Бомбастични наслови со години сееја страв од седење на работното место поради што некои ги отфрлија столчињата и се префрлија на стоечки бироа. По најново, тоа е уште полошо за срцето. Чарето било место да не те фаќа.

„Што мислевме дека ќе произведеме со нашите медиуми кои се полни со гнев и нетрпение?“ прашува Мат Таиби во Ролинг Стоун „некој сензитивен генијалец?“ 

По логиката на до неодамна неприкосновено доминантната идеологија, неолиберализмот, пазарот и конкуренцијата се единствените чесни судии во животните битки. Но, кога тие битки создаваат армии губитници, прашање е на ден кога тие ќе го одберат својот Трамп или Брегзит. 

Кај 80% од жените што одат на третмани за плодност (ин-витро) најдени се траги од хемикалии за задушување на оган што се користат во производство на јога черги, мебел и слични секојдневни производи.

По 1-годишен тест јужнокорејската новинска агенција Јонхап и официјално го предаде известувањето од натпреварите од англиската премиер лига на - роботи. Дигиталните дескаџии ги објавуваат извештаите во рок од 1 до 2 секунди по завршувањето на натпреварот.

Не е некоја вест кога некој свештеник од западната хемисфера ќе биде осуден за детска порнографија. Но, овде имаме едно боговско алиби.

Со целата можност и ова да е дел околу целиот циркус што и претходи на борбата во сабота, група доктори смета дека на ММА шампионот никогаш не требало да му биде дозволено да боксува против Флојд Мејведер.

Северна Кореја реши да ги отвори своите врати за руските туристи и за првпат во историјата да издаде лиценца за една нивна туристичка агенција. Која предност да ја понудиш за оваа дестинација? Тоа што е побезбедна од Лондон.

Само еден месец откако комплетната постава на Европската Унија ја направи ненормална ако мисли дека Британија ќе ги плати трошоците за излегување од Унијата, британскиот министерот за надворешни работи во интервју за Бибиси ја изгуби својата брегзитерска невиност порачувајќи - ма нормално дека ние сè ќе си платиме. Цехот за кој се нечкаат е околу 100 милијарди евра.

Францускиот претседател во рок од 3 месеци има потрошено 26.000 евра на шминка, што во просек му доаѓа дека Макрон три месеци секој божји ден давал по 280 евра за пудри, коректори, руж и сличен арсенал.

Без разлика како изгледа лудилото на кој и да управува со Северна Кореја, на секој тамошен владетел му е кристално јасно дека напаѓање на САД со нуклеарки без сомнеж ќе резултира со одговор кој неизбежно ќе ја претвори земјата во еден џиновски кратер.

Нетфликс конечно проговори за тоа како функционира клучниот елемент на нивниот успех: системот кој ви препорачува други содржини и кој, и да ви го смени жанрот, ќе ви ја погоди серијата или филмот. 

Во Америка е, кај ќе биде :) Сè уште не може да го поднесе Трамп но деновиве мора по медиуми да чита како токму неговите гласачи биле клучни за победата на цепаницата.

Во пеколната конкуренција на Силициумската долина е ѓаволски тешко да те примат на некој оглас за компјутерџија. Епл реши да додаде нова сопка во процесот; да биде тешко и да го најдеш самиот оглас.

Утехата за сите е дека сите сакаат да зборуваат за тој еден или два или пет пати кога направиле некаков подвиг во кревет, а сосема лагодно ги прескокнуваат месеците суша или потпросечните партии што ги имале.

Србија го повлече комплетниот дипломатски персонал од Скопје. Во моментот кога го пишувам ова, јавноста не знае зошто тоа се случило, пишува Љубиша Ивановиќ во својот текст за Недељник.

ФОМО (страв од пропуштање / fear of missing out) е кратенката што без да трепнеме им ја налепивме на тинејџерите и приближно младите, затоа што се неспособни да остават тоа смартфонот и да престанат да проверуваат што прават другите по Инстаграм и Фејсбук. Сега ФОМО тропна на врата и кај овие разумниве и способни генерации.

По почетната неколкугодишна еуфорија дека си вработен и дека имаш плата а не џепарац, може да те стрефат две реалности: или нервоза и стрес од одговорноста на позицијата што си ја достигнал, или нервоза и разочарување дека не си достигнал никаква позиција. И сето ова некако кулминира на 35 години.

Време е да се апдејтираат некои изреки. Јавна куќа од Виена обелодени дека нивната хипер-реалистична секс кукла по популарност и нарачки од клиенти ги надминала сите други нивни - живи - трудбенички. А поскапа е. 

Полициска патрола во Данска застанале до еден уличен свирач. слушнале како тој звучи и го пратиле дома - да вежба.

Новинарска дилема е што да се прави кога ја имате само победничката страна на приказната а не и изјава од поразениот. А бидејќи додека добиеме изјава можеме да се изначекаме (дај Боже), одиме еднострано и неизбалансирано.

Првично познати по управувањето на борделите (во ултра вносниот центар на Лондон) благодарејќи на шверцот на бело робје и оружје од војната во Косово, албанските криминалци во Британија полека станаа главни играчи во уште еден сегмент на британското подземје: продажба на дрога.

Технологијата сама по себе е неутрална но некогаш треба да се повлече линија. Со робот, на пример, тешко е људски да се разбереш, особено ако има пушка во рака и е програмиран да ги потепа сите кои сакаат да се разберат со него.

Американската амбасада во Авганистан го смета 5-минутното возење од своите канцеларии до аеродромот во Кабул како премногу ризично, заради што целиот свој персонал од точка А до точка Б го префрла со хеликоптер.