Патниците на малезискиот лет MH370 постојат. Сигурно се на планетава, на опскурно парче земја, или длабоко на морското дно, или живи или мртви. Па сепак, во свет каде очекуваме дека секој може да биде лоциран во реално време, овие исчезнати 226 души изгледаат како да припаѓаат на сферата на фикцијата.

Уште еден пример како нeкои идеи се осудени на неуспех само затоа што се многу пред своето време.

Одлуката на хрватскиот суд се базира на аргументот дека правото на детето на здравје, е поголемо од правото на родителот на (погрешен) избор, пишува Вечерњи Лист.

Северна Кореја воведе нови правила според кои во иднина сите мажи ќе мора да носат еден единствен тип на фризура, од типот Ким Јонг Ун.

Опишувајќи ги Кримските Татари, кои се единствени жители на полуостровот кои не ја гледаат Русија како свој дом, во изминатите неколку недели најчесто се користи терминот "оригинални жители." Не многу правилно.

Во зависност од тоа колку време бил на печалба како мал, толку пати дедо ти ти ја има кажано тајната да се пензионираш како милионер - штеди од колку што е можно порано. Сега има и математика по која можеш да се водиш, ако не ти е јасно што зборел стариот.

Веста е дека Фејсбук за 2 милијарди долари го купува Окулус, стартап кој работи на очила за виртуелната реалност. За Окулус веста е дека сите овие пари ги направија речиси без вложување на еден долар.

Процедурата за додавање ја објаснува лексикограф на Мериам Вебстер, укажувајќи на тоа дека еден збор не станува официјален кога ќе влезе во речник, туку "официјалноста" е решена многу порано, бидејќи речникот е за запис на она што се случува во јазикот и зборовите кои се користат во него.

Студентка облечена крајно регуларно по египетски стандарди (високи фармерки, блуза, марама) минува низ Универзитетот на Каиро. Со секој чекор што го прави зад нејзе се зголемува чопорот мажи. Сета оваа реакција е предизвикана од бојата на блузата. Скроз непријатно и за гледање.

Шупци овде ги викаме оние што постојано си ја поганат устата, оние кои везден оговараат и оние кои нонстоп кенкаат и кукаат како нив им е тешко (оти на нас не ни е), каков станал народот (оти не го знаеме тоа) и дека вака никогаш не било (аха, да). Тие и такви се поздрави од сите други. 

Ако нема доволно дистанца од темата, вицот навредува. Ако има премногу дистанца, тој е досаден. Па како да се одреди вистинскиот тајминг за шалење? Како тоа, како? Да речеме, го знаете ли вицот за Кајмаковски?*

Компанијата најискрено сака да престанете да го користите ИксПе и за повеќе да не ве мисли подготвени се да учествуваат со 100 долари во следното купување на компјутер.

Околу целиот скандал со НСА сигурно е тоа што тие барем внимаваат фајловите од прислушувањето да им се достапни само на дел од луѓето со специјално безбедносно одобрение. Тоа што во американската администрација има вкупно 5,1 милион луѓе со вакви одобренија, го прави овој дел многу голем.

Не многу туку безобразно многу руски пари има во британската престолнина. Толкава количина не може да биде игнорирана кога се формулира политиката кон Путин.

Шкотска се подготвува за референдум по кој конечно ќе бидат башка - башка од Англија. Паралелно со ова и еден нивен автономен дел реши територијално да почне да се освестува па најверојатно и тие ќе бараат, нешто на границата со отцепување.

Цртаните на Дизни на кои се растени генерации деца се далечно ехо на приказните од фолклорот на европските народи, кои послужиле како основа за романтизираните верзии кои ги знаеме. Во нив има страшни, хорор детали, испеглани во име на политичката коректност и современата педагогија.

Најголемите производители на електричен алат (бормашини, електрични пили...) организирано избегнуваат воведување на нова заштита на машините што би спречила илјадници ампутации на прсти и слични повреди, тврди тужба вредна 10 милиони долари.

По паметните телефони, телевизори, часовници, фрижидери и автомобили, на ред дојде паметни да станат и сијалиците. Само ние луѓето глупави ќе си останеме.

Прво да се разбереме насловот не е предизвик. Второ ги знаеме ефектите и на едно и на другото, како дејствуваат сам по сам. Трето, научници веќе ја имаат пробано оваа варијанта.

Дилемата не е околу "добрите времиња," дилемата е дека тие добри времиња не се базирале на економија изградена на стабилна основа како што тоа сакаат да веруваат најголемиот дел од луѓето што живееле во овие добри времиња.

Она што е реално околу овие шоуа се главните ликови што ги гледате, кои навистина се такви карактери. Не се реални ситуациите во кои се наоѓаат и дел од текстот.

Како пандан на американскиот Пулицер, Европа пред две години ја воспоставува новинарската награда European Press Prize. Во конкуренција од 400 новинари, угледното жири годинешната награда му ја доделува на хрватскиот колумнист Борис Дежуловиќ, еден од ретките живи генијалци од просторите на екс Југославија. На вечните и помалку досадни теми на балканското живуркање, Дежуловиќ и во ова интервју има брилијантно свежи и отрезнувачки одговори. 

Папата Франциско за првпат во историјата на Ватикан формираше комисија која ќе го советува поглаварот за проблемите со сексуалното насилство. Половина од комисијата се жени, една од нив силувана од свештеник.

Германската канцеларка има една единствена фобија во животот: кучиња. Па за време на нејзината прва посета на рускиот претседател во 2006-та, тој и подари - куче. Ова не е од инает, туку Путин имаше за враќање.