По прогласувањето на Доналд Трамп за претседател на САД, неговиот колега Јун Сук Јол, за прв пат по осум години се фатил пак да вежба голф подготвувајќи се за „голф дипломатија“ со следниот американски претседател.

Во романот „Серотонин“ од Мишел Уелбек од 2018 година (види Букбокс читанка), еден разведен аристократ води бунт на фармерите. За 19-ти ноември, се најавува уелбековска катарза на британската политика: се очекува Џереми Кларксон да ги води фармерите во Вестминстер за да протестираат против „данокот за трактор“ на Рејчел Ривс кој се однесува на оставањето наследство на земјоделски имот на децата.

Блогерот по име Сима Нан кој својата слава ја стекнува заради силните анти-западни коментари, е целосно забранет на кинеските мрежи и интернет.

Жена која решава легално да си го одземе животот во Швајцарија со помош на Сарко комората за самоубиство, по успешната процедура е најдена со белези на давење на нејзиниот врат.

Иако речиси десет години Кина ја олбавува својата долгогодишна политика за едно дете, резултатите не се охрабрувачки. Стaпката на наталитет и натаму паѓа а минатата година е забележан рекордно низок број на родени, само 9,02 милиони. Ај деца, ама па тоа Кинезите сега ни бракови нејќат. Така е кога од село ќе дојдеш во град.

Ограничувањата кои треба да го гарантираат членството на САД во НАТО не се толку силни и опсежни како што се мисли и ако Трамп одлучи вистински дека неговата држава треба да ја напушти Алијансата има начин како да го направи тоа.

Пукнати да ја видат својата пуленка како претседателка на САД, Си-ен-ен најде начин како и на нив да им пројде меракот Камала да биде претседателка, а и Трамп да го отслужи мандатот. Како и во јули, така и сега, целата нивна среќа е во рацете на Бајден.

Во Демократската партија во полн ек е покажувањето со прст и барањето виновници за катастрофалните избори на кои останаа без претседател, без Сенат, а најверојатно и без Претставнички дом.

Русија планира спојување на нафтените гиганти што работат под нејзина контрола, што би резултирало со создавање на вториот по големина производител на нафта по саудискиот Арамко, што ќе пумпа три пати повеќе нафта од Ексон мобил.

Предвремените избори во Германија можно е да не се одржат затоа што има недостаток на хартија на која би се отпечатиле гласачките ливчиња, алармира претседателката на германската изборна комисија.

Од жените гласачи во САД некои очекуваа дека по природа на својот пол ќе знаат кого да изберат кога се бира меѓу една Камала Харис и еден Доналд Трамп. Сега многумина од таквите елитисти се разочарани, особено од белите жени. Емоциите ги водат и кон некои јако блесави идеи: оние кои не гласале за Трамп, да носат сини нараквици, за да се препознавале меѓу себе и да се разликувале од „предавничките“.   

Во југоисточните делови на Шпанија, за 8 часа падна повеќе вода отколку во претходните 8 месеци. Загинаа над 200 луѓе, други се водат како исчезнати, патишта и мостови се збришани, преку 100.000 автомобили оштетени. Луѓе во Валенсија и другите места се прашуваат дали освен природниот елемент, постоел и друг фактор кој придонел за вака катастрофален биланс на поплавите.

Од новиот потпретседател на САД и поранешен сенатор од Охајо, ЏејДи Ванс, издвојуваме две поенти: едната е за Кина и она што е добро во неа е што нема закани како што сме навикнале туку потреба од извлекување поуки од нивната политика. Втората е за ЕУ. Е, тука има закани, ама врзани со една тема која ни е битна и како на луѓе и како на медиум, а тоа е слободата на говорот.

Ако се држи до ветувањата, Трамп наскоро треба да тргне во најавената војна против транс -идеологијата и непоправливите гревови кои ги прави кон деца и млади нудејќи им „лесен“ излез од сите нивни младешки збунетости и дилеми велејќи им дека се наоѓаат во погрешно тело. „Ќе барам Конгресот да донесе закон по кој државата признава два пола: машки и женски и тие полови се од раѓање“, порача Трамп.

Освен што најави запирање на војните во Украина и Блискиот исток, најголемото очекување од Трамп е враќање на слободата на говорот која се потиснуваше и цензурираше под маската на борба против лажни информации, во што учествуваа и државите и големите социјални платформи и цел еко-систем од невладини и слични дебело платени никаквеци. Ќе има пиштење- вриштење.

Десетици илјади луѓе се очекува да пристигнат во Вашингтон и да протестираат против Доналд Трамп и неговите политики кои според нив, во основа, ги поткопуваат правата на сите, освен на белите мажи што добро заработуваат.

Пристапот до социјалните мрежи во Австралија ќе биде уреден со нов закон и ограничен на 16+, а во тоа ќе треба да помогнат и самите платформи кои ќе бидат казнети доколку не соработуваат.

Иако ни Трамп во претседателската дебата со Камала не сакаше јавно да спомне кое било решение за војната во Украина поразлично од декларирани украински позиции за враќање на границите од 1991, приватно дури и најблиските соработници на Бајден веруваат дека земјата ќе треба одново да дефинира што е тоа победа.

Богатствата на десетте најбогати луѓе на светот пораснаа за рекордна дневна сума откако американските берзи збеснаа по победата на Доналд Трамп на претседателските избори во САД.

Падот на настрешницата на Железничката станица во Нови Сад и смртта на четиринаесет лица очекувано привлече големо внимание не само во Србија туку и во регионот. Не секогаш тоа беше со човечки и здрави медиумски мотиви. Еден хрватски медиум некако се досетил како да заработи од оваа несреќа. Ќе бил прозорец за вистината за несреќата бидејќи во Србија била тотална цензура.

Платформата која ја претпочитаат оние кои биле изгорени од цензура на други платформи убедливо го сруши личниот рекорд во гледаност, иако и за претседателската дебата стоеше одлично. На денот на изборите, Рамбл на нашиот Крис Павловски се промовираше во топ три платформи за стриминг. Има логика бидејќи слободата на говорот станува сè поважно прашање за Американците.

Доналд Трамп само што ја победи Камала Харис и покрај огромните препреки што беа против него. Преживеа два обида за атентат, ја издржа владината војна против него и не само што доби и повеќе од потребно електори за да се врати во Белата куќа, туку победи и во тн. „народно гласање“, иако меинстрим медиумите целосно го поддржуваа неговиот противник. Можеби и баш затоа.

Откако со Оземпик несакајќи започна сосема нов пазар кој се очекува до 2030 да вреди 130 милијарди долари, Ново Нордиск сега треба да ја брани својата водечка позиција (приходи), со нов модел и бренд на терапија базирана на семиглутиди која помага во слабеење. Решението се вика Кагрисема.

Јоав Галант повеќе не е министер за одбрана на Израел, откако изминатава година и кусур раководеше со целосната воена операција на земјата. Позицијата му е понудена на министерот за надворешни работи Израел Кац.