Од групата што моментално претендира да однесе човек до Марс (меѓу кои и Кина, Русија, Елон Маск...) најголема веројатност за успех има НАСА која планира тоа да го направи во следни 15 до 20 години. Една неодамнешна студија само го надополни постојниот список на проблеми околу проектот „човек на Марс“.

Бројката на Ујгури во Кина се движи меѓу 11 и 15 милиони луѓе (зависи кого прашаш), и за сега Обединетите нации и САД се главни критичари за начинот на кој Кина ги третира муслиманите во својата земја. Во исто време, стандардно гласните и (финансиски) активни муслимански земји низ светот се неми на темата.

Американските власти неодамна објавуваат дека во организирана акција заплениле дрога во вредност од 2 милиона долара. (Погледни наслов.)

Ако некој нема недостаток од загаден воздух тоа се Кинезите. Позитивна страна на вака несреќната околност е што можат пообемно да ги истражат последиците што живеењето во гнаса од градови го има врз огромни бројки од луѓе.

Професори од Оксфорд, Принстон, Лондон, Болоња, Загреб, Австралија и други места, како и писатели, поети, уметници, уредници, издавачи и други интелектуалци го ставија својот потпис на „Отворено писмо’ со аргументи против бизарниот преспански договор по кој треба да се викаме онака како што Грција прифатила да се викаме (ако се смилуваат доволен број грчки пратеници), а атрибутот "македонски" ќе биде ќе биде избришан од сите службени документи и од јавна употреба под закана од орвелијански санкции.  

Американската Администрација за храна и лекови (ФДА) откри „високи нивоа на микробна контаминација“ во производите на Кинг био наменети за луѓе и животни. Од компанијата објаснуваат дека повлекувањето го прават повеќе од атер на ФДА, отколку што нешто имало.

Регионален совет во Нов Зеланд размислува за воведување забрана за чување мачки, кои инаку претставуваат една од најголемите напасти за тамошните домородни животни.

Миленијалците како една од генерациите на кои и се припишува крахот на човековата цивилизација, истовремено е и генерацијата меѓу која има најмало мнозинство на луѓе кои се сигурни дека Земјата е округла.

Дури и ако по некои основи на нутриционизам ти е јасно дека кокосовото масло не е „чист отров“, до сега треба да ти е идентично јасно дека тоа е далеку од „суперхрана“, како и сè што до сега прогласија за „суперхрана“.

Новата над милион евра вредна туристичка атракција на Советот на министри на ЕУ, со наслов „Домот на земјите членки“, направена со цел зближување на ЕУ кон граѓаните и народот што го владее, нема да работи за викенди и празници, а ако сакаш да ја посетиш ќе треба да се најавиш 5 дена порано.

Трамп зборува американски. Тоа е она што не го разбираат неговите критичари. Тоа е она што не можат да го сфатат аналитичарите во телевизиските панели. Можете да кажете дека неговите фанови се идиоти и морони ама така и вие почнувате да зборувате американски.

Сообраќајните инциденти во кои учествувале возила со автономно управување покажуваат дека сиот тој напреден софтвер во нив сè уште не може да го контролира говедото зад воланот.

Русите за септември ја најавија најголемата воена вежба после завршувањето на Студената војна на која воени игри ќе симулуираат неверојатни  300.000 војници. Две дополнителни главоболки за Алијансата: 1) на руската вежба ќе учествуваат и Кинези 2) НАТО уште е без Македонија.

Над 100 вработени на Фејсбук кои себе се сметаат за политички конзервативци се организираат во внатрешна група со цел да се справат со „нетолерантната“ култура на компанијата кон поинакво политичко размислување.

Претерано тешките услови поврзани со пакетот за „спасување“ значи дека грчката финансиска трагедија може никогаш нема да заврши.

Докторите треба да препишуваат „играње на рецепта“ за да можат да се справат со дебелината и проблемите со менталното здравје кај децата, препорачува првиот човек на Канцеларијата на комесарот за деца на Англија.

Во крајно филмски исход на настаните, кинеската влада се смета за одговорна за грабежите на најразлични историски кинески артефакти од музеи низ Европа. П.С. тањирчето на сликата е продадено за 36 милиони долари.

Суштината на секоја од измамите е: почнува бесплатно (ќе се потпишеш, ќе добиеш нешто гратис), завршува со тоа дека треба да дадеш пари. И ова функционира без разлика дали си во Рим, Прага или Париз.

Пол Фларт не е ниту фотограф, ниту дизајнер, ниту инфлуенсер, „паблик фигур“, експерт за здрава-органска-нонГМО-веган-raw храна или травел блогер. Фларт работи обезбедување, она лежерното, не вратарско. Барем работеше додека неговиот Инстаграм профил не се популаризираше, а тој заврши избркан од работа.

Прво твит (кој според многу сомнителни извори е напишан во многу несвесна состојба), па писмо за објаснување на твитот, па муабети за пари од Саудијци, за на крај целата работа со повлекување на Тесла од берзата да заврши со соопштение од Илон Маск во петок навечер дека компанијата останува на берза.

Дата, вештачка интелигенција и интернет надзор се трите столба кои ќе ја остварат дамнешната желба на секој империјален и современ кинески владетел - како да знаеш сè за јавноста без притоа истата таа се напне дека ја следиш и прислушуваш.

Како што ќе каже една снајперски прецизна опсервација - како тоа сите се слаби во спотовите од 80-ти, без разлика дал екс-ју, дал странски?

За да нема мистерии и недоразбирања, неколку технолошки гиганти уште од сега го објавија ценовникот за лиценцирање на 5Г технологијата што ќе треба да ја користат следните генерации на смартфони.

Руски он-лајн тролови развија локално меме во центарот на кое ни крив ни должен се најде Илон Маск, на кого му ги претставуваат некои од врвните достигнувања на русштината, и како тој се чувствува околу уникатниот изум.