Барањето на Шапел било Нетфликс да престане да ги репризира старите епизоди од Шапел шоу, затоа што сопственикот на правата, ВиакомЦБС, ги продал без негова дозвола. На целосно изненадување на Шапел, Нетфликс му удоволиле на барањето.

„Диктаторот“, „овој човек“, „претседателот“ се само дел од термините што авторите на книги ги користат изминативе четири години за да го избегнат споменувањето на името на Трамп.

Во оваа пандемија, ниеден бизнис не е сигурен, па ни оние најелитните какви што се рестораните на Рене Реџепи. Откако мораше да го затвори престижниот 108, Рене Реџепи ќе прави и продава бургери и помфрит.

Еден од најдолговечните и најиздржливи аргументи про-миграција во САД, е дека Американецот никогаш повеќе нема да се врати на нива и да собира јагоди или кромид. За да не заборават од каде доаѓа храната на нивните трпези, организацијата на Обединети земјоделски работници изработи серија „честитки“ за Американците за Денот на благодарноста, во кои ги потсетува на луѓето што ги имаат заборавено.

Објавена е глобална ранг листа на држави според нивната „разбирачка“ за проблемите на тобако индустријата. Јапонија и Индонезија се најлоши а во таа група се и Романија, САД и Кина.  

Фотографија која наскоро може најмногу да ве чини во Франција е фотографија од француски полицаец. Казната може да изнесува 45.000 евра.

Дечко на своја рака развива крајно успешен ТикТок профил за компанијата во која работи, која се занимава со крајно незанимлива дејност - продажба на бои за молерисување. За награда, дечкото е отпуштен.

30% од високиот менаџмент на големите германски компании во иднина задолжително мора да бидат жени, предвидуваат новите квоти што ќе бидат воведени од германската влада.

Во трето вакво национално обраќање во историјата на Шведска, премиерот Стефан Лофвен ги укори своите сограѓани дека „премногу луѓе биле неодговорни во следење на препораките“ од здравствените власти.

Од болеста за која сакаше да ја подигне свесноста, на 37 години почина њујорчанецот Патрик Квин. Виралниот предизвик за истурање кофа ладна вода на глава која циркулираше пред 6 години беше јако глуп, ама па доста пари собрале... ама па само една третина завршувале за првичната цел а директорите имале годишна плата од 300.000 долари.

Со оглед на тоа колку науката нè изневери во давање базични одговори за пандемијава која ја дочека со прст во уста, уште долго време нема да можеме да не бидеме цинични кон помпезни најави од типот „научници успеале да го вратат стареењето во рикверц“. Добро е дечки, бркајте работа.

Наградата за најдобар актер меѓу постоечките американски гувернери оди кај.... Ендрју Куомо од Њујорк! Не за учество во некоја ТВ драма базирана на реални настани туку за неговите службени телевизиски брифинзи на тема ковид-19. Ви се бурботи ли малку од Холивуд? 

„Се наоѓаме на апсолутно катастрофален пат,“ ќе изјави ковид-19 докторот во најдобро подготвената болница во Соединетите држави.

Алкохолното труење (кога црниот дроб не може да го стигне лакомиот сопственик) знае да биде озбилна компликација со фатален исход а лимитирани се третманите. Апарат кој сериозно помага, цело време да ни бил 'пред нос'.

Ватикан побара објаснување од Инстаграм за тоа како профилот на Папата лајкнал фотка на една оскудно облечена бразилска манекенка (какви што обично се).

Примероците од крв на пациенти што ја имаат прележано болеста и закрепнале, покажале „долготрајна имунитетна реакција“, пишува Њујорк тајмс во текстот за истражувањето на Универзитетот Аризона во Тусон.

Најголемите поборници на мултикултурализмот ја мразат својата нација со ист жар како што старомодните националисти ја слават.

Американскиот институт за економски истражувања ги прибра податоците од здравствените, криминалистички и економски државни агенции за да ги прикаже ефектите на локдаунот на американското население. Лошо.

Додека давале бонуси за оние што секој ден ќе се појават на работа, со што ги мотивирале вработените да доаѓаат и болни, менаџерите во една месарска компанија во Арканзас приватно ставале пари на опклада колку работници ќе бидат закачени од ковид.

Прво казните беа воведени, па потоа ставени на пауза заради страв дека можеби не се фер, па сега пак вратени откако бројот на заразени од ковид-19 ја надмина фазата кога луѓето стравуваат за фер и нефер казни.

Голема данска студија вели дека маските не нудат битна заштита за оние кои ги носат. Дали маските ги штитат другите од себе во оваа студија не било испитувано, ама да бидеме реални, колкав е процентот на оние кои носат маска првенствено заради другите?

Стравот не е дали книгата ќе се продава, затоа што ќе се продава. Стравот е од бунт на вработените на издавачот, и уште повеќе дали тоа што ќе биде објавено ќе биде точно.

„Војната против детската обезност“ до сега успеа само да создаде срам кај дебелите деца.

Лошата репутација која ја доби како татковина и епицентар на пандемијата, Кина пробува да ја поправи со тоа дека е прва земја која ја стави ситуацијата под контрола и прва во која животот се враќа во нормала.