Севкупно трите компании ја отежнувале работата за корисниците кои не сакаат да ги споделат своите приватни податоци.
Во еден од примерите е наведен Фејсбук и нивниот попап за ГДПР, новиот европски закон за заштита на лични податоци, „во него ’Agree and continue’ опцијата Фејсбук ја има направено многу попривлечна и помалку заканувачка од сивата опција ’Manage Data Settings’“. Освен ова, опцијата која е во корист на Фејсбук се состоела од четири кликови за комплетирање на процесот и прифаќање на персонализираните реклами од трети страни да користат препознавање на лице. Наспроти ова, корисниците кои сакале на Фејсбук да му го ограничат собирањето на нивните приватни податоци, тоа морале да го направат со 13 кликови.
Кај Гугл излегувањето од програмата за давање лични податоци „е поголема задача од што треба и користи повеќе страни текст, нејасен дизајн, и скриени стартни опции кои го навигираат корисникот кон опцијата што е посакувана од компанијата.“
Ако корисникот ја изгаси опцијата за персонализација на рекламите, Гугл му појавува попап во кој се објаснува што ќе се случи ако персонализацијата на рекламите е изгасена, и бара тој да ја го повтори својот избор.
„Нема објаснување околу можните бенефити од гасење на персонализацијата, или негативните страни ако ја оставиш вклучена,“ се објаснува во извештајот.
Микрософт бил нешто покоректен од претходните двајца, ама сепак и кај него било очигледно која опција компанијата ја преферира.
* Целиот извештај од 40-на страни го имате тука
