Првпат кога даночните власти на Грција почнаа да користат сателитски снимки во време на економскатата криза и фискалната диета, беа откриени фрапантен број непријавени домашни базени. Сега е уште полесно со дроновите кои шпартаат по Халкикиди и други места. За пет дена биле наплатени 350.000 евра казни. 

Топ членови на Демократската партија на САД приватно им рекле на основачите на Аксиос дека сè поголемиот притисок од конгресните лидери и блиски пријатели го убедиле Џо Бајден да се откаже од идејата да бара втор мандат во Белата куќа. И тоа може да се случи за само неколку дена, во викендот што претстои.

Новоизбрана европарламентарка од Романија била исфрлена од сесија на Европскиот парламент откако ги игногирала сите процедурални опомени да не вика од место и да не ги прекинува другите додека говорат. Кога конечно дошле службите да ѝ објаснат дека таму сепак постојат правила, таа на лице ставила кучешка маска, по што сепак била одведена надвор, да се прошета и евентуално замоча.

Обидот за атентат на Доналд Трамп е наместена работа и никогаш немала за цел да го убие поранешниот претседател сметаат нешто над 33% од симпатизерите на актуелниот претседател Џо Бајден.

Истакнат имам од Татарстан стана центар на вниманието на руската јавност отколку неделава објави видео во кое на верниците им дава насоки како правилно треба да се тепа сопствената сопруга.

Во моментов не постојат никакви меѓународни прописи или стандарди за тоа како би се користеле ресурси кои овде се скудни а на Месечината ги има во изобилство. Технологијата ќе ги реши предизвиците но останува прашање како овде да не спукаат кој ќе копа таму. А имаат за копање и тоа нешто што вреди 20 милиони долари за килограм. 

После она што се случи во Пенсилванија, директорката на американската Тајна служба мораше да даде одговор зошто немале ставено човек на кровот од кој стрелецот се обиде да изврши атентат врз Трамп. А одговорот е: кровот им бил кос на агентите.

Гувернерот на Калифорнија, Гевин Њусом, го потпиша контроверзниот „Закон за безбедност“ кој ги спречува училиштата да усвојат каква било политика која ќе бара од наставниците и персоналот да ги информираат родителите ако нивното дете сака да биде третирано како припадник на спротивниот пол или како „не -бинарно“. Културната револуција на Мао (детето ѝ припаѓа на државата а не на родителите) продолжува.

Вториот највисок суд во Европа ја критикуваше Европската комисија за немање транспарентност околу договорите за ковид вакцините склучувани пред четири години. Судот реши ова да го обелодени еден ден пред клучното гласање за кандидатурата на шефицата на Комисијата Урсула фон дер Лајен за втор мандат.

За неполни 20 години, открени се дваесетина тунели кои започнуваат во Мексико а завршуваат во Калифорнија и служеле за шверц на дрога. Последниот пронајден е толку долг што властите не можат да го минат без да се задушат поради недостаток на кислорот. Сега чекаат боци за да го доодат тунелот и да видат каде завршува.

Целосната екипа на Микрософт задолжена за ДЕИ (diversity, equity, inclusion), рамковниот за корпоративна Америка, од 1 јули остана без работа бидејќи веќе биле непотребни.

Ако веќе секако сте вон контрола и летово имате удрено на благо, најдобро е тоа да биде сладолед, бидејќи освен шеќерот тој да ти содржел и некои хранливи состојки.

Дискутирајќи ги дополнително опциите за влошување на ситуацијата во Украина и Европа, НАТО размислува за тоа која кинески финансирана и изградена инфраструктура во Европа би требало да ја заплени во случај на војна со Русија.

Бајден успеа брзо и одлучно да го одбие првиот посериозен јавен напад од демократите да се откаже од претседателската кандидатура. Како што тој не се откажува, така од намерата да го сменат не се откажуваат ни високи функционери од времето на Обама и Клинтон.

Ако сте за Трамп, или ако не сте вакцинирани против ковид, во прогресивни делови на САД како што е Бостон, овие информации ќе ги чувате во вашиот најтесен семеен круг. Од друга страна, на југот и во централна Америка, се случува конзервативна револуција. И двете групи се исклучиви. Либералите се полицемерни затоа што си земаат за право да се декларираат за морално и интелектуално супериорни.

Процените се дека операцијата за расчистување на целиот распарчен бетон и арматура во Газа ќе чини меѓу 500 и 600 милиони долари, а тоа ќе треба да се направи пред што било друго да се почне.

Францускиот Нов народен фронт кој сега е најголемата група во парламентот, побара земјата да добие премиер кој ќе ги спроведе партиските идеи меѓу кои се и нов данок на богати и контрола на цената на бензинот.

Сликата на раскрварен и пркосен Доналд Трамп како со стисната тупаница ја отпоздравува толпата во Пенсилванија додека го изговора зборот „fight“ со американското знаме во позадина, инстантно ќе влезе во книгите за историја како еден од моментите што ја дефинирал нашата ера, пишува Блумберг.

„Штом ја видов снимката - знаев“, вели за неуспешниот атентат врз Доналд Трамп поранешен воен снајперист со светски рекорд. Вика, не треба човек да е снајперист бидејќи и на дете од седмо одделение му е јасно дека крововите наоколу први се обезбедуваат. Сугерира дека младиот атентатор имал некакви помош од инсајдерски кругови; или било замижено или било планирано. Инаку, како ќе се домкнеше толку блиску?

Сантиметар-два го почасти среќата (или „Фортуна, божицата на среќата“, како што би се изразиле спортски коментатори) поранешниот американски претседател Доналд Трамп врз кого беше пукано на митинг во Пенсилванија. Еден од куршумите од пушка кои беа испукани кон него од млад локалец му ја пирснал школката на десното уво. Трамп е жив, дечкото не е. 

Две сосема различни гледишта на работите искажаа Европската комисија преку извршната потпретседателка за дигитал и конкуренција и првиот човек на платформата Икс. Од една страна, Икс се товари дека го крши европскиот закон за дигитални услуги во поглед на транспарентноста, а Маск тврди дека почнуваат да го гонат откако им ја одбил понудата да спроведува тивка цензура.

Клинички психолог наведува истражувања кои покажуваат дека оние што редовно одат на годишен, го намалуваат ризикот од прерана смрт за 20%. Ама не само оние фамозни седум дена, на колку што многу луѓе се решаваат. Човек почнува да се опушта дури после седмиот ден.

Неодамнешниот повик на Џорџ Клуни Џо Бајден да се откаже од втор мандат и да направи место за друг човек, дополнително ја разбранува во Демократската партија околу возраста и способноста на Бајден. Колумната на Клуни во Њујорк Тајмс и ефектите од неа покажуваат колку Демократите и натаму се опседнати со познати фаци и богати донатори а дисконектирани од работниците и малцинствата.

Путин требаше да биде пропагандно а и реално изолиран од остатокот од светските лидери заради започнувањето на војната во Украина. Неговата службена агенда изминативе месеци вели поинаку.