Бинанс е компанијата која снајперски прецизно ја идентификуваше пирамидалната шема на ФТХ и сосема свесно ја искористи за да предизвика колапс на компанијата. Тоа што Бинанс потцени е како крахот на ФТХ ќе влијае на нивните пари.

Откако Талибанците ја земаа судбината во свои раце, економијата на Авганистан колабираше, повеќе од милион жители се отселија, а на оние што останаа животот им се претвори во пекол. Сепак, тоа не ги спречи да го промовираат својот прв автохтон тркачки автомобил. 

Ако цела Британија одеднаш пропадне во море, глобалната емисија на CO2 ќе се намали за само 2%, ги потсети Константин Кисин студентите од Оксфорд, генерација која е горда на својот сензибилитет за климата. Климата ќе се решава од сиромашните луѓе во Азија и Латинска Америка, а нив нема да ги убедите да останат сиромашни, им порача тој на разбудените.

Од незадоволници што во дебатата за формата на нашата планета има само две опции, своевремено беше лансирана тезата дека Земјата не е ниту тркалезнa ниту рамна туку дека има облик на крофна. Тоа што приказната почна како шала, а суштината ѝ беше глупа, значеше само едно, дека има големи шанси да „се фати“. 

Ако сакаат да заработат пари од своите содржини, креаторите ќе мора да се воздржат од вулгарни зборови барем во првите 15 секунди во клипот. После можат, ама, да не претераат. Секогаш кога еден гигант од калибарот на Јутјуб решава да влезе на терен на јазичните нијанси и суптилности, ко да влегол слон во продавница за стакло. 

Американската Агенција за храна и лекови и американскиот Центар за контрола и превенција на заразни болести детектираа ран сигнал за врска меѓу вакцината на Фајзер и мозочен удар кај лица постари од 65 години. Според податоците кои ги имаат, најризичниот период трае 21 ден по примање на вакцината против ковид. 

Поседувањето на најтешките дроги за лична употреба на 31 јануари ќе биде декриминализирано во Британска Колумбија, па складно на тоа Ванкувер ќе ја добие својата прва продавница за хероин и крак.

Во екот на пандемијата, критичкото мислење беше основа за социјална поделба. Сите кои беа скептични околу вакцините беа луди, сите кои ги прифаќаа беа слепи. Откако многу работи станаа појасни, Роган и Вајнстин гласно размислуваат како да ги помират лудите и слепите.

Вашингтон пост објавува студија чиј заклучок е дека влијанието на руската операција на Твитер за време на претседателската трка меѓу Трамп и Хилари, било исклучително минимално.

Драго ми е што постоеше Нома, па сега можам да уживам во јадењата на стотици готвачи инспирирани од иновациите што ги направи тимот на Реџепи. Исто така, драго ми е што Реџепи сфати дека ресторан што се потпира на недоволно платени работници е неодржлив.

Идните уметници и креативци ќе бидат дифолтно баксузи бидејќи вештачката интелигенција е сè подобра во креативни задачи. Истражувачи од универзитетот Кернел си поиграле со алатката на Микрософт за генерирање глас. Доволни им се три секунди ваш глас за потоа со него да кажат што сакаат и тоа да звучи како вие да сте го изговориле.

Од сегашните 26 долари по доза, Модерна сака да ја крене цената на својата вакцина против ковид на некои 110 до 130 долари по доза. И тоа не треба да се фати како претерување.

Откако воведе санкции, ЕУ замрзна 300 милијарди евра руски државни резерви, и милијарди од сметките на други руски богаташи. Од тогаш ЕУ нема конечен став што ќе прави со парите и додека се труди да ги пофаќа сите краеви за сите членки да бидат задоволни и да гласаат за каков било план за трошење на руските пари, Естонија веќе се подготвува сама да почне со запленување руски пари.

Братот на канадскиот премиер смета дека тој е само пион и истурен играч на глобалните господари на светскиот поредок и дека Џастин Трудо дури и не ги ни пишува своите говори и твитови. „Џастин не зборува искрено,“ вели Кајл Кемпер и загадочно додава „уцената е моќна алатка“. 

Најмалку пет луѓе загинаа во експлозија на бомба во близина на авганистанското министерство за надворешни работи во Кабул. И како ретко кога во Авганистан, зулумот не е на Талибанците.

Американската влада ја одобри за употреба првата вакцина во светот за пчели. Таа ги зголемува надежите дека имаме ефикасно оружје против една смртоносна болест која ги опустошува пчелните колонии и го пореметува опрашувањето од кое зависи храната на нашите трпези.

Црвениот јапонскиот пасош е највреден пасош на светот, ама на Јапонците како да не им е многу до патување. Само 20% од населението поседува ваков документ, а 35% од Јапонците изјавиле дека немаат намера да патуваат во странство. Црвениот македонски пасош е 44-ти на листата.  

Планот на британскиот премиер да го зголеми бројот на часови по нумеричка писменост има логика само во СССР и Кина, бидејќи во слободниот свет децата треба да бидат оставени да учат што сакаат, а не со сила да висат над задачи по математика, смета колумнистката на британски Телеграф.

Новата американска агенда за борба против климатските промени треба да отвори речиси 540.000 работни места во индустријата за соларни панели, ветерници, електрични возила и батерии. Пари има. Луѓе нема.

Некои се одушевија, некои се уплашија од умешниот соговорник базиран на вештачка интелигенција. Навистина знае да обавува разни задачи но не мора да значи дека од корен ќе ни го смени животот. Малку пошироко на таа тема, плус муабет со него околу прашањата „“Кој го продаде името и како да го вратиме?“.

Јавните училишта од образовниот дистрикт од Сиетл ги тужат ТикТок, Инстаграм, Фејсбук, Јутјуб и Снепчет сметајќи ги за одговорни за актуелната ментална криза меѓу младите. На компании како Фејсбук им било позната бељата што ја прават ама тоа го криеле од инвеститорите.

На Кина и се случија серија проблеми кои целосно ја осакатија поштенската мрежа (и приватна и државна и глобална) во земјата, на досега незамисливи начини. Едноставно во големите градови во земјата ништо никаде не мрда.

Сосема сериозен доктор и научник објавува твит дека на луѓе со природен имунитет не им е потребна вакцина бидејќи природната заштита и онака е супериорна во однос на онаа од вакцината. Човек од Фајзер веднаш се јавува „таму кај што треба“, а таму има кој да чуе па твитот добива етикета дека ги мами луѓето.

Првиот напад на Западот врз Русија се случува на почетокот од 1990-те, пред воопшто да почне ширењето на НАТО, и тоа во форма на економска депресија поттикната од САД која беше подлабока и покатастрофална од Големата депресија што го разорува САД во 1930-те, пишува професорот Џон Волш.