Бројките на геноцидот во Газа

Застрашувачки се најновите бројки од Газа кои ги извади швајцарскиот Еуро-Мед монитор за човекови права кои го отсликуваат морничавиот размер на злосторствата. Толкав број жртви за толку кратко време, веројатно нема споредба со целиот период после Втората светска војна. Цивили, деца, број на срушени објекти, ракетирани здравствени установи... Сè е многу и сè е страшно.

Убиени се 8.176 деца и 4.112 жени и тоа изнесува 61% од вкупно убиените
92% од убиените се цивили (18.460 лица од 20.031) -
Еден милиони и седумстотини триесет илјади луѓе се раселени, што е над 80% од населението во Газа.

За само 49 дена. Што значи дека:

Просечно се убиваат 167 деца дневно или седум на секој час или едно на секои 8 минути.
Дневно во просек се убиваат 377 цивили или речиси 16 на секој час.

За контекст: Според Канцеларијата на комесарот за човекови права на Обединетите нации, војната во Украина за 20 месеци регистрирала 9.614 цивилни жртви.

Со оглед на тоа што ова население е 22 пати помало од Украина, и дека зборуваме за само 49 дена (наспроти 20 месеци), војната во Газа е неверојатни 520 пати посмртоносна за цивилите отколку војната во Украина а жртвениот биланс на децата е поголем за 3.500 пати, пишува Арно Бертранд.