Кога почна агресијата ние почнавме само да го спроведуваме она што го знаевме, уште од 2014, и искуството и вештините што ги научивме од тогаш. А најважното искуство што го имавме и она што го практикуваме како религија е дека Русите и секој друг непријател мора да биде убиен, само убиен, и уште поважно не треба да се плашиме да го правиме тоа, порачува првиот човек на украинските воени сили Валери Залужни во интервјуто за британски Економист.

Во њујоршките пет-шопови повеќе нема да можат да се купат домашни миленичиња. Законодавците сакаат да стават крај на бизнисот со скапи животни, и наместо тоа, да го форсираат вдомувањето. Други сметаат дека со ваков закон само ќе се засили црната берза со миленичиња. 

Напредувањето на Украинците периодов е забавено што заради лошото време, што заради консолидацијата на руските одбранбени линии, меѓутоа интензитетот на борбите не е ни најмалку стишен и тие упорно ги празнат залихите и на луѓе и на муниција на двете страни.

Откако долги години немаа проблем со тоа дигиталните платформи да цензурираат луѓе кои не им се по мерка, новинарите на американските корпоративни медиуми денес гласно зборуваат за тиранијата на Сицилиумската долина. И понатаму немаат проблем тие со цензурата. Имаат проблем со тоа да бидат замолчувани нивни. 

Сем Банкман-Фрид парите, кои не се негови и му се украдени од корисниците, ги дал и на демократски и на републикански кандидати, а со цел да влијае на правецот во кој се движат политиките и законите околу криптоиндустријата.

Норвешката актерка и режисерка Тонје Гјевјон, е под истрага и ѝ се закануваат три години затвор, откако нејзиниот статус околу можноста маж да стане лезбејка беше протолкуван како сериозен говор на омраза.

Клаудиа Диаз Гиен од 2003 како медицинска сестра е дел од тимот на телохранители што лично го обезбедува тогашниот венецуелски претседател. Во 2011 таа со своето медицинско резиме е именувана за прв човек на државната благајна. Деновиве ја осудија во Мајами за примање десетици милиони долари мито.

Oфицијален Киев бара oд западните сојузници да ги бојкотираат руските уметници и автори, и тоа не само оние кои го поддржуваат Путин. Со оглед на тоа што Оревокршачката е божиќна класика а картите наголемо се продаваат, Украина добива одговор: ај може следниот Божиќ навреме ќе ни кажете што да правиме.

Со најава „што е многу, многу е“ премиерот на Британија, Риши Сунак, објави план од пет точки за борба со имиграцијата, со посебна точка за имиграцијата што им доаѓа од Албанија.

Во 1998-ма година, оваа моќна платформа за финансиски трансакции беше создадена за да им се даде моќ и независност на индивидуалци ширум светот. Денес, на чудење на нејзините основачи, се повеќе заликува на кинескиот модел во кој апсолутно сè е поврзано со државата.

Откако „Твитер документите“ покажаа сериозни манипулации и политички притисоци во работата на Твитер, се огласи и неговиот основач и поранешен ЦЕО, Џек Дорси, порачувајќи „ова е само моја вина.“

Штетниците се лоши за културите, како за човечките, така и за оние земјоделските. И логично, луѓето смислувале и смислуваат начини како да ги елиминираат створовите што им прават зулум. Видете на што сè може да се досети човек кога нешто му смета. 

Кина нема да и ги испорача на Русија компјутерските процесори Лoнгсон на кои руската индустрија се надеваше дека ќе ја пополнат дупката во снабдување со чиповите за производство на напредни оружја и муниција кои ги троши во војната со Украина.

Случајот со пропаста на ФТХ е уште едно упорно повторување на правилото дека ако нешто изгледа премногу добро за да биде вистина, тогаш веројатно е, и само треба малку да почекаш за да видиш каде е лагата. Основачот на ФТХ и целата операција, Сем Бенкман-Фрид деновиве беше уапсен на Бахамите по барање на САД.

Канадската влада ја легализираше еутаназијата пред само шест години, во 2016-та. Денес, во 2022-ра, еутаназијата веќе е шеста најчеста причина за смрт во Канада, а бројот постојано расте. Се наоѓа меѓу хроничните респираторни болести и дијабетесот.

Викендов во Кавадарци ќе биде организиран предновогодишен саем на мали тиквешки семејни винарии на кој ќе присуствуваат над 35 винарии. Тие ќе изложуваат, а вие ќе имате можност да дегустирате над 200 сорти вино, 30 сорти ракии, 30 вињаци и да вкусат храна од 4 производители.

За да стигнат до 1 милион корисници, на Нетфликс му требаа 40+ месеци, на Твитер 24 месеци, на Фејсбук 10  а на Инстаграм 3 месеци. Истата цел, соговорникот со вештачка интелигенција ја постигна за само 6 дена. Само не го прашувајте како да се среди тероризмот. 

Нов Зеланд воведе нов закон според кој сите што се родени после 2008-ма, не сега туку никогаш во животот нема да смеат да купат цигари. Законот го следи амбициозниот план да се искорени пушењето на долг рок, но како што опаѓа продажбата на „аналогни“, расте продажбата на електронските цигари. 

Помалку од 5 часа континуирано спиење навечер, значи не агрегирано преку цел ден, ги зголемува шансите за повеќе хронични здравствени проблеми, тврдат истражувачите кои испитувањето го прават кај луѓе на возраст над 50 години.

Круна на и онака историскиот договор што го постигнаа двете држави е дека тие „ќе се поддржуваат една со друга но во меѓувреме нема да си се мешаат во своите внатрешни работи.“

Неделава германските службите спроведоа рација во која уапсија 25 лица под обвинение дека подготвувале државен удар. Привлекоа внимание сознанијата дека не се баш класични терористи, туку припадници на кралство, а Би-би-си веднаш појде на гости кај кралот. 

Гркинката Ева Кали инспиративно говореше како спортската дипломатија довела до историски промени во Катар. Сега е уапсена за корупција и перење пари поврзани со Катар. Дека е убава - убава е. Ама и дека лакома - лакома е. Дури и нашата капитулација да си го смениме името ѝ беше малку.  

На многумина им делува чудно што марокански фудбалери се сликаат со знамето на Палестина, а мароканските навивачи скандираат пароли и за Палестина. Толку западниот меинстрим го познава арапскиот свет и фактот колку Палестина е симбол за непокор и анти-колонијален стремеж. 

Ако со повремени дози вистина јавноста некогаш се имунизираше да не ги дознае границите на слободното новинарство, денеска стратегијата е карантин. За теми кои се неподобни веќе нема место во корпоративните медиуми. Како нападот на гасоводот стана интелектуална „зона на забранети летови“?