Пет недели пред да наполни сто години, почина Чарли Мангер, финансиска легенда, со децении десна рака на Ворен Бафет со кого еднаш гоdишно одговараа на прашања, настан што беше познат како „Вудсток за капиталисти.“ Во бакет листата му остана да фати туна од сто кила, а јапиевци да чујат што мисли тој за фамозната ЕБИТДА.

Во време кога и најдобро скоцканите и оптимизирани клипови на интернет имаат животен век од само неколку дена, видео од бургер, помфрит и пијачка од Мекдоналдс за кои се платени 16,1 долар снимено кон крајот на 2022 повторно воскресна и се шири по интернет како симбол на економската хаварија во која се наоѓа Америка, и е и тоа како проблем за демократите.

Модерна ангажирала поранешен агент на ФБИ за да ги профилира и за потребата на компанијата да изготвува извештаи за „високоризични“ познати личности - вклучувајќи ги Новак Ѓоковиќ, Илон Маск и Расел Бренд. Зошто и во кој поглед се тие високоризични лица? Затоа што беа критични кон задолжителноста на ковид вакцините.

Застрашувачки се најновите бројки од Газа кои ги извади швајцарскиот Еуро-Мед монитор за човекови права кои го отсликуваат морничавиот размер на злосторствата. Толкав број жртви за толку кратко време, веројатно нема споредба со целиот период после Втората светска војна. Цивили, деца, број на срушени објекти, ракетирани здравствени установи... Сè е многу и сè е страшно. 

Новиот план на САД и Германија за војната во Украина е да го стави Киев „во стратешки добра преговарачка позиција“ за денешната состојба на фронтот, пишува германски Билд, откако мисијата на САД во НАТО објави па повлече една слична изјава.

Маријана Буданова, сопругата на првиот човек на украинското воено разузнавање (ГУР), Кирило Буданов, била отруена, објавува Киев индепендент пренесувајќи информација претставник на ГУР кој останува анонимен до официјално соопштување на информацијата.

Ген З работниците бараат резимето веќе да не биде главен фактор за наоѓање работа, туку дека тие треба да бидат вработени заради нивната „личност“, а не заради продуктивноста.

Најголемиот менаџер на фондови во Европа, Амунди, очекува руската економија годинава да порасне три пати побрзо отколку онаа на еврозоната, за што главна кривица паѓа на неефикасноста на санкциите против Москва.

Додека Зеленски алармира дека војната во Газа ги намалила испораките на 155-милиметарски гранати за Украина, возовите товарени со муниција од Северна Кореја го исполнуваат ветувањето за испорака на 1 милион артилериски гранати за Москва.

Јужнокорејските одгледувачи на кучиња за јадење се заканија дека ќе пуштат два милиона кучиња на улиците на Сеул доколку владата ја воведе забраната за јадење кучешко месо. Во останатите вести, во Јужна Кореја има два милиони кучиња што чекаат да бидат изедени.

Израел не може да го уништи Хамас без да ги скине неговите финансии, и тоа ќе биде многу потешко отколку воените битки што се водат во моментов. Стотици милиони течат од разни страни а за споредба, Ал Каеда успеа да ја нападне и здрма Америка со само половина милион долари.

Украинскиот претседател извршна сериозна смена на врвот на Националната гарда, паравоена формација која системски припаѓа на нивното МВР и главно беше задолжена за внатрешната безбедност, но од почетокот на војната се бори и на фронтот. Засега не се познати причините заради кои Зеленски смени четворица генерали во гардата. 

Фонд од Беверли хилс кој од своето основање во 2019 во голем дел е финансиран од холивудски актери и продуценти, финансиски подржал најразлични активистички протести во кои беа нападнати бројни уметнички дела и беше блокиран сообраќајот низ градови низ светот.

Компанија на која Мета ѝ банираше илјадници сметки, неодамна демонстрираше како ВИ може да се користи за мониторирање на расположението на мрежите. На пример, најавени се демонстрации. Се скенираат мрежите, податоците му се даваат на ЧетГПТ и тој ти кажува до каде ќе оди кавгата, дали ќе се прелее на улици и дали ќе треба да се вика полиција. 

Руски и кинески бизнисмени со врски кај што треба ја разгледувале опцијата за изградба на подводен тунел што ќе го поврзува Крим со Русија, покажуваат документи што ги објавува Вашингтон пост.

Американската армија полека се движи кон дозволување на ВИ оружјата сами да одлучуваат да убијат човек или не, а први во тоа би најверојатно ќе бидат дроновите контролирани од вештачка интелигенција.

Некогаш е обратно: патот до добрите намери е поплочен со пекол. Европската комисија проба да избутка благороден закон за заштита на деца од сексуални злоутреби онлајн: во нивно име предложија сите интернет пораки на граѓани на ЕУ да бидат бидат чешлани од Брисел и мрежа невладини кои се бават со темата. И попат заработуваат од набавка на потребниот софтвер.

Пред Сам Алтман да биде избркан од ОпенАИ, неколку истражувачи вработени во компанијата напишале писмо до бордот на директори во кое предупредуваат дека Алтман дошол до откритие околу вештачката интелигенција кое би можело да се претвори во закана за човештвото, објавува Ројтерс.

Кој што сака може да прави, само прво треба да реши дали ќе биде генерал или политичар е поздравот од Зеленски за највисоките офицери на украинската војска

Иако на глобалниот плебс со години му се наметнува колективна вина околу климатската криза и иднината на планетава, во државните и меѓународните политики поврзани со темата тешко се прелеваат фактите. Еве еден: најбогатите еден процент на светов трујат исто колку долните две третини од светската популација.

„Ние ќе владееме“ ноќеска изјави човекот кој речиси 30 години се носи со секакви заслужени и незаслужени етикети, кој е олицетворение на анти-исламското и анти-мигрантското движење во Европа, на чие убиство радикалните муслимани повикуваат од 2010, а од вчера и најверојатниот нов премиер на Холандија, Герт Вилдерс.

Повеќе од две децении откако беше легализирана, германските политичари сега бараат начин како да ја забранат проституцијата, бидејќи државата почнала да станува „борделот на Европа“.

Како што само може да се очекува кога цел западен свет ќе го блокира извозот во твојата земја, но и понатаму ќе остане навлечен на твојата нафта и гас, и гнасно ќе ја плаќа, така Русија 2023 ќе ја заврши со блесав плус во трговијата со странство од 75 милијарди долари.

Поранешниот доктор на претседателите Обама и Трамп е загрижен околу здравјето и менталната острина на актуелниот американски претседател кој пред некој ден наполни 81 година.