Најновите анализи на последното гласање во САД покажуваат дека гласачите на Берни Сандерс можеби имале клучна улога во конечниот исход на изборите и тронизиризањето на Доналд Трамп.
Се проценува дека 12% од оние кои гласале за Берни, во финалната битка му дале глас на Трамп, иако двајцата се на спротивните страни на политичкиот спектар но истовремено имаа и заеднички именител, што важеа за луѓе кои се аутсајдери за закостениот политички естаблишмент. Накратко, до толку не ја можеле Хилари.
Влијанието на гласовите на овие 12% симпатизери на Берни е дотолку поголемо што биле и побројни во клучните држави (Мичиген, Висконсин и Пенсилванија) кои ги решија изборите.
Долгометражна е таа дилема, дали поддржувачите на оние кандидати кои ќе изгубат во раните фази на изборите, во финалето ќе останат лојални на партискиот кандидат. За споредба, само 3% од фановите на Тед Круз на крајот гласале за Хилари.
Инаку, според активностите, се чини дека за Берни трката не е завршена. Тој и натаму крстари низ Америка, собира луѓе и држи говори а во редовите на Демократите и натаму се разгледува како нивен сериозен кандидат за изборите во 2020 година.
