Трамп помина три месеци во обиди да го натера, да го поткупи или да го бомбардира Иран за да го отвори Ормускиот проток, кој практично самиот го затвори со безумното објавување војна. Непријатната реалност е дека алатките што сега ги има на располагање или се премногу бавни за да бидат важни, или се премногу скапи за да се употребат или веќе се испробани и неуспешни.

Бројот на мали дуќани во Германија драстично се намалил во изминатите две децении. За тоа постојат низа причини, но главната е конкуренцијата од големите и побогати продавници. Сопствениците сè почесто банкротираат, но страда и целиот град, кој го губи својот идентитет, паралелно со поскапиот живот и огромниот скок на криминалот.

Николас Вагтер познат и цититан автор и доктор по биофизика. Според канадските закони за психијатриска интервенција бил насилно приведен откако стана премногу гласен за институционалната корупција, заштитата на патентите и сомнителните механизмни во финансиските системи. Канадската влада го замолчи со насилно примање во психијатриско одделение.

Електричните коли полека пуштаат корени во Етиопија, првата земја во светот што забрани увоз на возила со погон на фосилни горива. Потегот беше логичен. Сиромашната земја со 140 милиони жители купува скапа нафта, а има струја и за извоз. Ова се покажа особено полезно откако војната во Иран го запре извозот на гас и нафта и предизвика глобална енергетска криза.

Европските пратеници и членките на ЕУ усогласија нови мерки за побрза и поефикасна депортација на мигрантите на кои им е одбиено правото за азил или останале подолго отколку што им дозволува визата. Властите добиваат пошироки овластувања да вршат претреси, да притвораат азиланти и да ги депортираат во центри надвор од границите на ЕУ.

Сè повеќе британски компании ангажираат приватни детективи за да потврдат дали сите работници што се на боледување навистина се болни. Освен боледувањата, многумина вработени ја злоупотребуваат и флексибилноста да работат од дома, воведена од времето на пандемијата, и времето поминато по кафеани го пријавуваат како работни часови.

Трамп постојано тврди дека неговата цел е да го спречи Иран да добие нуклеарно оружје. Но, тој не прави разлика помеѓу атомски бомби и збогатување ураниум. Изминатите две децении и актуелната војна покажаа дека со сила може да бидат оштетени некои капацитети, но ништо не може да го принуди Техеран да прифати услови што ги смета за безусловна капитулација.

Својата прва енциклика „Magnifica Humanitas“ папата Лав XIV ја посвети на вештачката интелигенција, нагласувајќи дека таа не смее да ги замени меѓучовечките односи и не смее да го загрози достоинството на луѓето. Иронично е што речиси половина од документот на папата всушност бил напишан со помош од ВИ, а Ватикан немал смелост да го признае тоа.

Како алтернатива на прскање хемикалии против ларвите на комарците, Гугл планира да ги сотре главните пренесувачи на болестите зика и жолта треска со ослободување уште милиони нови единки, биоинженерски заразени со природната бактерија Wolbachia. Кога овие мажјаци се парат со диви женки, потомството не преживува, па популацијата на комарците се намалува.

Доналд Трамп во декември добил донација од основачот на Dell. Во следните три месеци претседателот вложувал милиони долари во компанијата и отворено ја фалеше. Сега го жнее ќарот. Акциите на Dell скокнаа 255% во првиот квартал и уште 32% во еден ден откако компанијата склучи договор со Пентагон од 9,7 милијарди долари.

Светското население сè уште расте а една нова студија сугерира дека човештвото го преминало прагот на одржливост уште пред пет децении: тогаш е прејдена точката во која повеќе луѓе веќе не им помагаат на општествата побрзо да се развиваат, туку наместо тоа се започнува вистинска борба против природните ограничувања на планетата. 

Ученици на возраст од 13 до 15 години во една германска гимназија добиле задача да осмислат бордел. Не само како би изгледала таа јавна куќа и какви функционалности би требало да има, туку и да понудат решение за прашањето со каква понуда излегува на пазарот, за да можат луѓе од секакви сексуални преференци да бидат услужени и задоволени. 

Американскиот мултимилијардер Питер Тил го премести своето семејство во Аргентина каде купил луксузен апартман и земјиште. Одлуката ја донел првенствено за да го избегне предложениот данок за ултра-богати во Калифорнија, по кој таквите калибри како него, треба еднократно да ѝ подарат на државата пет проценти од своете богатство. А и во случај на нуклеарна разврска Аргентина не е лошо решение.

