Освен Дејли мејл, уредниците имале забелешка и за користењето на Раша тудеј и Фокс њуз, меѓутоа тие и понатаму остануваат во употреба.
Од Викимедија-фондацијата тврдат дека уредниците на англиската верзија го дискутирале користењето на Дејли мејл уште од почетокот на 2015.
„Врз основа на барањата во коментарите (на бордот за веродостојни извори), волонтерите-уредници на англиската Википедија дојдоа до консензус дека Дејли мејл 'генерално е неверодостоен и дека неговата употреба како референца генерално ќе биде забранета, посебно ако има повеќе доверливи извори'“, стои во соопштението од Викимедија-фондацијата.
Фондацијата побара од уредниците да прегледаат и да сменат околу 12.000 постојни референци во кои е наведен Дејли мејл.
