Врвот на скандалот околу Фејсбук и американските избори беше во март и април годинава, по откритието за праксите на Кембриџ аналитика. Неколку месеци подоцна, неделава, вредноста на Фејсбук падна за 120 милијарди долари, како последица на сето она што се случуваше изминатиов период.
Не дека Фејсбук не направи сè што може за повторно да врати малку од малку од имиџот на глобален позитивец кој во годините пред американските избори (и пред брегзит) го имаше на Западот, ама едноставно овој пат слабо му фаќа целата кампања. (Притоа под „сè што може“ се подразбира сè што нема никако да го попречи шпионирањето на корисниците и собирањето приватни податоци и нивно препродавање на трети компании.)
Обрнувајќи внимание на ТВ извинувањата на Фејсбук, Џон Оливер испорача своја искрена верзија на кампањата на социјалната мрежа:
