Избегнатата авионска несреќа на Ангела Меркел е одлична метафора за насоката во која се движи нејзината идеја за европска армија. Меркел беше присилена да фати лет на Иберија од Мадрид за да стигне на Г-20 самитот во Буенос Аирес.

Законот со кој се воведува забрана за родителите да шамараат или ќофтаат деца мина во Долниот дом на францускиот парламент, со тоа што останува една од главните слабости на законот дека баш и нема некоја казна за прекршување на забраните.

Без да навлегуваме која од нив е јајцето а која кокошката, две работи, факат, одат рака под рака. Едната е дека темата за транс-луѓето станува сè поприсутна во јавноста, другата дека во последно време, бројот на оние кои се чувствуват заробени во погрешно тело драстично се зголемува. Изминатите 9 години, во Британија, бројот на вакви случаи пораснал за фрапантни 2.500 проценти.

26-годишниот мисионер решава да го посети племето на островот Северен Сентинел во намера таму да ја шири својата вера и покрај забраната од индиската полиција да се приближи до островот, бидејќи изложеноста на надворешни патогени би можела да го убие изолираните домородци, и предупредувањето од истата полиција дека изолираните домородци најверојатно ќе го убијат.

На Тито му извадија таков муабет откако умре, ама претседателот на Нигерија си ја има маката дур е жив и сè уште на функција.

Резултатите на „Моралната машина' базирана на познатиот Трамвајски проблем во кој треба да се донесе одлука чиј живот ќе биде поштеден, знаат да бидат изненадувачки и во рамките на едно исто семејство. А сега стигнаа и глобалните резултати.

Ако во една војна се навива за оној кој не ја почнал, ние навиваме за Јупорн. А и онака. Луѓе помалку нè замараат со чекирање на Јупорн.

Кога човек е грипосан или слично, теба да остане пар дена дома, и заради себе и заради другите, да не ги испозарази.Така прават и мравките.

Неделава Микрософт го премина Епл како највредната компанија на светот (барем на кратко), подвиг кој оди на контото на првиот човек на Микрософт, Сатја Надела, а се припишува на слабостите на Тим Кук.

Стотици илјади Евреи од Холандија завршуваат во германските концентрациони логори со помош на возовите на холандската железница, која за оваа услуга на Нацистите им наплаќа милиони во Втората светска војна.

Претстојниов период ќе имате уникатна шанса во живо да гледате како од нула се создава идентитет на нова нација, штета што тоа ќе биде истиот оној од кој ние се откажавме. Што се однесува на насловот ништо не е погрешно околу него.

Декларираната цел на Бенон во Европа е „да се прободе колец низ срцето на Брисел“, како дел од борбата против глобалистите, а закажаниот датум за тоа е мај 2019, терминот за избори за Европскиот парламент.

Неодамна (со сосема кварни намери) во Бразил биле откриени докази за 4.000 години стара „градежна парцела“ која со генерации ја граделе и уште ја градат екстремно највредните неимари кои оваа планета ги познава - термитите. 

Германската полиција изведе блицкриг операција во франкфуртското седиште на најголемата банка на државата. Се истражуваат сомнежи за перење пари а во акцијата учествувале 170 полицајци.

Најголемиот саем за ИТ на светот на времето собираше публика од 850.000 посетители годишно. На времето.

Вработени во некои од германските конзулати на Блискиот Исток, директно соработуваат со шверцери на луѓе на кои им продаваат фалсификувани визи за мигранти кои сакаат да влезат во Германија како бегалци, открива германски Шпигел.

Во најблагородната традиција лекарот прво на свој пример да го провери она што им го советува на пациентите, група педијатри голтнале по една Лего коцка, повод по кој често им доааѓаат унезверени родители а тие им викаат да не паничат. И така е, да не паничат.

Делумно изнесување на одбраната, делумно таблоиди, делумно статистика ама муабетот во судењето на Ел Чапо се тера во правец дека „кусиот“ не бил главен во Синалоа картелот, туку само најгаламџија.

Ако до сега Гугл ве следеше во свое име и за своја сметка, пребарувачот што го подготвуваат за да можат да влезат на кинески пазар, Драгонфлај, врз ова додава уште еден слој следење овој пат во име на кинеската влада. Вработени на Гугл имаат проблем со ова.

Откако автомбилскиот диносаурус најави затворање фабрики и отпуштање работници, Трамп најави укинувања на сите поволности кои ги ужива комpанијата, вклучително и субвенциите за електричните автомобили.

Од наша перспектива булевари со 6 ленти во еден правец изгледаат како трајно решение на гужвите во сообраќајот. Проблемот е што она што се случува во Лос Анџелес во корен го сосечува ваквиот оптимизам.

Што се однесува на годинешната Национална климатска проценка изработена од американската администрација, ставот на првиот човек на таа администрација е „не му верувам“ на извештајот.

Во својата намераченост за справување со мафијата, италијанските власти запленија сериозни имоти низ целата земја, од Сицилија до северот. А на толку запленет имот, проценката веројатно е дека е греота нешто да не се сруши.

На страна од глобалната стереотипна дебата околу Џорџ Сорос во која тој е или ангел чувар на вредностите на демократијата или демон кој стои зад сите денешни зла, конзервативниот магазин на еврејската заедница во САД нуди еден понијансиран поглед на неговата улога. Дека секој критика не е баш без основа, на линија на она што ние еднаш му го пишавме на Владимир Милчин, да знае Карл Попер што сè во негово име се финансира, ќе се превртува во гроб.