Ако знаете какво лудило се случува по светот, тогаш препотпоставувате дека вакво откажување од еднаквоста веројатно се прави во име на некои „виши цели“. Елем, време било да се стопираат решенијата за расна недискриминација бидејќи со нив се вршела - расна дискриминација.

По навалата за тоалетна хартија и сумамед, нè очекува ли стампедо за овлажнувачи на воздух?  Проценките велат дека за секој еден процент поголема влажност, трансмисијата на вирусот опаѓа за три проценти.

Се викаат НФАК (Not F**king Around Coalition) а една од работите околу кои не се заебаваат е дека САД треба да им предадат дел од својата територија на која тие ќе формираат црнечка етно држава во рамките на САД. Исто така сакаат да се знае дека, сите се екс-војници и одлични стрелци.

Ламентирањето над непридржувањето на многу луѓе кон препораките на здравствените експерти за заштита од коронавирусот (маски, дистанца, миење раце) најчесто завршува со дисквалификација на таквите луѓе дека подлегнале на анти-научни завери. Не мора да е никаква завера во прашање, негирањето на фактите има малку подлабоки корени во нас, луѓето.

Кај изгуби неколку месеци кампања заради коронавирусот, и дремеше додека неговиот противник секој ден беше пред сите можни камери, и кога тргна во кампања, впечатокот на Опсервер е дека досегашниот настап на Бајден е блед, посебно кога карши себе го има бескрупулозниот Трамп.

Астрономите лани открија една монструозно голема црна дупка а сега успеале да направат проценка на нејзината маса и стаписани се од нејзиниот гарантуовски апетит: за да остане во форма, црната дупка јаде по едно наше сонце дневно.

Умерено пиење, што во народот се мери како една чаша ракија, вино или пиво на ден, ги подобрува мозочните функции кај средовечни или постари возрасни лица, се тврди во нова научна студија.

Со еден удар се елиминирани и омразениот булдожер на Трамп, Ричард Гренел, и најскапата американска инвестиција на Балканот Хашим Тачи. Трамп ќе мора да излезе на изборите во ноември без ниту еден голем меѓународен успех, но, што ќе прави Европа со Косово кога главниот морков за охрабрување на Белград и Приштна е влегувањето во ЕУ, а за тоа денес никој сериозно не зборува во Брисел.

Прво да нагласиме дека ова не е решение за ништо во животот, но берлинското претпријатие за јавен превоз ги замоли своите патници сред лето да престанат да користат дезодоранс под мишка, како сите би почнале да носат маски.

Се работи за енкриптиран телефонски систем што работи на посебни уреди кој криминалците низ Европа го користеле за безбедна комуникација на најразлични зделки од убиства до продажба на дрога. Германската и холандската полиција пред некое време го пробија системот.

Мулти-милијардерски компании бараат од други мулти-милијардерски компании да цензурираат што јавноста може да видиме, прочита или каже на интернет. Бојкотот на Фејсбук покажува колку невесела е иднината на слобдата на говорот на интернет. А Фејсбук е најмалку важен.

25 години брак и милијарди долари подоцна, Безос минатата година се разведе од својата сопруга Меккензи, на која и припадна половина од богатството на Џеф со што преку ноќ влезе меѓу најбогатите дваесетина луѓе на светот. Неделава тој се врати на пред-бракоразводни бројки и плус уште нешто.

Се додека секоја држава не е заштитена, сите сме во ризик. Само ефикасни вакцини и терапии ќе ни дозволат да го искорениме коронавирусот, објаснува др. Џереми Фарар, директорот на Велком трустот.

Бидејќи вакцината е долги месеци пред нас, аутопсиите на починати од ковид-19 даваат драгоцени сознанија што сè му прави болеста на телото и разните органи. Некои наоди се очекувано но некои сосема ги збунуваат медицинарите.

Сторија што стандард би очекувале да доаѓа од некоја недојдија во Кина, всушност е од пред портите на ЕУ и е неверојатна колку што звучи.

САД отсекогаш имале милијардери, ама толку многу милијардери, никогаш, моментално над една четвртина од сите милијардери во светот.

Студенти во Алабама почнаа да организираат журки на тема ковид-19, чија главна цел е да видат кој од гостите прв ќе се зарази.

Ни најмалку разубедени од предупредувањата на СОЗ дека пандемијата не е ни блиску до крај, во Прага се организираше забава за симболично испраќање на вирусот.

Најважното од се за новата генерација што сакаат да се знае е дека 36% се луѓе што не се белци, а 45% се жени.

Советот е од здравствени експерти и се однесува на Американците кои и ова успеаа да го претворат во политичко прашање. Во меѓувреме САД стигнаа до 2,6 милиони случаи на ковид-19.

Демонстранти кои повикуваа на укинување на Амазон поставија гилотина пред домот на основачот на компанијата во Вашингтон ДЦ.

Европејците  пред неколку години почнаа да се силат дека ќе ја прекинат зависноста од Кина откако таа го објави својот план „Појас и пат“ за инвестирање низ свет. Пред неколку месеци ова изгледаше дури и како стварно да ќе го остварат, кога Унијата остана без најразлични суровини и делови откако Кина затвори заради ковид-19. Како што полека сите почнаа да се навикнуваат на новата ситуација, така и ЕУ како да си легнува во стариот калап.

Вирусите ги дочекаа своите пет минути на оваа планета. Во денови кога короната пустоши по светот и по Македонија, во Кина е откриен нов вид на свински вирус кој има пандемиски потенцијал.

По наредба на султанот Мехмед Втори речиси 500 години Света Софија е џамија, потоа по наредба на Ататурк таа тера неполни 90 години како музеј, по се изгледа деновиве неофицијалниот султан на Турција ќе ја враќа во џамија.