Уредниците на онлајн-енциклопедијата одлучија да го исклучат Дејли мејл од списокот дозволени референци поради неговата „репутација за недоволно проверување факти, сензационализам и измислување“.

Во јуни 2014 сметководителот на едно американско казино открива дека неколку негови слот-машини на неколку дена излуделе и дале повеќе пари отколку што предвидува софтверот. Ова е проблем затоа што машините никогаш не излудуваат. Алармирано е обезбедувањето и прегледани се снимките од „дарежливите денови“, на кои единственото сомнително нешто е еден дечко што додека игра, цело време го држи смартфонот залепен за екранот на слот-машината.

Како да не беше доволен резилот и непроценливите штети што си ги направија со телефонот Галакси Ноут 7, кој се пали или експлодира поради грешки во батеријата. Сега им изгоре и фабриката во која се правеа тие батерии. Како тоа од што им изгоре?

Таман се навикнавме на идејата за необразованиот сиромашен американски белец и неговата неинформираност, кои доведоа до изборот на Трамп и слични глобални зла, и ќе ти излезе образована, богата, повеќекратна конгресменка, црнкиња, и ќе ти каже - треба импичмент на Трамп затоа што Путин ја нападна Кореја.

36-годишниот Михаил Толстих а.к.а. Гиви, еден од најпрепознатливите команданти на руските сепаратисти од Доњецк, утрово е убиен во атентат.

Организација за заштита на потрошувачите од Хамбург открива случаи кога разликата во цената на идентични машки и женски производи достигнала и до 200% (на штета на жените). Слична таква организација од Њујорк открива дека жените во просек плаќаат по 7% повисоки цени за идентичен производ како машкиот.

За да не биде дека балонот е создаден од начинот на кој медиумите пренесуваат за одреден настан, или дека за тоа се криви филтрите или алгоритмите на Фејсбук, Базфид анализира директен пренос на Фејсбук од обраќање на Трамп.

По речиси 20 дена непрестанати битки со медиумите портпаролот на американскиот претседател, Шон Спајсер, завршил на пеглање кај шефот за тоа како бил исмеан во еден скеч на Сатурдеј најт лајв во кој беше глумен од Мелиса Меккарти.

Руската академија на науки ја обележа хомеопатијата како здравствена опасност и сега бара од руското министерство за здравје да престане со користење хомеопатска медицина во државните болници низ земјата.

Доналд Дамб немал време да го прочита целиот извештај на неговиот наци-советник Стив Бенон пред да го послуша и да ги воведе рестрикциите за влез во земјата, но немал проблем натенане да прочита каталог од 17 страници за завеси, драперии и други битности.

Захер за Виена и за остатокот од благородниот свет е она што овде долго време беше Васина торта (пред човечката мрза да ја тронизира Нутелата), најраскошната убавина со која можете да го погалите своето непце. Иако приказната за Захер тортата е по малку горчлива, тоа на бечлии (ок, виенчанци) им донесе дупло (ок, двојно) благо.

Во расправа околу атеизмот и религијата Колбер го начекува Џервејс со: твоето потпирање на науката е само твоја верба во способноста на научниците. По ова следува една од најблескавите реплики во одбрана на атеизмот: науката постојано се докажува, земи запали ги сите книги за наука и за 1.000 години пак ќе дојдеш до истите факти. Но овој дел од изјавата на Џервејс е спорен, барем за луѓето што ја следат науката.

Американски судија му наредил на 19-годишен дечко да нема никаков секс, со никого, пред да се ожени. Ова му е дел од казната што силувал малолетничка.

По зборовите на основачот на Твитер, Биз Стоун, идејата, отсликана и во логото на Твитер, е дека сервисот ќе помага луѓето да се зближат. Како во недоволно добро прецизирана желба, ова им се оствари на основачите, луѓето почнаа да се собираат, ама на две спротивставени страни.

Пред некое време пишувавме дека од ноември годинава во пакет со позицијата Претседател на САД, заедно со Белата куќа и нуклеарните шифри доаѓа и непробоен (за хакирање) Андроид изработен од Боинг, а дополнително обезбеден од американската војска. На сметка на огромна нервоза на секоја можна безбедносна структура во САД Трамп одлучи да продолжи да го користи својот Самсунг смартфон.

Литванија гори од желба следната фабрика на Тесла да биде изградена на нивна земја. За да му го привлечат вниманието на Маск, создале виртуелна Тесла фабрика во играта Мајнкрафт. Да види човекот како убаво ја личи.

Преку 50% од вкупниот интернет-сообраќај во светот не го прават луѓе туку ботови. Како и кај луѓето, има добри и лоши ботови. Како и кај луѓето, повеќето се лоши. 

Гледањето порно доведува до групен секс, е еден од главните аргументи на законодавците на Вирџинија, кои разгледуваат резолуција со која порнографијата ќе биде прогласена за штетна и токсична.

Во Скопје порано копиљаци можеа да изиграат сервис на улица (до 21, молим лепо) без да ги прекине кола, или да се тргнат најмногу еднаш-двапати за да пројде возилото. Денес би гинеле и пред да дознаат кој ќе сервира. Британците имаат добар штос за враќање на старо Скопје. 

„Трамп ќе биде неправедно обвинет за катастрофата“ вели гуруто на американските либертаријанци Рон Пол кој предупредува дека САД и светот се пред уште една, досега најголема финансиска криза која е имплантирана уште во претходната.

Поранешниот норвешки премиер бил задржан на вашингтонскиот аеродром и испитуван од остроумните американски служби. Им станал сомнителен откако во пасошот виделе дека пред три години го има посетено Иран. Пасошот бил диплломатски. 

Канадскиот премиер ја изненади светската јавност кога на еден ден по нападот на џамијата во Квебек во кој загинаа 6, а ранети се 19 луѓе, случајот го карактеризираше како терористички напад. Ова е прва пат напад врз муслимани на Западот да биде наречен тероризам.

Пред кое било решение што ветува одржливост на системот на храна во светот да биде сфатено сериозно, треба да мине три прашања: дали пак купуваш од продавница, дали менува само неколку работи или скоро сè во твојата исхрана, дали ти дава изговор да не направиш сериозни промени во исхраната? „Да“ на кое било од овие прашања е знак дека решението е гола вода на граница со измама.

Мапа на европското иселеништво покажува дека Македонија е на врвот на земји во кои оние што се родиле таму, решиле да дигнат сидро. Босна, па Албанија па Македонија. А ние овде пак не наоѓаме слободно паркинг место.