Од моментот кога истиот оној систем за кој не можеа да престанат хвалоспеви за време на најразлични „пролети“ и „револуции“ низ светот помогна Америка да се разочара во самата себе од изборот кој го направи за Белата куќа, Фејсбук премина во константна дефанзива. Дел од дефанзивата беше и обемна маркетинг кампања направена по сите стандарди за да ја одоброволи накострешената јавност.

Убаво е да мислиме дека во случај на белја топтан ќе се префрлиме на Марс, или ќе имаме шанси топтан да си ги аплодираме мозоците на суперкомпјутери како Курцвејл. Многу поверојатно е тоа да го сторат оние кои веќе се подготвуваат за такво сценарио. И се полни со пари.  

Проекцијата е направена на период од 10 години, во кој би се потрошиле вкупно 3200 милијарди долари, пари кои секако би се потрошиле на здравство само разликата е што овој пат ги плаќа владата на САД.

Во Германија живее голем број луѓе кои ги критикуваат политиките на Реџеп Таип Ердоган - и со право. Многумина од неговите најголеми критичари се Германци со турско потекло, кои исто така се против договорите на германската влада со Анкара. А сепак многумина од нив се солидарни со Месут Озил, германскиот фудбалер со турско потекло кој одлучи да ја напушти германската репрезентација по острите критики што ги доби заради фотографијата со турскиот претседател.

Откако Трамп преку Советникот за национална безбедност, Џон Болтон, пушти абер дека сака Путин да му дојде на гости во Белата куќа, реакцијата на рускиот претседател беше - ништо. Цели пет дена ниту ја прифати, ниту ја одби поканата.

Британски медиуми објавуваат протечени мејлови според кои Катар ангажирал пи-ар агенција и поранешни агенти за ЦИА со цел ширење на лажна пропаганда за главните конкуренти за организирање на Мундијалот во 2022, САД и Австралија.

Се изнамачи со тоа ракот и на 71-годишна возраст почина Оливер Драгојевиќ, чудесното далматинско грло што со нас сподели едно од најфасцинантните зреења на кои сме сведочеле, во музичка и гласовна смисла. Џони Кеш, Шабан Бајрамовиќ, Оливер Драгојевиќ. Без каков трилинг неповторливи старки останавме! 

На линија на она што Рамбо одамна го зборува (види го интервјуто за Офф.нет: „Демократијата кај нас е диктатура на глупаци“) кога бара пред да се добие право на глас да се мине некој базичен тест на интелигенција и знаење, и во светот продолжува потрагата по лек за главниот баг на демократијата: петмина идиоти секогаш ќе надгласаат двајца паметни. Една од алтернативите е епистократија. Владеење на упатените, компетентните.  

Ако мислиш дека вработени во американската технолошка индустрија се едни од ретките кои не може да кажат дека се незадоволни од својата плата, тоа е само затоа што ги немаш прашано.

Составувајќи го случајот против Ел Чапо, американското обвинителство како доказ испорача и еден список на луѓе убиени по нарачка на првиот човек на Синалоа картелот. Како што обично бива кога обвинителство ќе почне да работи на рекла-казала и урбани легенди доказите баш и не излегуваат најстабилни.

Признанието на доскорешниот адвокат на американскиот претседател дека Трамп бил известен за состанокот со Русите во јуни 2016 во Трамп тауер, нема да држи во суд доколку остане само на тоа едно сведоштво.

Ако и кај владата и кај опозицијата и кај медиумите во скандинавската држава преовладуваат силни анти-руски чувства, кај кого тоа тие би се мешале за да ги изместат изборите, прашува руската амбасада во земјата.

Не дека се на мала душа и дека би напуштале, ама ако мора да бираат значителен дел од Швеѓаните и Данците попрво би биле дел од „Нордиска унија“ меѓу Шведска, Данска, Норвешка, Финска и Исланд, отколку оваа сегашнава Европската Унија.

Во една точка на кризата, Португалија реши да ги батали дифолтните решенија на ММФ, Германија и другите меѓународни кредитори: кратете трошоци, стегајте каиш а ние ќе ви даваме нови кредити за да може да ги плаќате старите. Еве ја сега, се крева на нозе па дури и ЕУ ѝ признава дека нашла подобар модел за излегување од криза.

Хелсиншки и Хјуман рајтс пишуваат детален извештај за скандалозната состојба со човековите права во Грција. Сосе одења во затвор затоа што некој се чувствувал за Македонец. Но, 1993-та година е тоа, си мислиме дека дури и младата македонска држава да се покаже неука во одбрана на тие луѓе, самата Европа нема да дозволи тоа така да помине. Европа е тоа, човекови права, вредности, цивилизација! Во 2018 е јасно како тоа помина: потпишавме дека нема што таму некој да се чувствува како Македонец. Освен ако е Грк.

Ова е вкупната количина на вишок говедско, свинско, пилешко и мисиркино месо што моментално лежи во индустриските ладилници низ САД, и ако се производителите за верување, веќе снемува место за чување на вишокот.

Жена побарала развод на брак кој траел 40 години затоа што во тој брак веќе немало љубов. Не оди тоа така, ѝ кажал судот. Не шеријатскиот во Судан, туку врховниот во Велика Британија.

Акциите на Фејсбук денес на отворањето на њујоршката берза изгубија 18% од вредноста откако вчера компанијата соопшти дека 3 милиони корисници во Европа ја имаат напуштено социјалната мрежа по откривање на скандалот со Кембриџ аналитика.

Поранешниот британски министер за брегзит, Дејвид Дејвис, низ цел свој мандат повторува дека Британците во 2016 гласаат за напуштање на ЕУ а притоа да ги задржат истите бенефити што ги имаат како членка. На помалку од една година до брегзит британската влада не може да собере доволно гласови во парламент за каков бил реалистичен план за напуштање на ЕУ, ситуација во која втор референдум не е ни приближно незамислив како што беше.

Пред околу 10 години режисерот на Чувари на Галаксијата, пишува неколку твитови во кои се „шегува“ со работи како силување и педофилија. Твитовите деновиве повторно се актуелизираат и пред целата работа да стане уште понеподнослива за Дизни, компанијата решава да го отпушти авторот на мега-успешните Чувари на Галаксијата 1 и 2.

Оправдано ќе ви зазвучи како реприза, ама научниците овој пат тврдат дека стварно нашле вода на Марс.

Заблудата која е раширена во многу тукашни кругови е дека при држењето на т.нр „медиумска диета“ и следењето на политичката ситуација исклучиво преку сатиричните содржини, човек и понатаму за себе може да тврди дека е добро информиран.

Се чини дека Хомери се накотија по светов (оние од цртаните, не од антиката) а нуклеарните централи си останаа исти какви што отсекогаш биле. Не ќе да е така. На тоа поле се случуваат чудесии од идеи и иновации (добро сега, не како реинкарнација...). Едни од најверојатните носители на новата генерација се реактори кои се ладат со сол.

Ако изминативе години живеевме во фаза во која не можеш да имаш стенд-ап без тој да биде „политички или општествено ангажиран“, за сега полека да преминуваме во фаза кога комедијата се исклучува од стенд-ап комедијата и остануваат само активистички и „ангажирани“ проповеди. И тоа веќе не се трпи, барем ако ти е до смеење.