Притисокот од Доналд Трамп целосно го промени мајндсетот на Европа. Штедливата Германија сега инсистира на големи задолжувања за да се задвижи економијата. Брисел бара огромно задолжување за одбрана, поголемо од воениот буџет на Русија. Европа прилега на САД од пред два века, кога политиката на консолидирање на долговите навистина ги соедини американските држави.

Во периодот на пандемијата и карантинот цела генерација на прагот на зрелоста доживеа колективна и наметната реалност во која секое правило стана бесмислено и авторитарно во име на закана што воопшто не ги засега. Тие деца созреваа со интернетот како единствен пријател и прозорец кон светот. Некои од нив очекуваа дека тој свет ќе продолжи. Други му пркосат.

Голем пресврт во одбранбената политика на Европската Унија. На стратегиските партнери и водечките производители на оружје, пред сè на САД и на Британија, им е блокиран пристапот до идниот фонд за вооружување на Европа, освен ако не потпишат посебен пакт со Брисел. Во меѓувреме, ЕУ слободно ќе може да троши пари од фондот за оружје произведено во Македонија.

Кампањата на Трамп за кратење на државните трошоци маршира со забрзан чекор. Секретарот за одбрана Пит Хегсет смета повеќе од 50.000 цивилни службеници за непотребен товар од кој Пентагон може да се ослободи, а притоа да не биде загрозена безбедноста на САД. Тоа се едвај 5% од армијата административци без воена униформа. 

Во новите документи на десетици илјади страници за убиството на Џон Ф. Кенеди не е пронајдено ништо што би ги поткрепило приказните за втор стрелец или за вмешаноста на ЦИА, СССР, Куба или мафијата во атентатот. Има некои нови детали за атентаторот Ли Харви Освалд, но убиството на ЏФК ќе остане мистерија и вечна инспирација за теории на заговор.

Ново тестирање по кој знае кој пат покажа дека американските бебиња се задоени со тешки метали преку храната за доенчиња. Здравствените власти тргнуваат во контраофанзива за елиминирање на оловото, арсенот и разните други канцерогени состојки од храната за бебиња. Битката почнува со нова стандардна формула. Сегашната е дефинирана во минатиот век.

Се засилува прогонот против популарниот градоначалник на Истанбул со цел да биде елиминиран од претседателските избори. Новото обвинение за Екрем Имамоглу дека поддржувал терористичка група е досега најсериозното. Пред два дена му беше поништена и дипломата, за да не може да се кандидира во 2028 година. Не може ни Ердоган, освен ако не го заобиколи Уставот.

За конзервативната класа нема поважно прашање за нивната кауза од „одбраната“ на слободата на говорот. Но, додека режимот на Трамп е на пат да протера Палестинец што е постојан жител на САД само врз основа на неговиот политички израз, многумина од тие борци за слобода на говорот ја сменија песната.

Се излажаа оние што очекуваа дека Трамп и Путин во првиот телефонски разговор ќе договорат мир во Украина, ќе ѝ ги прекројат границите и ќе ги поделат рудните богатства. Тоа ќе биде долг и напорен процес. Има надеж и за билатералните односи. Додека војници гинат на фронтот, Трамп и Путин разговарале како Америка и Русија да се спријателат со хокеарски натпревари.

Израел на најбрутален начин го прекина примирјето во Газа - со жестоки бомбардирања во кои загинаа повеќе од 400 луѓе. За Палестинците тоа е враќање во пеколната спирала на смрт, талкање, борба за вода, храна и лекови, крај на последните трошки надеж дека во Газа може да се врати мирот пред да биде целосно уништена. За преостанатите 59 израелски заложници на Хамас, тоа е смртна пресуда. 

Милијардите што ѝ ги замрзнаа на Русија, европските земји ги чуваат како „златна кокошка“ за да го полнат фондот за реконструкција на Украина. Британија и ЕУ сега бараат да ја запленат и главнината и да ја потрошат на одбраната. Како да забораваат дека парите се туѓи, без оглед дали се руски. И дека никој потоа нема да има доверба да чува ни цент во Европа.

