Војната што Трамп му ја објави на Иран досега го чинело секое американско семејство по 2.000 долари, пресметал Марк Занди, главен економист во аналитичкото одделение на Moody’s. Вкупната сума на зголемени трошоци на национално ниво е 265 милијарди долари.
Најголемиот дел од оваа сума се за зголемените трошоци за греење, енергија, бензин и дизел, кои во изминатите осум месеци изнесуваат по околу 1.100 долари по семејство. Ако се задржат овие цени на горивата, сметката за домаќинствата се зголемува за околу 50 долари неделно.
Како последица на инфлацијата и зголемувањето на каматните стапки, трошоците за семејствата се зголемиле за 540 долари.
Уште по 360 долари американските семејства платиле за покривање на директните воени трошоци на Пентагон, кои според Комитетот за буџетот на Конгресот изнесувале 38 милијарди долари заклучно со 1 август, а според Ројтерс се зголемуваат за по 3 милијарди долари месечно.
Не сите веруваат дека отстранувањето на Хуанг Јенсен од Нвидиа се сведува на крими-трилер приказна каква што ѝ се нуди на јавноста, приказна за убава, згодна и вешта кинеска шпионка инфилтрирана како љубовница на кралот на чиповите.
Еден од таквите е Дејвид Сакс - поранешниот цар за вештачка интелигенција на Трамп, кој сега е копретседател на Советот на советници на претседателот за наука и технологија.
Во подкаст со уште неколку ИТ познавачи, се потсетува дека Јенсен беше еден од најголемите корпоративни опен сорс поддржувачи што беше голема главоболка на еден влијателен блок луѓе кои сакаа моделите и чиповите да се под построга контрола.
Шпионската приказна била само средство да се исполни главната цел.
Сенаторот Рубен Галего (демократ од Аризона) изјави дека „убавината“ на речиси петгодишната руско-украинска војна е во тоа што САД „им плаќаат на Украинците да убиваат Руси“.
Галего, кој пред да влезе во Сенатот, десет години беше во претставничкиот дом, на Икс напиша дека Украина може да ја добие војната ако нејзините сили убијат доволно Руси.
„'Украина не може да победи' е руска приказна. Затоа што Русија била голема, бла, бла... Ако Украина убие доволно Руси, ќе дигнат раце“, напиша тој.
Кога во коментар доби предлог да ѝ се придружи на украинската легија на странци, Галего одговори: „Не, тоа е убавината на ова; можеме да им платиме на Украинците да ги убиваат Русите“.