Рускиот мултимилијардер и медиумски могул Александар Лебедев, со огромна заинтересираност од медиумите го започна своето аргатување на кое е казнет заради познатиот инцидент во едно тв шоу.

Целиот буџет за реклама што планираа да го потрошат за новогодишните празници, Кока кола Филипини ќе го донира за жртвите од неодамнешниот тајфун, заради што во овој период во земјата ќе останат без една единствена реклама.

Која купила - купила, која не - нека побрза. За најфалсификуваните чанти на светот се затвора главната интернет магистрала по која досега циркулираа.

Не базирано на порно ѕвезди, фалење на софра или ветувања дадени од најразлични мажјаци, туку по основа на исповеди на 46.000 луѓе во периодот од 1990-та до 2010-та, треба да ви соопштиме дека и покрај се повеќе голотија што гледаме, луѓето денес имаат помалку секс.

Станува збор за синот на вториот човек на Синалоа картелот, моментално најмоќниот и најбескрупулозниот нарко-картел во Мексико. Тоа што по наредба на татко му се убиени илјадници луѓе, не значи дека на 23-години тој нема да се чатали на Фејсбук и Твитер. Се вика Серафин.

Во првиот сериозно голем текст што го напиша за време својот понтификат (288 страници), Папата на досега ретко моќен начин го осудува постојниот светски финансиски систем, опсесијата со трошење, нееднаквоста и тиранијата на капитализмот.

Разликата од лани до годинава, посебно во однос на користење на ЈуТјуб и Твитер, е како во јануари 2013-та од дајл-ап да сме се закачиле на броудбенд.

По македонските медиуми неверојатно брзо се прошири вест дека Грците намерно се инфицирале со вирус на ХИВ за да добиваат социјална помош. Не, сепак не се до толку глупи.

НФЛ се игра 5 месеци во годината, и до плејофот секој тим има по 16 натпревари. За време на еден просечен натпревар, активно се играат само 11 минути, ама затоа се пуштаат над 100 реклами.

Годишно Индијците купуваат околу 1.000 тони злато, што е еднакво на целото злато кое во моментов го има во сефовите на швајцарските банки.

Денес во САД има 5 милиони претплатници на кабелска помалку отколку во 2010-та, а главното објаснување е дека се наоѓаме на почетокот на историската промена од гледање телевизија во гледање видеа.

Аргументот е дека станува збор за индустрија вредна 120 милијарди долари, која разурнуваа цели индустрии во земјите во кои доаѓа преку внесување на производи под пазарната цена кои комплетно ја нарушуваат економијата во земјата.

Анализа открива во кој дел од неделата сте највредни и најефикасни. Проблемот е што ако го читате ова во понеделник до кај 11 часот наутро, само што го потрошивте најефикасното време во неделата.

На новинар на ЕПСН, Катар му плаќа патување до Катар со сите трошоци подмирени. Новинарот се заљубува во Катар, а ЕСПН го објавува ова, ама не за долго.

По сите скандали кои излегоа од шпионирањето на НСА, Сенатот одлучи да превземе мерки кои ќе гарантираат промена во нивната работа преку измени во буџетот на организацијата - ќе им го зголеми буџетот за 75 милиони долари, за во иднина да не им се случи уште еден Сноуден.

Тоа што Пикард со Ентерпрајз го правеше за вселената, сега SeaOrbiter треба да го направи за океаните - да стигне до најнедостапните места на светските океани и таму да истражува.

По проблемите со алкохолот, кракот, другите дроги, курвите, неколку неделното присуство како главна тема на вестите во Канада, градоначалникот на Торонто меѓу своите граѓани има повисок рејтинг отколку што Обама има во САД.

Отприлика ова е периодот кога ќе почнат да излегуваат "Нај во 2013-та" листите по секакви основи. Една од првите е списокот на највирални реклами на годинава, а ја составува Unruly Media.

Пред неколку дена дел од Сан Франциско беше претворен во Готам, со цел да се исполни желбата на 5-годишниот Мајлс Скот (кој боледува од леукемија) цел еден ден да биде суперхерој. Откако мина еуфоријата, некој седна да направи математика колку чинеше правењето мерак.

На 28 проценти од британските корисници компаниите за електрична енергија им наплатиле поголеми сметки, и тоа во просек поголеми за 121 фунта.

Годишно профитот од продажба на крадени ремек дела е помал само од профитот што се прави од продажба на дрога. И оваа процена не е според "продажната цена" на уметничките дела објавена во медиумите.

На секои две години авто-индустријата го окупира Токио за да ја покаже својата визија за иднината. Годинава се одржа 43-от Токио Мотор Шоу. Се собраа сите и Јапонци, и Германци и Французи.

Се вика Ал Мајаса бин Хамад бин Калифа Ал Тан, има 30 години, одговорна е за музеите во Катар, минатата недела (според Њујорк пост) купи уметничко дело на Френсис Бејкон за 142 милиони долари, има баснословен буџет за трошење и сестра му е на Емирот од Катар.

Приказната е од еден јапонски фотограф, се случува во самиот центар на главниот град на Германија, а главни ликови се Роми кои тука се дојдени од Добрич, Бугарија.