Без да осудува и да ги преиспитува вашите животни одлуки, кинеска компанија на самци им нуди доживотна залиха на алкохол, за нешто помалку од 1.450 евра, еднократно.

Доналд Трамп им се испружи на Кинезите, се откажа од американските вредности, звучеше како никогаш во последниве години и му се поплука на првиот амандман на нашиот устав. Вака „Салон“ ја сумира првата посета на американскиот претседател на земјата која долго ја таргетираше како главен непријател. 

Во поранешна Југославија, дури и децении после војната, беа доволни двајца сведоци дека некој се борел против окупаторот за тој да ги добие бенефициите што му следуваат од статусот борец. Исто, ама обратно, е денес во Холивуд. Со сведоци се губат сите бенефиции и статуси што човек ги има изработено. Њујорк тајмс за СиКеј нашол пет. Една од нив: разговарале по телефон и таа слушнала (?!) како тој, на другата страна на муабетот - мастурбира. Амејзинг.

Бил Гејтс, Џеф Безос и Ворен Бафет имаат исто богатство колку и најсиромашните 160 милиони Американци заедно. Тројцава вкупно имаат 248,5 милијарди долари, што според Институтот за истражување политики е повеќе отколку што имаат 160-те милиони најсиромашни во земјата.

Секое флертување на работното место, макар било дебилно, не значи дека по автоматизам е сексуално малтретирање, смета колумнистка на ЛА Тајмс. Фактот дека постојат крипови (како мажи така и жени) кои навистина малтретираат не значи дека работната средина треба да стане потполно стерилна и дехуманизирана.

Влада на земјата спонзорира создавање на он-лајн видео серијал во кој тројца млади пробуваат дроги како екстази, ЛСД спид или (скоро) која и да е друга дрога што ќе ја препорача некој од над половината милион следбеници на Јутјуб.

Една од најголемите геостратешки победи на ЕУ против Русија беше почетокот на раскрстувањето со зависност од руски природен гас, кој беше заменет со редовни испораки на енергенсот од Америка. Излезе дека и овој пат преовладала старата „кај што има ексел, нема правдина“, и дека американските добавувачи на Европа и испорачувале руски гас.

Во шемата што ја користи еден од најпознатите брендови во светот, парите од продажбата од нивните продавници низ цел свет стигаат во Европа, па од таму на Карибите, за во последно време да завршат во компании кои никаде не се базирани. „Најк го направи ова со помош на паметни адвокати, комплексни закони и влади што соработуваат.“

Таен документ на германската армија од 102 страни предвидува дека Европската унија може да се фрагментира и распадне за нешто повеќе од 20 години од сега.

Во анегдоталните примери за тоа кој сè им се има појавено на луѓе во „People You May Know“ на Фејсбук, има жена која на 6-години била напуштена од својот татко за 40 години подоцна Фејсбук да и ја понуди неговата актуелна девојка како пријател, адвокат на кој како пријател му е понуден еден од противничките адвокати со кој комуницираат само преку службен меил, и таен донатор на сперма на кого Фејсбук му го нуди детето како некој што би требало да го познава.

Пред некое време објавивме дека Швеѓаните се подготвуваат за преселба на цел град откако открија дека повеќе децениското копање руда под него предизвикува физичко пропаѓање на градот во земја. Од подготовки сега се префрлија на засукување ракави и почнаа да креваат.

Зошто сите му веруваат на оној кој го обвинува Спејси, а никој не му верува нему? Во цивилизирано општество би требало да е обратно. Во едно цивилизирано општество ние би се сомневале во оној кој обвинува, и би ја претпоставиле невиноста на обвинетиот. Но станува сè поочигледно дека не живееме во цивилизирано општество.

Еден од најмоќните луѓе во Холивуд со години работи на задушување на сите обвиненија против него за сексуални напади, во што на своја страна има ангажирано екс-Мосад шпиони и новинари.

Толеранцијата и почитувањето му се очајно потребни квалитети на ова човештво. На таа линија, половата идентификација се чини како дел од човековите слободи за кои без двоумење би навивале. Додека не се судрите со заебан случај: осуден неколкукратен силувач почнува да се изјаснува како женско, само за да се домогне до женскиот дел од затворот. Ај сега?

Што всушност „се откри“ со најновите милиони протечени документи од оф шор компании: дека тајкуните и компаниите со помош на своите даночни експерти, финансиски советници и адвокати го мрдаат капиталот со цел да ги намалат даночните основици и на тој начин да платат помалку данок. Тоа е како да откриеш дека сладоледот има шеќер или дека мечките серат во шума.

Откако во 2013 на ЕУ и прекипува од даночното глумење лудило на Ирска и почнува да ја гази својата членка да прекине со тинтрањето на мултинационалните корпорации, Епл се пушта во потрага по нов даночен рај. Го наоѓа во Англискиот канал веднаш карши брегот на Франција, на островот Џерси. Речиси инстантно централата на компанијата и 252 милијарди долари неоданочен приход беа преселени на островот.

Има една штосна - а пасент дарвинстичка - теорија зошто Македонците денес се вакви, никакви. Затоа што најголемите македонски херои имаат загинато премлади, пред да успеат да го посеат своето јуначко ДНК семе, па овој народ е резултат на генетскиот материјал на оние Трајко, Трпе и другите што траеле и трпеле. Та не сме саде ние, та не сме саде тука.

Година и пол по Панама документите, новинарите на ИЦИЈ објавија ново пакетче документи од топлите краишта, овој пат под име Рајските документи, со тежина од 13,4 милиони фајлови собрани во 1,4 терабајти. Сега во прашање е една адвокатска компанија, Еплбај, која работи во 10 јурисдикции, и секаде работи на криење на парите на ултра богатите. Новинарите на ИЦИЈ успеале да им го најдат крајот.

Како дел од глобална иницијатива што се води како МООК (Massive Open Online Courses) универзитети низ цел свет на интернет понудија бесплатни курсеви по најразлични предмети што тие ги владеат. Наоѓаш што ти треба, седнуваш, кликаш и учиш.

Еден од најголемите предизвици на југословенското кралство беше културно-просветната политика на Македонија и на Косово (т.н. Јужна Србија), имајќи предвид дека едвај петтина од тамошното население беше функционално писмена, а за познавањето на „официјалниот јазик“ не се ни зборува.

Еден од најискусните егзорцисти на католичката црква открива како познава кој од оние кои му ги носат се опседнати од ѓаволот а кој си има друго гајле. И патем сумира дека многу повеќе ги има од овие вториве. И ѓаволот дигнал раце од нас.

Види колку ти се пие кафе. Види колку сакаш да имаш Ајфон 10. Избери едно.

Процената е дека со инсистирањето на создавање состојба на постојана опасност од терористички напади (големи или мали), ИСИС наместо чист страв успеа да креира замор кај јавноста низ светот во однос на истите.

Трговскиот суд во Загреб во скоро време треба да ја објави листата на сите што имаат побарувања од Агрокор. За сега се проценува дека треба да повика околу 15.000 доверители, и некаде да ги смести.