Милиони девојки и жени со рак на дојка би можеле безбедно да ја избегнат хемотерапијата, откако научниците развиле ДНК тест кој може да направи разлика помеѓу оние пациенти кои ќе имаат корист од третманот и оние на кои таа терапија нема да им помогне. Меѓународната студија покажа дека дури над две третини би можеле да бидат поштедени од несаканите ефекти од хемотерапијата и да се лекуваат само со хормонска терапија.

Кина е надвор од сите трендови на западните земји во кои бројот на пушачи постојано се намалува. Младите Кинези пушат нешто помалку но затоа останатите чурат повеќе па ги држат приходите огромни и клучни за економските и други политики на Пекинг. Кинезите пушат речиси колку сите други луѓе на светот заедно.

Америка се подготвува да ја одбележи 250 годишнината од раѓањето на нацијата, меѓу другото, и со комеморативна банкнота од 250 долари. Тука влетува незаситното его на актуелниот претседател кој нарачал да се смени законот по кој е забрането живи луѓе да се ставаат на банкноти. Ако ова се истера до крај, преку една милијарда луѓе ќе го знаат точното значење на банкнотата. Оние што зборуваат кинески.  

Планот на Урсула фон дер Лајен за разеленување на возниот парк на Европската комисија ги иритира нејзините најблиски соработници. Со службените коли на струја тие не можат да ги патуваат од Брисел до Стразбур без да запрат на пола пат и да чекаат половина час за да ги дополнат батериите. Нивната шефица нема таков проблем – се вози во блиндиран бензинец.

Технолошките компании како да се тркаат која ќе отпушти повеќе програмери, заменувајќи ги со вештачка интелигенција. Тие што останале, работат под стрес, очекувајќи да станат технолошки вишок. Отпуштањата се стихијни, за да се задржи довербата од инвеститорите дека иднината е во ВИ. Проблемот е што вештачката интелигенција сè уште не е продуктивна за бизнисите. 

За да ја исполнат целта на Трамп за депортација на 1 милион имигранти, надлежните судови во САД драстично го забрзуваат процесот. Сега закажуваат масовни сослушувања на по стотина луѓе истовремено и доцнат со повиците, за да можат потоа автоматски да објават налози за депортирање на оние што нема да се појават во судницата.

Во домот на поранешен висок службеник на ЦИА се откриени златни прачки и кеш во вкупна вредност од 40 милиони долари. Но крадењето не е најголемиот проблем. Типот 20 години лажел за своето минато, за дипломите и воената служба. Врвната агенција за разузнавање не го проверила и му дала пристап до строго доверливи информации за националната безбедност.

Шест месеци по првото отворено писмо до канцеларот Мерц, влијателниот економист и дипломат Џефри Сакс му пишува уште едно, во кое го повикува веднаш да почне разговори со Путин за мир. Ситуацијата ескалира и војната може да се прелее во Европа. Сакс укажува на стратешките грешки на Берлин, поради кои загинале илјадници луѓе во војната, а германската економија е на колена. 

САД се чини претрпеа понижувачки воен пораз од Иран. Но, во позадина, Вашингтон тивко спроведува вооружен грабеж на светските резерви на нафта и гас за да воспостави целосна контрола врз горивото од Арктикот до Индискиот Океан. САД досега соборуваа влади за да им ја грабнат нафтата. Денес тие ја користат сопствената нафта за да соборат влади.

Фирмата на Закерберг дала привлечна понуда за изградба на огромен центар за податоци во рурална област во Луизијана – инвестиција од 10 милијарди долари, стотици нови работни места и нов далновод. Ќе добие многу повеќе – за почеток, простен данок од 3,3 милијарди долари. На домаќините ќе им се „оддолжи“ со поскапо домување и три пати повисоки сметки за струја.

Економската зависност на континентот е во сржта на европската дефанзивност. Таман ќе решат на Пекинг да му покажат заби, некој од автомобилската индустрија ќе ги потсети дека без кинеските полупроводници и ретки магнети, ќе изгорат како чкорчиња. Секогаш кога ЕУ ќе подготви офсајд стапица за Кина, ќе се најде некој што среде трчање ќе се предомисли и ќе се закопа во место.