На планетава во моментов веројатно нема актер со толку легендарно портфолио. Ловец  на елени, Таксист, Кум, Разјарениот бик... Па сепак, Роберт Де Ниро со години и упорно го сере тоа свое наследство, глумејќи инфантилни ролји во куп боза филмови. Не можеше ли овој наш јунак да реши да старее како Џин Хекман или Шон Конери?

Тоа што секој за себе мисли дека е експерт чиј глас заслужува да биде слушнат, всушност само го прави побезначаен гласот на сите други. Меѓутоа ова е логичната завршница на демократизацијата на културата и ужасниот култ на инклузивност, кој инсистира дека сите мора да егзистираат под истиот чадор на корпоративна регулатива и мандат кој диктира како треба да се изразуваме и однесуваме, пишува Брет Истон Елис во текстот за Њујорк Тајмс.

Гугл лани успеал да блокира 780 милиони таканаречени 'лоши реклами', што е пораст од 50% во однос на претходната година. Настрадале и 25.000 мобилни апликации кои ловеле несакани и случајни кликови.

Пресметката е правена за американски услови и граѓани, без разлика на тоа, таа носи неколку глобални заклучоци - како тоа дека иако расата е најважна за вашите шанси за збогатување, без разлика без разлика на бојата на кожата образованието е клучен фактор за зголемување на шансите да направиш пари во живот.

Водечкиот клерик на Саудиска Арабија, шеикот Абдулазиз ал -Шеик мрдна неверојатно глуп потег. Му удри забрана на шахот и му фрли фатва. А вистината не е толку црно - бела. 

Еден од најголемите сајтови за детска порнографија речиси две недели бил управуван од ФБИ, и им овозможувал на илјадници посетители да симнуваат фотографии и видеа од владините сервери во предградијата на Вашингтон.

Во последниве години меѓу Европската Унија и Кина се одвиваше една упорна војна која Кина конечно успеа да ја добие. Битките не беа рововски, беа штрафовски.

Минатата недела Камерон преку колумна во весник испрати смирувачка порака што англискиот дел од нацијата чекаше да ја чуе, за која кај нас политичарите добиваа шамарање преку уста, дека ако некој сака да живее во Англија треба да зборува англиски и да ги почитува вредностите на земјата во која живее. Деновиве излегоа реакции, од типот - во право е.

Ако сакате да бидете навистина посветени на својата работа и на неа да го дадете својот максимум, ќе треба да научите да бидете мрзливи. Така гласи последниот совет за зголемување на продуктивноста на работничката класа во западниот свет.

И покрај пребогатите ликови, неповторливата приказна и епските битки меѓу галактички империи, седумте филмови и остатокот на Ѕвездени војни универзумот се резултат на семејната приказна на едно единствено семејство - Скајвокер кланот.

Прво истражување, во брадите открива траги од бактерии кои обично се наоѓаат во фекалии. Второ истражување, малку посериозно и спроведено од американска болница врз своите вработени (бидејќи тие многу повеќе се во контакт со бактерии од кој било друг) доаѓа до сосема спротивни резултати.

Обилните наноси од снег кои во некои делови од градот достигнаа височина нешто преку 4 сантиметри снег, комплетно го блокираа сообраќајот во главниот град на САД. Дури и претседателот Барак Обама саат ипол се враќал дома. А снегот допрва им доаѓа.

Официјалната верзија на секој работодавец е дека сака луѓе што напорно работат, проблемот е што постапките покажуваат дека сите се заљубени и попрво би избрале природен талент.

Деновиве ги гледаме како домаќини на европското првенство во ракомет.  Црвено-бели, бучни, убави и радосни навиваат за своите. Но, како се живее таму, што ги секира и кои се секојдневните жиивотни и и политички дилеми на тие луѓе? Њујорк Тајмс ги праша, ние ќе ви пренесеме, а вие сигурно ќе се пронајдете во некој од нив.

Канје Вест, човекот жанр сам по себе, одлучи својата болка за заминувањето на Боуви да ја искаже на најдобар можен начин на кој тоа го знае - да издаде албум со препеви на песните на Боуви. Илјадници луѓе од сите краеви на планетава се кренаа на нозе да го замолат Канје никогаш да не го направи ова.

Претходниот придонес на муслиманскиот свет кон науката и образованието е извонреден. Златното доба на Исламот во кое учењето и образованието цветаат низ муслиманскиот свет, трае со векови, и го вклучува основањето на првите универзитети во светот. Денес, сепак, мнозински муслиманските држави доста заостануваат зад остатокот од светот во смисла на образование и истражување.

На последната дебата меѓу демократите, Берни Сандерс доби прилика каква што овдешен политичар во предизборие би ја зграбил со две раце и не би ја пуштал: шанса пред десетици милиони гледачи да ги коментира сексуалните скандали во семејството на неговиот политички противник. Но, Берни е поинаков.

40.000 деца од Конго, некои од нив и со само седум години, аргатуваат во рудниците низ земјата вадејќи кобалт кој завршува во смартфоните на некои посреќни деца и возрасни од други делови на планетава. 

Скот Галовеј е професор по Маркетинг и бренд стратегија на њујоршката Стерн школа за бизнис. Во декември 2014-та човекот храбро предвидува дека акциите на Амазон ќе почнат стрмоглаво да паѓаат. Од тој момент до декември 2015-та вредноста на акциите на Амазон се зголемува за два пати. Без разлика на тоа, човекот знае што збори.

Официјалното име на единицата е Catturandi (доаѓа од – да се фати), иако тие себе се доживуваат како Банда лавови, најпрепознатлив дел од облеката им се ски-маските што е најмногу што некогаш јавноста ќе се приближи до нивниот идентитет и според нивни зборови, ги нема повеќе од 20 луѓе. Задачата им е лов на италијанските мафијашки босови.

Треба да им се спротивставиме на сите муслимански мажи кои со себе носат "назадно" однесување кон жените, што не е карактеристично со земјите и времето во кое живеат, порача религиозно и родово освестениот премиер на Британија.

Надбискупот од Кентербери процени дека христијаните наскоро ќе имаат еден заеднички и фиксиран датум за обележување на христовото воскресение. Традиционалистите уште сега се потат.

Во категорија "повеќе кофеин" несомнен победник е кафето. Шоља чај има околу 40 милиграми кофеин, што е половина од количината што ја има во шоља обично филтер кафе (од 80 до 115 милиграми).

НАСА соопшти дека формирала ново работно тело кој ќе каже што да се прави ако некој астероид (од оние кои ги истребија диносаурусите) оди накај нас. Интересно е кога ќе сфатиш дека до вчера немале нешто такво.