Прајдот е станат помпезен, гротескен и нетолерантен, пишува еден англиски сценарист кој е геј но не би да драматизира околу тоа. Знамето кое нон стоп се апдејтира, кратенката која постојано добива нови букви, изливи на солидарност од сите страни, сето тоа прави јуни да стане еден од потешките месеци за поднесување, пишува тој. 

Со секоја додадена ветерница или соларен панел Кина „фрла“ се повеќе и повеќе зелена енергија бидејќи нејзината електрична мрежа нема капацитет да ја искористи истата.

Детално проучувајќи биографии на 180 лица кои извршиле масовни пукања и убиства уште од 1966 година, истражувачи дошле до фрапантни сличности меѓу тие луѓе, сознание за кое сметаат дека може да помогне да се заузда овој автохтон американски проблем. Само кога политичарите би слушале.

Бројот на американски деца кои се предозирале со мелатонин, хормонот кој помага во заспивање, отишол во небеса последнава деценија. Преку 500% раст имаат вакви случаи во изминатиот период. Нас како нација ова не нè засега. Ние сме на дијазепам.

Пред изборите за Конгрес во ноември, кај републиканските кандидати и понатаму најпосакуваниот политички благослов е од Доналд Трамп. Финансискиот е од Питер Тил, еден од основачите на Пејпал и сопственик на Палантир, меѓу другото.

Ако Западот не најде начин да ја залечи економската болка низ која минува, единството околу санкциите полека ќе го снема.

Службените авиони на корпорациите нема да бидат предмет на оданочување според предложените  мерки за зелена такса на авионското гориво. Предлагач е владата на ЕУ, Европската комисија. Што би се рекло на народен јазик: врана на врана очи не копа.

Војните во странство обично се најпопуларни на почетокот, посебно ако на американската јавност и се рекламирани во морално апсолутни термини, меѓутоа освен ако не се завршат релативно брзо со одлучна победа, јавната поддршка и политички консензус почнуваат да се распаѓаат. И изгледа дека токму ова се случува со војната во Украина.

Грчки бродски компании прават огромни профити маскирајќи го транспортот на руска нафта. Или префрлаат товар од брод на брод или одат директно до руските пристаништа и сето тоа не се смета за кршење на западните санкции.

Комбинација од „елити“, „реформатори“, „гневни претприемачи“ плус премиерот Ли Кечијанг е наводниот состав на опозицијата со која се соочува кинескиот претседател и која му ја крои пензијата по гласањето за нов мандат закажано за есенва.

Рос Вијтман е 40-годишен поранешен пилот на кого канадската влада му признава дека останал инвалид по примањето на АстраЗенека вакцината против ковид-19.

Кога мислиме на загадување од автомобили, обично мислиме на она што излегува од нивните ауспуси. Гледаме на погрешно место, особено во последно време. Ауспусите на новите коли се толку чисти, што, да се почнува сега, тоа не би се ни регулирало. Ама затоа гумите прават партал. Пар-тал!

Новиот шеф на CNN пишал допис до вработените во куќата да намалат со бомбастичната најава за „Брејкинг њус“ која со години инфлаторно ја користат и веќе има изгубено секаква смисла. Инаку, по падот на нивниот архи-непријател Доналд Трамп, рејтинзите на CNN се жив резил.

Кинеска корпорација за која се тврди дека е директно поврзана со Комунистичката партија на Кина и тамошниот воен комплекс изрази намера да го купи фамозниот Форбс. Американски сенатори на ова го гледаат како на закана за американската национална безбедност.  

Авторот на Хил ја почнува својата колумна со цитат од Шерлок Холмс кој во една ситуација порачува „Кога ќе го елиминираш невозможното, тоа што ќе остане, без разлика колку неверојатно, мора да е вистината.“

Неколку доктори за Њујорк тајмс потврдуваат дека трансродовата пливачка Лиа Томас има нефер предност пред остатокот од женските пливачки, без разлика дали била на терапија за потиснување на тестостерон или не.

Две години откако уздуж и попреку се испокаравме околу маските, што понекогаш заличуваше на лов на вештерки или прогон на непријателски елементи, Њујорк Тајмс деновиве констатира дека задолжителноста на носењето маска статистички немала битно влијание врз брзината на зараза. ОК. И после ќе се чудат зошто на следната белја ќе има уште повеќе скептици.

Наместо нови модели на тенкови и оклопни возила за украинската армија, Германија повторно реши да ја третира Украина како еден масовен отпад во кој завршува старата железарија што не би можела да се потроши ако нема војна.

Бидејќи не планираше да се најде во ваква криза во каква што е, Бајден јавно се изнакажа (и со повторување) секакви работи за саудискиот престолонаследник. Сега Бајден е во толкав зорт што веројатно ќе оди во Ријад за да се види со истиот овој престолонаследник.

Секој изминат ден од почетокот на годината во Русија (во просек) се влеваат по околу 800 милиони долари, и тоа е само од нафта и гас, без другите.

Људмила Денисова, жената позната по тврдења од типот „во Буча Русите силуваа 11-годишно момче пред очите на својата мајка која беше врзана за стол и присилена да гледа“ е сменета од украинскиот парламент затоа што нејзините изјави се неосновани и повеќе и штетат на кредибилноста на Украина отколку што и помагаат.

Сте биле на свадба, сте се сликале и сте ги објавиле тие слики на Фејсбук или Инстаграм. Веќе сте во базата на податоци на една компанија која прави грдни пари од тоа, меѓу другото соработувајќи и со полиции и други безбедносни служби.

По децении успешен позитивен ПиАр и освојување на симпатиите на глобалната јавност, конечно во јавност се покажа вистинското лице на шведската култура и обичаи, и е поодвратно од што сте можеле да замислите.

Што есеи и студии се напишаа дека пандемијата неповратно го промени работниот еко-систем, дека во иднина ќе се работи од дома, дека сè тоа ќе биде онлајн, зумови- мумови. Илон Маск деновиве прати два меила до вработените во Тесла: да се нацртаат на работа или да фаќаат педала.