29-годишната Мариа Бутина која пред неколку недели беше уапсена во САД под обвинение дека е руски шпион кој се обидува да се инфилтрира во републиканските кругови, сама на пијано се има издадено дека е руски шпион, и тоа не еднаш туку неколку пати. Со други зборови Русите во САД распоредуваат шпион кој не држи алкохол и кој не молчи за својата задача.

Како што е стандардно за изминативе две години, ваквите себе-проверки на Американците се предизвикани од вчудовидувањето кое настапи од тоа дека воопшто некој би гласал за Доналд Трамп, и сè што потоа следуваше.

Во интервју кое започнува со фотографија што наликува на маскиран Саша Барон Коен, мајката на првиот човек на ал-Каеда за прв пат проговорува за својот син, речиси 17 години по 11-ти септември и 7 години по неговата елиминација од американските специјалци во Аботабад.

Околу 300 километри во тунели и речиси 500 одделни подземни објекти го составуваат најобемниот (јавно познат) подземен систем на светот, чија цел е да му се најде на главниот град на Финска во случај на каква било катастрофа (Русија).

Грчки автор пишува дека додека Сиријци учествуваа во барање исчезнати во страшните пожари, Курди и Палестинци даваа крв а македонската (да, македонската) влада понуди и парична помош, Карл Билт ладнокрвно твиташе „еве ПАК ги спасуваме Грците “.

Иако трговијата со кокаин уништува и разорува животи на глобално ниво, користењето на дрогата меѓу „општествено ангажирани“ млади е повисока од кога и да е.

По наредба на рускиот претседател создаден е директорат за промовирање на патриотизам во руската армија. Потегот речиси инстантно евоцираше спомени на еден слична пракса од СССР во која политичките комесари промовираа Марксизам и Ленинизам.

Понудата почнува од 50 долари за 4 часа онлајн лекции, до зависи колку ќе се договориш за тутор во живо да го обучува твоето дете за една единствена цела - како да не изгуби на Фортнајт.

Хомо сапиенсот пред десетици илјади години успева да ја извојува клучната победа над неандерталецот благодарејќи на нешто што се нарекува „уникатна еколошка пластичност“, што во основа значи дека нашите предци (за разлика од неандерталецот) успеале да избегнат изумирање затоа што можеле да истражуваат и да се адаптираат.

Над една четвртина од британските деца кои тргнуваат во основно училиште не можат да комуницираат со цели реченици, и ова е исклучиво благодарејќи на времето кое низ целиот дотогашен живот го минале пред екрани (смартфон, таблет, лап-топ, ТВ) каде се само консументи на содржина без да искажат нити една мисла.

Од моментот кога истиот оној систем за кој не можеа да престанат хвалоспеви за време на најразлични „пролети“ и „револуции“ низ светот помогна Америка да се разочара во самата себе од изборот кој го направи за Белата куќа, Фејсбук премина во константна дефанзива. Дел од дефанзивата беше и обемна маркетинг кампања направена по сите стандарди за да ја одоброволи накострешената јавност.

Убаво е да мислиме дека во случај на белја топтан ќе се префрлиме на Марс, или ќе имаме шанси топтан да си ги аплодираме мозоците на суперкомпјутери како Курцвејл. Многу поверојатно е тоа да го сторат оние кои веќе се подготвуваат за такво сценарио. И се полни со пари.  

Проекцијата е направена на период од 10 години, во кој би се потрошиле вкупно 3200 милијарди долари, пари кои секако би се потрошиле на здравство само разликата е што овој пат ги плаќа владата на САД.

Во Германија живее голем број луѓе кои ги критикуваат политиките на Реџеп Таип Ердоган - и со право. Многумина од неговите најголеми критичари се Германци со турско потекло, кои исто така се против договорите на германската влада со Анкара. А сепак многумина од нив се солидарни со Месут Озил, германскиот фудбалер со турско потекло кој одлучи да ја напушти германската репрезентација по острите критики што ги доби заради фотографијата со турскиот претседател.

Откако Трамп преку Советникот за национална безбедност, Џон Болтон, пушти абер дека сака Путин да му дојде на гости во Белата куќа, реакцијата на рускиот претседател беше - ништо. Цели пет дена ниту ја прифати, ниту ја одби поканата.

Британски медиуми објавуваат протечени мејлови според кои Катар ангажирал пи-ар агенција и поранешни агенти за ЦИА со цел ширење на лажна пропаганда за главните конкуренти за организирање на Мундијалот во 2022, САД и Австралија.

Се изнамачи со тоа ракот и на 71-годишна возраст почина Оливер Драгојевиќ, чудесното далматинско грло што со нас сподели едно од најфасцинантните зреења на кои сме сведочеле, во музичка и гласовна смисла. Џони Кеш, Шабан Бајрамовиќ, Оливер Драгојевиќ. Без каков трилинг неповторливи старки останавме! 

На линија на она што Рамбо одамна го зборува (види го интервјуто за Офф.нет: „Демократијата кај нас е диктатура на глупаци“) кога бара пред да се добие право на глас да се мине некој базичен тест на интелигенција и знаење, и во светот продолжува потрагата по лек за главниот баг на демократијата: петмина идиоти секогаш ќе надгласаат двајца паметни. Една од алтернативите е епистократија. Владеење на упатените, компетентните.  

Ако мислиш дека вработени во американската технолошка индустрија се едни од ретките кои не може да кажат дека се незадоволни од својата плата, тоа е само затоа што ги немаш прашано.

Составувајќи го случајот против Ел Чапо, американското обвинителство како доказ испорача и еден список на луѓе убиени по нарачка на првиот човек на Синалоа картелот. Како што обично бива кога обвинителство ќе почне да работи на рекла-казала и урбани легенди доказите баш и не излегуваат најстабилни.

Признанието на доскорешниот адвокат на американскиот претседател дека Трамп бил известен за состанокот со Русите во јуни 2016 во Трамп тауер, нема да држи во суд доколку остане само на тоа едно сведоштво.

Ако и кај владата и кај опозицијата и кај медиумите во скандинавската држава преовладуваат силни анти-руски чувства, кај кого тоа тие би се мешале за да ги изместат изборите, прашува руската амбасада во земјата.

Не дека се на мала душа и дека би напуштале, ама ако мора да бираат значителен дел од Швеѓаните и Данците попрво би биле дел од „Нордиска унија“ меѓу Шведска, Данска, Норвешка, Финска и Исланд, отколку оваа сегашнава Европската Унија.

Во една точка на кризата, Португалија реши да ги батали дифолтните решенија на ММФ, Германија и другите меѓународни кредитори: кратете трошоци, стегајте каиш а ние ќе ви даваме нови кредити за да може да ги плаќате старите. Еве ја сега, се крева на нозе па дури и ЕУ ѝ признава дека нашла подобар модел за излегување од криза.