Алпите се далеку од Русија но, поранешен командант на американските трупи во Европа ја советува Швајцарија итно да се подготви за војна. Повлекувањето на Американците значи смрт за НАТО. Збунетата Европа има потенцијал самата да се одбрани од експанзионистичките закани од Русија, но ѝ недостасува политичка волја.

Да се избегнат трагедии е невозможно, но затоа постојат начини, средства и механизми, веројатноста за нив да биде сведена на минимум. Хрватски експерти ја смируваат тамошната јавност дека мали се шансите за кочанско сценарио во нивен ноќен клуб. Како? Со ригорозни мерки и проверки. 

Илон Маск ги обвинува демократите дека масовно увезувале илегални мигранти, ги легализирале и ги правеле зависни од социјална помош за да ги купат нивните гласови и да се бетонираат на власт. За создавање на „социјалистичка држава“ преку владини програми и биле инвестирани стотици милијарди долари.

Претседателот Трамп попусто ги оспорува масовните помилувања од Џо Бајден зашто биле потпишани од машина. Тие се легални и со автоматски потпис. Но, Трамп отвора важни прашања што заслужуваат истрага: Дали Бајден воопшто знаел што сè се потпишува во негово име и во чии раце било автоматското пенкало?

Албанските мажи се убедливо најистакнатата национална категорија меѓу затворениците во Англија и во Велс, покажува анализа на порталот MailOnline. Опозицијата бара да се вкрстат податоците за вкупниот број на мигранти и странски престапници за да се создаде појасна слика за ситуацијата и да се насочи поефикасно политиката за визи и депортирање.

Одеднаш, буквално секој европски лидер се приклучи на култот за зголемување на трошоците за одбрана и зајакнување на индустријата за оружје. Динамиката има потенцијал брзо да ескалира и да излезе од контрола. Последниот пат кога европските држави тргнаа во вооружување бевме на добар пат кон светска војна, забележува аналитичарот Френк Фуреди.

Американското радио што своевремено контрираше на нацистичката и на комунистичката пропаганда низ светот, од неделата емитува само музика. Канцелариите се заклучени. Трамп нареди дека Америка повеќе не може да си дозволи сервис што троши 267 милиони државни долари за да шири „радикална левичарска пропаганда“.

Луѓе веруваа дека супербогатите луѓе, со нивната пи-аровски напумпана добронамерност и огромните богатства кои ги поседуваат, можат многу да помогнат околу глобалната насекираност во врска со климата. И помагаа, поддржуваа, даваа пари, изјави... само што таквите луѓе не забораваат дека нивната главна преокупација сепак се парите.

Кинезите неочекувано благо, па дури и со симпатии го прифаќаат вториот претседателски мандат на Доналд Трамп. Креаторите на политиката во Пекинг засега само ја набљудуваат „Американската културна револуција“. Додека го чека своето време, Ши ќе калкулира дали таа води кон глобален поредок што е во интерес на Кина.

Примирјето во Газа не значи дека завршиле страдањата за Палестинците. Околу нив сега не пукаат бомби, туку тавани и ѕидови на полуразурнатите згради. Оние што се вратиле на северот, не можеле да ги препознаат ни улиците, камо ли домовите. Израел го блокира доставувањето шатори и хуманитарна помош. Огнот прекина, но војната продолжува.

Администрацијата на Трамп ги демонтира строгите регулаторни филтри од оџаците и ауспусите поставени во времето на Бајден и Обама. Се ревидираат десетици мерки и ограничувања за загадување, за кои се тврди дека биле „агенда за уништување на индустријата и бизнисот“. Еколозите реагираат дека поблагите мерки ќе бидат катастрофални за здравјето.

Хрватскиот професор и надворешно-политички аналитичар смета дека е наивно да се верува дека ова што сега се случува околу Украина е нешто друго освен победа на Русија и реализација на најголем дел од нејзините барања. Уште Курск да го врати и Путин ќе биде во полна контрола на ситуацијата. А Европа никако да сфати, вели Пуховски, дека главната опасност не доаѓа од Москва. 

Невладините организации диктираат кој и што може да каже во Германија, а фрлаат кал врз секој што зборуваат „непријатни вистини“, тврди либерална пратеничка и не очекува промена на подобро. Конзервативците победија на изборите со ветување дека ќе ја проверат работата на невладините. Тоа не го дозволуваат социјалдемократите, без кои нема влада.