Пред многу години си реков на себе: "Ако има уште еден пуч во земјава, ќе се откажам од новинарство..." Мината вечер ме потсети на ова ветување, пишува во својата колумна поранешниот главен уредник на Хуриет, Ертурул Узкук.

УНЕСКО ги прогласи делата на францускиот архитект Ле Корбизије за светско културно наследство. Бетон, челик и стакло се основните материјали на неговиот модернизам, пуризам и брутализам, правци кои и натаму предизвикуваат спротивставени коментари.

Жителите на Германија по дома во метал и хартија се уште имаат германски марки во вредност од над 12 милијарди или во денешни пари 6,53 милијарди евра.

Дечкото, не можејќи да најде работа во Србија, одлучува да ги спакува куферите и да појде во Приштина. Во текстов објаснува колку животот таму му е добар. Но и колку сознанието дека и по 16 години од војната е полесно да дојде некој од Белград или од друг српски град отколку од северна Митровица за раат да живее во Приштина е поразувачко.

И да не следиш вести 2016 до сега беше преполна со настани што не можат да те одминат, и ова важи дури и ако држиш до некој арогантно висок став на толеранција кон светот дека вест е само нешто што се случува во Западна Европа или САД.

Иронично е што, додека припадниците на војската започнаа државен удар против него, Претседателот Реџеп Таип Ердоган се одлучи на герила медиумски тактики - обраќајќи се преку Фејстајм апликацијата на неговиот мобилен - за да ги повика Турците да се спротивстават на пучистите.

Иако никој од околните факмани одамна се нема пожалено/пофалено дека ја закачил (сега главно се жалат на триглицериди или жгаравица), гонорејата не само што е тука туку станува отпорна на сите можни оружја кои ги имаме против неа.

За Ердоган спасот на политичката кариера (а потенцијално и животот) започна на аеродромот во Истанбул, каде изјави дека обидот за пуч бил дар од бога затоа што сега ќе може да ја исчисти армијата и вети дека пучистите "ќе платат висока цена за ова". Заменикот уредник на Гардијан, сака да верува дека целата работа може и помирољубиво да се разреши.

Има претерано многу аргументи против индустријата за месо, одгледувањето животни за храна предизвикува климатски промени, ја загадува околината, создава болести и бактерии кои се сè поотпорни на антибиотици, фекалии, а колењето животни во одредени случаи би можело да се квалификува како тортура. Едниот аргумент што многу оди во негова корист е што месото е вкусно.

Утрото не осамна ведро за оние кои ноќта се обидоа со воен удар да го срушат Ердоган. Тој е во Истанбул, војниците се предаваат, лојалните вооружени сили ја преземаат контролата врз земјата и масовно апсат лица вклучени во превратот. Утрото не осамна никако за неколку десетини луѓе, меѓу кои има и цивили, кои загинаа во пучот.

Турската војска себеси гордо се гледа како ангел чувар на турската демократија, во секуларниот дух на основачот на модерната турска држава. Од 1960-та година до денес таа неколку пати направи рестарт на државата, секогаш кога нејзини генерали ќе оценеа дека е потребно ново баждарење на политичкиoт курс во однос на нивната ѕвезда Северница наречена Кемал Ататурк. Синкир денес првпат им е.

Откако во 21 часот турскиот премиер Бинали Јилдирим објави дека имало обид за воен удар во земјата, турската војска во изјава објавена пред 21:30 соопшти дека ја има преземено власта во земјата.

Турските и светските медиуми јавуваат дека турската војска ги блокирала стратешките точки во Истанбул и дека најверојатно се работи за воен удар.

Пред почетокот на Европското првенство во Франција беше изведена генерална проба во случај на голем напад, па низ француските градови, вклучувајќи ја и Ница, беа симулирани најразлични напади, како и можните решенија за справување со жртвите.

На денот на доаѓањето на власт на Тереза Меј, поранешниот британски премиер Гордон Браун прави список од 7 "несигурности" со кои таа ќе треба да се бори. Неговата прогноза уште од сега е дека "веројатни се одлагања во имплементирање на волјата на гласачите да се напушти ЕУ."

Минатата година во Германија влегле повеќе имигранти од кога и да е до сега, покажуваат официјалните бројки објавени во четвртокот. Рекордот што го поставува 2015 е 2,14 милиони новодојденци.

За време на прославата на националниот празник на Франција се случи масакр откако камион влета во луѓето кои го прославуваа Денот на Бастилја на шеталиштето во Ница.

Европскиот социјалистички претседател чиј бербер има плата од 10.000 евра рече дека одлуката на екс претседателот на Европската комисија да работи за Голдман Сакс е морално неприфатлива.

Случајот на еден Французин скоро една деценија ги фрла во депресија научниците кои беа уверени дека нешто знаат за биолошката основа на човековата свест. Имено, нему му недостасуваат 90% од мозокот и живее нормален живот. А не е пратеник. Добро де, работи во администрација.

На хартија поранешниот градоначалник на Лондон е еден од најкосмополитиските ликови во светската политика: роден е како американски граѓанин, прадедо му е Турчин, и е ветеран новинар од континентална Европа. Со различно ниво на течност зборува француски, италијански, германски и шпански. Во пракса ова и не се преточи во некое посебно космополитско однесување.

Спротивно од декларативните пораки на неговите челници, она што НАТО го реши на последниот самит е знак дека започнува нова Студена војна. Првата траеше 43 години. И не, не е ова руска проценка.

Од Елизабета Прва до Елизабета Втора, Англија беше империја, веќе не е, порачува британскиот писател Бен Џуда во текстот за Њујорк Тајмс.

Градското собрание на Боскотреказе, кое одговара за популација од 11.000 луѓе, ќе мора да затвори затоа што остана без персонал откако неговите вработени беа уапсени за бегање од работа.

Денешните општества сè повеќе ја поистоветуваат интелигенцијата со вредноста на еден човек. Елитата заборава дека 50% од населението се потпросечно интелигентни.