2017 Тесла во Европа ја заврши со продажба на 16.132 автомобили од Модел Ес, основниот модел е 71.100 евра, што е за 30% повеќе автомобили отколку во претходната година.

Човекот беше назначен на позицијата во мај 2017. Во анкета направена седум месеци подоцна повеќе од една третина од населението не знае да го именува својот премиер. Прашањето што Економист го вади од ваквите резултати е: тогаш што ќе ти е премиер?

Американските закони забрануваат дискриминација врз основа на физички недостатоци. Реднековска Америка тоа го преведува како: тоа што некој е слеп не е причина да не му се даде оружје в рака. Што може да тргне погрешно?

Во Пјонгчанг Норвешка го имаше својот најдобар настап во историјата на Зимските олимписки игри, надминувајќи ги и своите оптимистички очекувања освои 39 медали, од кои 14 беа златни. Земјата со 5 милиони жители на Олимпијадата е пред Германија, Канада и САД по бројот на медали.

Кина го започна процесот за отстранување на ограничувањата за бројот на претседателски мандати што едно лице може да ги тера, што е од посебен интерес на актуелниот кинески претседател Кси Џинпинг, кој веќе брои ситно од својот прв мандат.

Државјанството во поновите форми е нешто што може да се купи, изнајми или да се добие со онлајн регистрација. Таквите цаки главно се за богати, односно за оние чие лично богатство е над материјалниот квалитет на нивната матична земја. Има аранжмани и за сиромаштија, ама, нејќете од тие.

Денес во светот околу 2,5 милијарди луѓе имаат смартфони. Неброените милиони што ги заработуваат производителите на смартфони, социјалните мрежи и луѓето што прават апликации, не се само од твоето дремење на телефон, туку од тоа што речиси никој од овие 2,5 милијарди не може да одолее и да го остави уредот.

Јапонската влада од април годинава ќе ги плаќа патните трошоци на раскажувачие што ги шират и прераскажуваат сведоштвата на преживеаните Јапонци од американските нуклеарни напади врз Хирошима и Нагасаки.

Многу пред брилијантниот предлог „вооружете ги учителите“ училиште од Њу Мексико во својата редовна програма има воведено задолжителна обука за борба во случај на вооружен напад.

Не е изненадување што минатата година, 2017, германската држава успеа да ја заврши со суфицит (пари останати од буџет откако сè платиле). Кога ќе видиш не е ни изненадување дека овој суфицит е најголем во историјата на обединета Германија. Само продолжете вие така.

Со цел намалување на тензиите неколку градови од Северна Ирска ја забранија ирската тробојка за време на парадите што ќе се организираат за Денот на Свети Патрик (17-ти мај), националниот празник на Ирска.

Марин Стрмота е младиот хрватски демограф кој на целиот Балкан му приреди незабележан призор кога сред прес конференција, од чисто небо (без ценкање „ќе се повлечам од оваа позиција и ќе одам на онаа позиција“), изјави дека поднесува оставка на позицијата Државен секретар во Министерството за демографија на Хрватска. Едноставно не му се допаѓа што и како работи Владата и неговото министерство.

Аргументот на тие што се против поседување оружје е дека масовните убиства во САД се случуваат заради тоа што во земјата може многу лесно легално да се купи оружје. Аргументот на тие што се за поседување оружје по дома е дека САД имаат проблем со ментални болести, а не со внимателни сопственици на оружје. Вистината веројатно е некаде измеѓу.

Отсекогаш сум бил арогантна пизда, дури и кога копав канали во Манчестер, го започнува Лиам Галагер своето интервју во Гардијан пред Брит музичките награди за годинава каде што е номиниран за најдобар машки соло музичар.

Експертка за деца од Данска, Џесика Џоел Александар, пишува книга на темата што ја знае „Дански начин на воспитување деца“, со поднаслов „што најсреќните луѓе во светот го знаат за одгледување самоуверени и способни деца.“

Периодов на неколку локации во Британија комплетно се распродадени влезниците за рејвои во кои му се оддава почит на Атенбороу и неговите документарци.

Вики Корнел за првпат јавно се отвори за трагедијата на нејзиниот сопруг, пилар на гранџот и еден од најмоќните рок вокали на светот кој минатиот мај, после концерт, си го одзеде животот во хотелска соба. Морничаво е колку една навидум банална работа како што се аналгетици можат да променат свест на еден човек.

Половина од искуството што ние го водиме како „се одморив на планина на чист воздух“ всушност нема никава врска со воздухот, туку со градската бука и недостатокот на истата. Направи сам: тргни пешки накај Средно Водно, тоа што ќе го чуеш како ти зуи во позадина, тоа е аудио загадувањето во кое живееме како да ни е природна состојба.

Со над 90.000 различни видови витамински и прехранбени суплементи, и 52% од Американците како потенцијални купувачи, суплементите се 30 милијарди долари вредна индустрија во САД, и се додека не кажеш дека нешто е лек можеш речиси што сакаш да продаваш и рекламираш.

Новинарите како мене кои тврдеа дека Ирак не поседува такво оружје беа избркани од работа или маргинализирани. Јас бев на црната листа на CNN откако Белата куќа им го наложи тоа. А сите „преститутки“ кои беа владини појачала за одење во војна, беа промовирани и величани. Добредојдовте во новите Советски медиуми.

Автор на плеј-листи на Спотифај наплати околу 1 милион долари од музичкиот сервис, за луѓе што преслушувале песни од неговите плејлисти. Авторот е Бугарин и веројатно тој е единствен човек меѓу тие што слушале музика.

Американскиот претседател најави значајно засилување на американската војска со педесетина илјади нови членови, свежи, физички спремни и подготвени да сторат сè за својата земја. А потоа ги измери кандидатите.

„Ах, Тања Бошковиќ“ гласеше некогаш консензуалната реакција на спомнувањето на нејзиното име. Денес е во пензија но глуми со полн здив, силна и самосвесна каква што отсекогаш била. Сјајот во нејзините очи кој некогаш доаѓаше од младоста, денес се раѓа во пронајдениот мир во душата. Горда е на своите деца, се грижи за родителите чија меѓусебна љубов никогаш не успеала да ја преслика во својот живот, пасионирано прати спорт и навива, готви, прави забави, пуши и... и одамна ѝ е јасно дека на луѓе секогаш ќе им биде полесно да воздивнуваат по некоја своја Тања Бошковиќ отколку да се свртат и вистински да сакаат некого покрај себе.