Само што испратив четири бродови за Грција, и од тоа кај мене во џеб завршуваат 10 илјади долари, се фали Малик ал-Бехар (Кралот на бреговите) во интервјуто на Њу рипаблик, 38-годишниот Сириец кој господари со најголемиот ланец за шверц на Сиријци од Измир во Европа.

Од земја во која абортусот се уште е криминализиран, деновиве дојде веста за декриминализирање на дрогите и за отворање на соби за вшприцување (за хроничните зависници од хероин да не мора ова да го прават во нехигиенска околина и со валкани / користени игли).

Руските семејства веќе почнаа да ги идентификуваат остатоците од 224-те жртви од авионската несреќа над Египет. Египетските власти работат со Русите на истражување на црните кутии од авионите и во меѓувреме нема никакви дополнителни официјални информации. Тоа не значи и дека нема шпекулации по сите можни основи.

По неколку месечна пауза и борење со кечери, Џон Стујарт повторно се враќа на работа, ама овој пат во матичната куќа на Бил Маер и Џон Оливер. Почетниот договор е потпишан на 4 години.

Освен ако не се одржува на еколошки чисто ниво, воздухот што го дишеш во канцеларија го намалува капацитетот на твојот мозок за повеќе од половина. И ова е тестирано на луѓе со капацитет.

Една третина од американската јавност смета дека помошта за странство се движи меѓу 30 и 50 проценти од американскиот буџет. Точната бројка е 1% од буџетот, факт што според тамошни анкети го знае секој 20-ти испитаник.

Бранејќи ја својата политика за отвореност кон бегалците, германската кацеларка Ангела Меркел предупреди на формулата од која многумина сè повеќе страхуваат.

Американците во својот поход за освојување на "срцата и умовите" на Авганистанците, одлучуваат да изградат "бензинска" станица во Северен Авганистан. Комплетирањето на овој потфат проектирано е да чини меѓу 200 и 500 илјади долари. 3 години подоцна, проектот е готов, цената е 43 милиони долари.

Се лажат сите оние кои веруваат во брзо решавање на кризата со мигрантите од Сирија и други места. Тоа е проблем кој ќе мора да се носи цела  генерација, изјави италијанскиот министер за надворешни работи Паоло Џентилони.

Планот е Ирска е да го декриминализира поседувањето мали количества дрога, вклучувајќи хероин, кокаин и канабис, за лична употреба. Декриминализира не е еднакво на легализира.

Пред некое време ТВ готвачката Најџела Ловсон, го резимираше она што се случува околу храната во изминативе десетина години: "Можам да ви гарантирам дека тоа што луѓето годинава мислат дека е добро за нив, следната година нема да биде."

Медитацијата денес е мулти-милионски бизнис и панацеа за сите стресови на модерното живеење. Верата во неа некогаш е поголема од фактите кои ги дава науката а некои кругови се сомневаат и во самата идеја дека исклучувањето на мислите е демек добра работа. 

Симнување и споделување детска порнографија, транспорт на околу 170 килa марихуана во службено возило, и повеќекратно заканување со убиство, се дел од прекршоците од извештајот на Обединетите нации за вработените на Обединетите нации. Бонус: сето ова стигнале да го направат во рок од една година.

Откако телото на 4 годишниот Ајлан Курди минатиот месец беше откриено на турското крајбрежје, слична судбина ги има снајдено уште најмалку 70 бебиња, и ова според бројки на УНХЦР.

Како надополнување на досегашните воздушни напади, администрацијата на Обама се подготвува да испрати мал број специјалци на сириско тло. Под "мал број" подразбираат 20 до 30 специјалци.

По стотици илјади абортуси заради незадоволство од полот на бебето, и уште толку непризнаени и напуштени деца, Кина деновиве ги укина правилата за планирање на семејството (едно дете по семејство). Потег кој сериозно не им беше планиран на производителите на кондоми.

Како олицетворение на перцепцијата за европскиот социјализам, Шведска и Германија (посебно првата) постојано се наведуваат за светли примери на богати држави со високи даноци. Кога овие две фискално би се премериле со сојузните држави кои го сочинуваат САД, ништо не би било ни приближно така светло.

Донекаде слична приказна со познатата сказна на Ханс Кристијан Андерсен, со тоа што овде девојчето не замрзнува на улица.

За информацијата околу канцерогеноста на преработеното месо пишувавме тука, меѓу другото и дека според СЗО тоа е во групата 1 канцерогени, класификација која се базира на нашата сигурност дека нешто предизвикува рак, а не колку е веројатно дека ќе го предизвика. Во оваа група има 116 ставки.

По повод својот фин јубилеј, без-Временци организираа трибина на наведената тема. Се допираат речиси идентични проблеми на нашиве и топло препорачуваме да слушнете што имааат да кажат Теофил Панчиќ (Аферите се начин да се деполитизира политиката и сите да се бавиме со она што го занима малограѓанинот), Филип Шварм (монолитната власт се наоѓа во состојба на континуирана политичка кампања) и уметникот на репортажите Драган Тодоровиќ (Партизацијата оди низ целата општествена пирамида).

Општоприфатената логика во политичката наука (посебно по падот на СССР) е дека за диктатурата е неизбежно или да се демократизира или да стагнира. Ова во теорија важи и за Кина. Тоа што е општоприфатена, не значи и дека е точна.

Белградскиот неделник Време беше еден од ретките медиумски ѕвезди Северници во регионот во кој мечката се изнаигра, те пред туѓа те пред своја врата. Во времињата на секакво бесчестие беше задоволство да се биде од нивна и да се мезат текстовите на покоjните Стојан Церовиќ и Урош Комленовиќ, те на фала богу живите Милош Васиќ, Теофил Панчиќ, Љуба Живков, Драган Тодоровиќ, Драгољуб Жарковиќ, Кремер, Баздуљ, Басара.... Тие луѓе толку сме ги читале (а нешто и пренесувале на овие простори), што веќе не ни знаеме што е нивно а што наше. Деновиве наполниле 25 години и тоа го прославија како што ги личи, кратко и јебитачно. Оди па додај нешто паметно на ова:

Првиот човек на Фејсбук оди да разговара со студентите од Индискиот институт за технологија општо околу социјалната мрежа и нивното искуство со неа. Добар дел од разговорот го минува во правдање - да и мене ме вадат од такт нотификациите за игрици.

Во интервју за СиЕнЕн, Тони Блер признава дека чувствува одговорност за состојбата во Ирак во 2015-та, и за појавата на ИСИС. Одговорност со амандман дека не е само тој виновен за тоа, дека работите секако оделе во тој правец, ем ИСИС се појавил во Сирија а на е во Ирак.