Меѓу најскапите сувенири посветени со папата се врамени фотографии лично потпишани од Франциско. На Ибеј една достигна цена и од 3.999 долари (со бесплатна достава).
Потпишана картичка за размена била продадена за 1.299 долари. Златна поштенска марка достигна 44,95 долари, а свето масло благословено од Франциско е еден долар поскапо.
На продажба се и повообичаени сувенири - постери, бројаници, привезоци, маици, шолји, свеќи и кукли.
Еве некои од цените:
- Налепница за браник: 3,99 долари
- Маска за лице за забави: 8,95 долари
- Капче Zuccheto благословено од папата: 300 долари (продадено)
- Автобиографијата на папата Франциско: 24,87 долари
- Мала таписерија: 7,50 долари
- Декоративна чинија и чаша со лик на папата: 56,31 долари
- Света вода: 11,96 долари
- Лампион за новогодишна елка: 30 долари
- Чорапи: 12,44 долари
- Биста на папата: 69 долари.
Продажбата на сувенири по тезгите и продавничките низ Рим во изминатите неколку дена е зголемена за 20%. Најмногу се трошат вообичаените производи - магнети, бројаници, разгледници, календари и привезоци.
