливање, не треба да се слави Денот на Колумбо, своевремено напиша во својата книга A People's History of the United States, историчарот Хауард Зин.
