Процената е дека СиЕнЕн со покривањето на исчезнувањето на авионот ги претвори вестите во теле-новела. Тука најголем проблем е што драмата на СиЕнЕн може и да не добие завршеток, ако не го откријат авионот.

Исланд има популација од 320.000 луѓе (нешто помалку од Карпош, Центар, Аеродром, Кисела Вода, Чаир и Бутел заедно), и до сега 8 пати го имаат освоено трофејот Најсилниот човек на светот. Повеќе од нив имаат само САД (популација 317,7 милиони) - вкупно 9.

Турција, поточно Ердоган, вчера вечерта одлучи да го блокира Твитер на државно ниво. Денес Гардијан објави дека од почетокот на забраната Турците имаат пуштено околу 2,5 милиони твитови, што е нов рекорд за земјата.

Помагањето на своите деца во пишување домашни и решавање задачи и постојана вклученост во активностите во училиштето е вообичаена појава која сите ја сметаат за пожелна и никој не гледа ништо спорно во тоа. Сè до последнава сериозна студија која вика: Немојте.   

Територииите останаа вечна тема на недоразбирања на овој свет. Крим не само што не е редок пример туку потсетува дека само десетина се тие земји на планетава кои не арчат енергија на оваа тема.  

На ниво на Билборд топ 100 хитови, "раскинување" е тема која има најконзистентна популарност, меѓутоа најголемиот дел од темите на најпопуларните песни не се емоционални туку најчесто ги отсликуваат случувањата во општеството.

Видео спотот на Дејвид Боуви Let's Dance лани наполни 30 години. Спотот сè уште добро се држи ама не и местото во кое е сниман. Една џенем австралиска локација на која сушата и други бељи им го има десеткувано населението, па не турист, туку оса не им влегува. Ама сега планираат да живнат малку, пак со помош на Боуви.

Бил и Мелинда Гејтс имаат доволно пари за секој од нивните 3 деца инстантно да ги направат милијардери, само планот им е тоа никогаш да не се случи.

Едно- две, некоја од религите низ светов ќе реши дека ѓаволот не се крие во деталите туку во сопствената рака. Имаме неколку урнебесни примери за кампањи со кои различни конфесии пробале да ги одвратат човека да го сака баш најближниот свој.

Откако Русија реши дека Крим е нивни, картографите од друштвото Национална географија треба да видат како да го претстават регионот, притоа да се фактографски точни ама и да не направат некој поголем меѓународен инцидент.

Кислород е сечиј пријател, освен ако не сте вино. Ништо не го убива виното како долг контакт со кислород во отворено шише. Овој гаџет ја боде тапата, го заменува кислородот со аргон, па можете само да го пробате виното и да решите дали му е време да се отвора или треба уште некое време да одлежи.

Во декември излезе студија која го објасни владеењето со различни вештини кај мажите и жените, со различниот начин на кој е поставено функционирањето на нивниот мозок. За студијата е карактеристично што ги има истите фалинки во методологијата како и сите претходни студии на оваа тема.

Во многу земји во светот (вклучително и во Африка), дебелина станува поголем проблем од гладот. Кога ќе се стави националната тежина во некои демографски колони, се добиваат чудни мостри. Овојпат, за тоа како парите обратно делуваат кај мажите и кај жените.

Сопственик на отпад за метал наидува на златно јајце, го проверува и открива дека може да го продаде за 13.000 долари. Не сме тука за 13.000 долари.

Ниту погреби со запалени бродови, ниту крвожедни воини, ништо од ова не е дел од историјата на Викинзите. "Како ретко кога нивата ера е период во кој победниците не ја пишуваат историјата, најмногу заради тоа што победниците не знаеле да пишуваат."

Замрзнување на целиот имот на руските лидери (Путин) во САД е една од санкциите што Американците и ги наметнаа на Русија во врска со Крим. Сега уште треба да го најдат.

Старо е една година, има златеникаво крзно и е од сортата тибетански мастиф, а продадено е во Кина на Саем за луксузни миленици.

Без разлика дали трчаш со меки патики удобни како да си врзал перничиња на стапалата, или трчаш со тврди патики со крут меѓуѓон, на крај исто ти се фаќа, ризикот од повреда е ист.

Ситуацијата е следна, приказната во серијата Игра на Тронови е стигната до втората половина од третата книга. До сега се напишани вкупно 5 книги, а за до крај на приказната фалат уште две. Последната книга е објавена во 2011-та.

"The Voice" е еден од талент натпреварите налик Икс-Фактор или Идол. За да учествуваш во него потпишуваш договор во кој единствено душата не ти ја бараат. Бонус, ако некому спомнеш што има во договорот, казната е околу 1 милион долари.

Луѓето имаат 4 основни емоции - среќа, тага, страв/изненадување и лутење/згрозеност. Маркетингот не лови по сите четири основи.

Од сите работни места кои ѝ недостасуваат, Грција има една професија на претек - фармацевти. Речиси дупло повеќе од која било друга држава на ЕУ. И на сите одлично им оди.

Она што досега беше само теориска претпоставка отсега има и цврсти докази, тврдат научниците од Харвард Смитсониан чии наоди за ширењето на космосот се оценуваат како спектакуларни и за кои веќе се резервира следниот Нобел.

Ќе видите една тазе видео снимка од американска судница. Човекот пред судијката изеде парче хартија и сега за тоа може да лежи затвор. Веста не е за хартијата ниту за прехрамбените навики на Американците туку за идеалите.