Светската здравствена организација и нејзините делегати од стотина земји биле подготвени брзо и без проблеми да обноват резолуција за важноста на мајчиното млеко. И потоа наишле на делегацијата на САД која на некои земји им ставила до знаење дека мајчино млеко ќе проплачат ако не се пишманат. 

Повикот за што поскоро раскрстување „со премиерот и партијата што го издадоа својот народ и своите принципи“ објавен во Гардијан доаѓа од Зои Константопулу поранешна претседателка на грчкиот парламент која на позицијата доаѓа токму како пратеник на Сириза.

Како што континентот ги затвора фабриките за амонијак, така почнува да се појавува недостаток на јаглерод-диоксид, кој пак во својата индустриска употреба (а не како загадувач на околината) е неопходен, меѓу другото и за правење меури во пивото.

Целото знаење и искуство на темата богатење што имаат да го понудат од магазинот Тајм се сведува на една крајно ефикасна, и подеднакво антиклимаксна формула: живеј под можностите. И толку.

Без разлика колку од година во година членките на ЕУ стануваат поинтегрирани и меѓусебно поповрзани, европската политика „и понатаму останува заглавена во националниот силос,“ нешто што Алберто Алемано го нарекува „демократскиот јаз на ЕУ.“

На некогашниот член на Монти Пајтон му прекипе од денешната хистерична политичка коректност кога од висока позиција слушна коментар дека ако биле составувани денес, Пајтоновците не би биле шест бели дечки, туку би имало многу повеќе диверзитет во таа група. Затоа Тери Гилијам реши да се претставува како црна лезбејка.

Целта на транс-јадранскиот гасовод е да обезбедува руски гас „за секое ќоше на ЕУ“ и како таков неговата изградба ќе биде платена 4,5 милијарди евра. Како ретко кога проблем за завршување на проектот не се пари, туку маслинки.

Наведувајќи со што сè ЕУ моментално се справува, и нејзината неспособност да постигне „голем договор“ кој ќе ги опфати клучните проблеми, професорот од Принстон по Историја и меѓународни работи, Харолд Џејмс, објаснува дека главниот проблем е сложеноста на ЕУ која речиси не е опремена да функционира во времиња на хаос како денешниве.

92-годишна Американка деновиве го застрелува и убива својот син само за да избегне да биде сместена во дом за старци.

Полска еколошка група за заштита на животни добила мрсна сметка за мобилен телефон откако штркот кој го следеле одеднаш почнал чудно да се движи.

Без разлика дали било наплив на милиони мигранти, криза околу формирање Влада, криза околу ЕУ и справувањето со мигрантите, медиумите стандардно со години го предвидуваат крајот на Меркел и почетокот на Европа без канцеларката. И стандардно Меркел од целата работа пак излегува како победник.

Само до сега потрошувачката во Англија е 800 милиони фунти поголема отколку за време на Светското првенство 2014 кога англиската репрезентација не успеа да ги мине групите на Мундијалот, а имаат пројдено само осмина-финале.

Египетските власти соопштија дека нема да изградат бегалски центри за мигранти депортирани од ЕУ ако тоа се побара од нив. Токму „прифатните центри“ се дел од планот на ЕУ за решавање на нивниот проблем со бегалците.

Од девет клучни коридори во кои моментално инвестира ЕУ, шест се повеќе вертикални отколку хоризонтални. Ваквата хоризонтална попреченост на континентот треба да биде решена со коридор кој од Шведска и Финска, преку Данска, Германија и Австрија, стига до Италија и Малта.

Интернетот требаше да го направи светот помалку централизирано место, како што гледаме повеќе од десет години тоа не изгледа така.

Кинеските власти ги предупредуваат своите сограѓани кои планираат да патуваат во САД на двете најголеми зла во земјата: чести вооружени престрелки и огромни сметки за лекување, а и со тоа цариниците нема разбирање.

Тоа што исламистите од ал-Шабаб сакаат да истребат цели делови од популацијата што не им е по ќеиф, не значи дека тие што ќе останат живи треба да живеат како стока, па затоа како уште една еколошко освестена геноцидна терористичка група воведоа забрана за користење на пластични кеси на териториите што ги контролираат.

„Знаев дека Господ беше со нас!“ е изјавата на аргентинскиот репрезентативец Лионел Меси, која натера еден италијански читател да го запраша уредникот на весникот што тоа го објавил, како е можно на Господ да му се припишат фудбалски симпатии.

Иако се уште не е потврдено од компанијата, повеќе американски медиуми објавуваат случаи на Самсунг смартфони кои почнале сами од себе да испраќаат рандом слики од вашиот телефон на рандом контакти што ги имате.

„Wirkungsgleich“ е германски термин кој се преведува нешто во рамките на „со ист ефект“ или „еквивалентно ефикасно“, и тој заврши како еден од главните зборови од викенд битката што се разгоре меѓу германските коалициони партнери.

„Биди прв дипломиран диџеј на светот“ е понудата што деновиве ја објави српскиот приватен Универзитет Мегатренд. Дипломата по „диџејство“ ја доделува нивниот Факултет за култура и медиуми.

По дефиниција, иселеник е човек кој привремено или трајно живее во држава која не е негова според раѓање, ама во пракса никогаш не сме слушнале вест со „Во Медитеранот потона брод со иселеници.“

Саудиска Арабија, Јордан и Палестина, секој во одделни прилики, го предупредиле Израел околу зголеменото влијание на Турција во Источен Ерусалим, наведува израелскиот весник Хаарец.

Како што колонијализмот го богати западниот дел до Европа, а Африканците кои не беа масакрирани во негово име во најдобар случај завршуваа како робови, така истиот процес успева да го измени самиот состав на планетава, тврдат за Гардијан двајца британски научници.