Претседателот на Европската комисија Жан Клод Јункер в среда треба да го одржи своето годишно обраќање во Стразбур. „Ќе ве убедува дека ЕУ е мед и млеко. Ајде да видиме одблиску каква навистина ситуацијата“, пишува пратеничката на Европскиот парламент, Дајана Џејмс. 

Дубровник е една од редовните точки на застанување на Еклипс, втората по големина јахта во светот. Овој пат "пит-стопот" беше и со полнење гориво.

Репортажа на новинарка на Би Би Си од Бугарија, земјата која најбрзо го губи своето население во светот. Можела и кај нас да дојде и исто ќе видела. Само што тешко некоја валидна бројка да можела да извади од државата која 15 години нема ни попис направено.

Зошто јавните простори во САД треба да бидат исчистени од водачите на Конфедерацијата, додека во Британија и понатаму би останале исправени статуите на адмиралот Нелсон и Сесил Роудс, прашува уредникот на Њујорк ривју оф букс и професор по демократија, човекови права и новинарство на Бард колеџот, Иан Бурума.

Ќе беше политички покорисно да имавме нешто за овците, но научници се фатиле за крави и изработиле математички модел по кој овие навидум бескрајно незаинтересирани животни ги носат секојдневните животни одлуки

.

Поранешниот мексикански претседател од раатот на пензионерскиот живот го дрибла Трамп уште пред американскиот претседател да стапне во Белата куќа. И како што минува време, Висенте станува само подобар во тролањето.

Не можеме да зборуваме за климатските промени без да чепнеме во суштината на економскиот систем кој нè доведе до оваа точка, пишува Салон потсетувајќи на тезата на Наоми Клајн дека се работи за „војна на капитализмот против планетата“. Еден од највлијателните луѓе во оваа област од Запад тврди дека само Кина има воља да ја зачисти планетава. 

Првиот рекорд што студијата го срушија годинава е најлоша летна заработувачка во изминатите 10 години; вториот рекорд што го срушија е најлоша заработувачка на Денот на трудот (3-дневен викенд) во последните речиси 20 години.

Сумата не е од официјален ценовник на Инстаграм, каде услугата е бесплатна, туку е крајната граница за тоа колку наплаќаат луѓе што можат да ти помогнат преку ред да стигнеш до синото знакче до твоето име.

Не постои една единствена апликација за смартфон која прави подобро да се чувствуваш ако на нејзе трошиш повеќе време, отколку помалку. Вклучително ни апликации за музика.

Еден дечко ја започнал иницијативата од досада и желба на зезање, но се зачудил колку многу Американци се спремни со оружје в рака да му се спротивстават на непријателот. Макар тој се викал Ирма и по идеологија бил ураган. 

На 81 годишна возраст, една година по операција на мозокот, почина едно од заштитните лица на југословенската кинематографија. Љубиша Самарџиќ е роден во Скопје, во рударско семејство. Со рударско темпо и снимаше филмови и серии. 

Сопствениците и основачи на најголемите технолошки гиганти ќе влијаат на изместување на демократите уште повеќе кон лево за голем број општествени и економски прашања, со исклучок на синдикатите и регулирање на бизнисот, кои веднаш би ги укинале.

Тоа се оние луѓе кои за секој здравствен симптом што го имаат, или  - најчесто -  си умислуваат дека го имаат, веднаш бараат чаре на - интернет. Па ќе најдат сродно глупи сајтови од кои дополнително ќе се испоплашат, или форуми со сроднo глупи луѓе па таму ќе си се лажат, сè добронамерни паталци, сè од прва рака, сè „имам читано дека...“ Па знаете ли колку нè коштаат таквите ликови?

Во цел текст со неколку анализи и студии не само што нема ни една лоша работа кажана за пцуењето, туку има и пофални.

Во Србија почнале да казнуваат мерејќи ја средната брзина со која возите на автопат, А тоа го прават споредувајќи го времето меѓу две изминати патарини. Србинот го решава тоа соодветно менталитетот: брзај, брзај, застани во кафана.

Наградата е стара една деценија и, без да сме упатени во претходните победници, годинава изгледа како жирито крајно професионално да си ја завршило работата.

Сред поплавите по ураганот Харви, во едно од засолништата, Сиенен наиде на еден од најжестоките медиумски критичари во Хјустон, жената идентификувана како Даниел и нејзината малолетна ќерка, кои премрзнати, утоп мокри и избезумени, беа наместени пред камерата на новинската мрежа за да одговараат на прашања на новинарката.

Едниот личи на руски сметководител, другиот личи на ирски шанкер. Едниот е Казахстанец, другиот е Мексиканец. Едниот е најмоќното нешто што се случило во средна категорија последнава деценија, другиот е најиздржливото нешто што се случило во средна категорија во последнава деценија. На 16-ти септември (сабота) се случува Генадиј Головкин против Канело Алварез, мечот за обединување на титулата во средна категорија и најголемата боксерска борба на оваа деценија.

Победата на Макрон на француските претседателски избори беше дочекана како пресвртницата што ќе доведе до големото враќање на левицата и доказ дека политиката од лева ориентација и понатаму може да победува на гласачките кутии. По само 100 дена од неговото владеење, ова звучи како присетување на некои дамнешни златни времиња.

Текстов се однесува на Евреите од Солун, кои на почетокот на 20-от век беа една од доминанатните заедници во градот. За неколку дена 50.000 Евреи биваат депортирани и убиени во наци логорите. Оние малкумина кои имаат среќа да се вратат, наидуваат на град кој е глув за она што им се случило. И така со децении. Ситуацијата сака да ја смени градоначалникот со потекло од Крушево.

На стотина километри од Софија на планината Рила се наоѓа највисокиот врв на Балканот и највисоката точка меѓу Алпите и Кавказот, врвот Мусала со своите 2925 метри надморска височина. Бугарите се горди на врвот, ама не сите се горди на името.

До сега во Сирија се вратени 31.000 бегалци, дел затоа што повеќе не можеле да издржат во бегалските кампови во близина на сириската граница, дел за да се борат против сириските власти. За сега никој од овие не жали што е назад во Сирија, ама никому не му препорачуваат да го направи истото.

На татко му збоктисало малолетниот син да ги игнорира неговите телефонски повици и СМС-и па направил мобилна апликација која, сакал овој или нејќел, ќе го натера да одговори. Уште некако да го убеди да ја стави апликацијата.