Пред една година во едно париско кафуле, 42-годишниот папарацо Себастијан Валиела во разговор со Ле Монд порачува: "ако некој успее да ги фотографира заедно Франсоа Оланд и Жули Гаје тоа ќе биде голема работа. Ама кој ќе се осмели да го објави тоа?" Една година подоцна тој е човекот што ја открива аферата.

Њујорк Тајмс објави список на нови болести со кои од сега па натаму ќе може да им се качувате на глава на пушачите. Меѓу нив - дијабетес, импотенција и рак на црниот дроб.

Заради ракот на дојка, Моли Ортвејн прави двојна мастектомија, по која има лузни на градите. Решава да направи и реконструкција на градите. Со ова почнува и приказната за студиото за тетоважи Персонал Инк.

Погледот на Долниот дом на францускиот парламент денес беше надграден со истурање купиште природно ѓубриво (а.к.а. измет од говеда) од фармер кој сака Оланд да си поднесе оставка.

Како дел од подготовките за своите предавања по психијатрија, универзитетски професор гледа околу 400 филмови со психопати и прави дијагноза на секој од филмските негативци. Резултат, едвај можеш да најдеш асолен психопат во филмовите.

На дводневниот референдум во Египет, огромно мнозинство го поддржа новиот устав на земјата. Со тоа убедливо го срушија актуелниот устав кој претходно го изгласаа, со огромно мнозинство.  

На почеток од годината британското кралско семејство го објавува списокот на официјални подароците што лани ги добиле. Според списоков далеку повеќе се исплати да си спонзоруша, него принцеза.

Актуелниот Понтиф вчера реши да отпушти четворица од петте кардинали кои Папата Бенедикт XVI-ти ги назначи за управување со Банката на Ватикан. Претходната постава беше избрана лани, за мандат од 5 години.

Замислете ја следнава сцена: Двајца пријатели вечераат во ресторан. Добиваат дојава дека жената на едниот, таму и таму, се кова со швалер. Упаѓаат во кола и со фото апарати одат да ја фатат во живо. Пријателите се викаат Френк Синатра и Џо ДиМаџио, таа е Мерилин Монро.

Во изминативе 2 години Гугл има купено повеќе компании за хардвер, софтвер и било што друго отколку Епл, Микрософт, Амазон, Фејсбук и Јаху заедно.

Вклучува рагби, фудбал, американски фудбал, бокс, ММА и борење грчко-римски стил, се играл пред 600 години а се игра и денес. По исти правила.

Иако добро му оди работата во ординацијата, докторот Џим Витерс од Питсбург добива идеја да почне да се преправа во бездомник. Причината, бездомниците не им веруваат на луѓе кои не се бездомници, туку вклучувајќи ги и докторите.

Овие четири програми моментално се најскапо платените реални шоуа во САД според платите што ги земаат нивните учесници. Единствено реално-шоу што им се меша во рангирањето со парите се Кардашијан.

Американскиот апелационен суд ја префрли слободата на интернетот во рацете на неколку супер моќни и супер лакоми компании. Провајдерите ќе можат да ги гузат корисниците како ќе им се ќефне.

Американците веќе не гинат од громови, од што во минатото беа масовно покосувани. Причината е едноставна и универзална: се напикаа селаните по градови.

За да не мора многу да збориме, а сепак да се разбереме, една компилација од мапи која би требало да ви разјасни некои работи околу Земјата.

Нова година е редовниот период за давање ветувања пред самиот себе кои никогаш нема да бидат исполнети. Дека прекршувањето на зборот не е толку лошо (а некогаш може да биде и фантастично добро) покажуваат сведоштва на неколку вегетаријанци кои решиле да се вратат кај месојадите.

Веројатно и не можеше повеќе да ја поедноставиме феноменалната работа што ја имаат создадено луѓето од Нест. Станува збор за компанија која произведува уреди за дома (како термостати и детектори за чад) кои се поврзани и се контролираат преку интернет.

Најк доби тужба од еден (сега веќе осуден) макро, затоа што на своите патики не ставиле предупредување дека повеќекратното шутирање луѓе со истите може да предизвика повреди.

Објаснувањето на учесничките на реалните шоуа на ЕмТиВи со трудни тинејџерки е дека тоа го прават за да покажат дека така не се почнува семејство. Излезе дека ова им успеало барем 20.000 пати.

Освен во крајпуташките балкански крчми каде што сè уште жилаво се држи, хармониката е во дефанзива уште од раните 60-ти години на минатиот век, кога ја убија Битлси и слични дрогераши со гитари. Но, во последно време повторно станува кул, а влегува и во рокенрол халата на славните.  

Откако на работа им умре 21-годишен приправник, Банката на Америка Мерил Линч воведе ново правило со кое бара од сите вработени на ниските нивоа да користат барем четири слободни дена од викенд месечно.

Од американската инвазија на Авганистан, 1-ви јануари во земјата не се слави како почеток на годината туку како официјален роденден на илјадници Авганистанци кои не знаат кога се родени.

Покривање на главата или лицето на јавни места се смета за битен знак на муслиманскиот идентитет на жените. Но, колку и колкава покриеност е прифатлива во различни муслимански држави?