Ракетниот напад на САД, Франција и Велика Британија бил двојно поамбициозен од оној ланскиот но сепак, не онака габаритен како што најавуваше Трамп. Велат дека нападот бил еднократен и дека е завршен.

Жени вработени во ЕИГЕ пријавиле сексуално малтретирање од своите, најчесто постари, колеги, а неретко и од шефовите. ЕИГЕ (Европски институт за рамноправност на половите) е агенцијата на ЕУ која требаше да спречи вакви работи.

Александар Вучиќ е радо виден гостин во Берлин. Се разбира, во Германија не го гледаме како додека мафта со рацете им се дере на министри и новинари, туку како говори смирено, со споени прсти, прекумерно заблагодарувајќи ѝ се на Ангела Меркел за сè и сешто. Целиот нивен однос, меѓутоа, може да се сведе на едно: Косово.

Моментално германската војска води над 400 истраги за случаи на крајно десничарски инциденти меѓу своите припадници.

„Мартин Лутер Кинг помладиот беше вистински радикал чие наследство не смее да се стерилизира“, пишува по повод 50 годишнината од неговата смрт влијателниот професор (Харвард, Принстон) Корнел Вест. Според него, да беше МЛК жив, неговите зборови најмногу ќе ги шамараа фановите кои денес напразно ги повторуваат неговите мантри. 

Цели седум децении по завршувањето на Втората светска војна, човештовото се потсетува и си два задача „никогаш да не се заборави“ систематското бришење цели народи во нацистичките логори на смртта. Е па, се заборава.

Јагодите трета година по ред се на прво место на листата Дванесетмината валкани, во просек со траги од 10 пестициди по примерок. Рекордер меѓу јагодите бил примерок со траги од 22 различни пестициди.

„Во првата сериозна исток-запад криза после Студената војна, доведени сме во ситуација да се надеваме во руската, а не во американската трпеливост и разум. Тоа е морничава перпектива“, пишува колумнист на Гардијан.

Како што Закерберг махерски ги затвори сослушувањата пред американските законодавци, така вредноста на Фејсбук инстантно пркна на американската берза.

Парламентарниот спикер Џон Бенер до пред само пар години беше еден од највлијателните американски политичари. Огромен дел од таа влијателност користеше за борба против легализација на марихуаната благодарејќи на што стотици илјади луѓе завршуваа по затвори. Денес Бенер не е во политиката. Во бизнисот со марихуана е.

Како синдикатите најавија, така низ Германија почнаа да секнуваат јавните сервиси, па низ земјата работат привремено ја прекинаа комуналните компании, јавниот превоз, градинки и институции како завод за вработување, и веројатно најболното од сè - аеродромите.

На луѓето од градот Флинт во Мичиген од чешма им доаѓа вода којашто не сакаат да ја пипнат, до толку што дури и се бањаат со флаширана вода. Во нивна близина водата ја вади од земја и им ја флашира компанијата Нестле. И за тоа годишно плаќа - 200 долари.

Ново истражување на истополови парови во американската сојузна држава Масачусетс покажува „распространето верување дека откако го стекнале правото на брак (заедницата) има се помалку потреба да се организира за права и прифатеност.“

Бидејќи со Трамп никогаш не си на чисто кога е сериозен а кога се чалами со твитови, на клучното прашање за светскиот мир во овој момент, колку САД навистина мислат да се ангажираат во Сирија, некои обриси на одговорот дава воениот буџет на Америка. Не е дека нема пари.  

Во најновото поглавие од масовната показна вежба по приватност за Зукерберг, фотографите не му простија на основачот на Фејсбук што заборави да ја затвори папката со документи.

Финансиски е подобро да убиеш осомничен отколку да го осакатиш, објаснува шерифот на округот Керн во Калифорнија. Во останатите вести, округот Керн има највисока стапка на убиства од полицајци во цел САД.

Во исто време додека објавува видео од израелски снајпер како застрелува невооружен човек, Гардијан пишува и за „судири“ меѓу Израел и Палестина. Проблемот со терминологијата е што „судир“ предвидува спротивставени страни кои горе-долу се рамноправни по својата моќ, што во ситуацијава никако не е точно.

Зукерберг на спарингот со американските сенатори дојде добро навежбан и обучен се што и како треба да каже (наводно во подготовките минал и цело 4-часовно сослушување) околу сите работи кои со право или без му ги припишуваат на Фејсбук. Иако најголемиот дел од одговорите му беа по скрипта, имаше и доста ексклузивни новини во неговото сведочење.

За новото риалити шоу телевизиската мрежа ќе проверува колку го бива еден милијардер испраќајќи ги во непознат град каде треба за 90 дена од нула да изградат компанија вредна милион долари.

Од сега како емпириски докажан факт стои дека миењето садови предизвикува повеќе проблеми во врска отколку која било работа што треба да се заврши по дома.

На 9-ти април 2003 американските новински мрежи ги прекинаа своите редовни програми за директно да вклучат пренос од багдадскиот плоштад Фирдос, каде мешана група од локални Ирачани и американски војници во цивилка ја соборија огромната статуа на Садам Хусеин.

За да ги премости сите можни недоразбирања и препреки во ширење на пораката, Кина одлучи својата решителност околу посветеноста на обновлива енергија да ја покаже со пари.

Ново истражување испитува микроби за да утврди дали сушачите за раце додека се активни ги вшмукуваат потенцијално заразните микроби од тоалетот и потоа ги шират насекаде и врз сè. Излезе дека - да.

Во 2003-та, една година пред основањето на Фејсбук, сајт по име Фејсмеш без дозвола ги собира сликите на студентите од интранетот на Харвард, па потоа на корисниците им нуди да ги рангираат по убавина. Ова јасно предизвикува гнев, по што сопственикот на сајтот брзо пушта извинување во кое нагласува дека не планирал ништо лошо „дефинитивно сега разбирам како моите намери може да бидат перципирани во погрешно светло.“ Сопственик на сајтот е тогаш 19-годишниот Зукерберг.