Со богатство што се приближува до 1 билион долари, Илон Маск ако сака може да купи повеќе од 10.000 палати, и тоа од поскапите. Но, тој дал имот под хипотека за да добие кредит за да купи нови недвижности. Истото го прават и Марк Закерберг и други американски милијардери. Позајмувањето не им врзува пари, а ги ослободува од даноци.

На улиците низ Франција има повеќе од 1 милион автомобили со лажни регистрации - украдени коли или без задолжителни технички прегледи, откри национална ревизија. Фантомски бироа удирале печати за да легализираат возила за криминалци или примале мито, со што ја оштетиле државата за половина милијарда евра. Ризикот за безбедноста на возачите и пешаците.

Во океанот близу брегот на Бостон биле истурени 65.000 литри хемикалии, не од индустриска катастрофа, туку како геоинженерски експеримент за да забави глобалното затоплување. Последиците врз морскиот живот се уште не се познати. Дури и ако експериментот успее, ќе мора да се истураат милијарди тони хемикалии за да се постигне некаков ефект.

Документи од досието Епстин откриваат дека финансиерот не се занимавал само со местење девојки и организирање оргии за луѓе од елитата, туку преку „свои луѓе“ имал влијание врз одлуки на Конгресот за финансирање научни проекти. Во една преписка се пофалил дека го уништил револуционерниот проект на Стенли Понс за евтина и чиста енергија од ладна фузија.

САД забрзано тонат во должничка спирала. Од почетокот на буџетската година во октомври, федералниот дефицит на САД се зголемил за 1.000 милијарди долари. Само во февруари владата позајмила 308 милијарди долари, предупредува Канцеларијата за буџет. На ова се надоврзува и цената на војната против Иран, која цица по 1 милијарда секој ден.

Британската влада на Кир Стармер сè повеќе се одвојува од реалноста. Додека во Британија за само една недела се случија низ инциденти со слична мотивација (4 мажи уапсени за шпионирање лондонски Евреи, напад на ирански дисиденти пред исламски центар во центарот на Лондон, извикување „Смрт за Израел!“ во Вајтхол...), владата работела на - нова дефиниција. 

Кина, земја со 1,4 милијарда жители воведува „заеднички“ национален идентитет и му дава приоритет на мандаринскиот јазик. Критичарите тоа го сметаат за обид за асимилација на 55-те етнички групи. Пекинг тврди дека идентитетот на малцинствата не е загрозен. Интеграцијата промовирана преку образованието и културата е неопходна заради понатамошен развој.

Со задоволство го преземаме насловот од Newrepublic од статијата што објаснува како главните преговарачи го убедиле Трамп за „нуклеарната закана“ од Иран. Кушнер и Виткоф, кои немаат поим од нуклеарна технологија, на преговорите настапиле како експерти и заклучиле дека Иран складирал критично количество збогатен ураниум во реактор за цивилни цели, изграден од САД.

Без заемот од ЕУ, државната каса на Украина наскоро ќе остане празна. Европската Унија најде алтернативен начин како да му достави пари на Киев да издржи барем до мај, со голема надеж дека Орбан тогаш повеќе нема да биде премиер на Унгарија, или дека ќе омекне ако победи на изборите. Заканата за блокада од словачкиот премиер Фицо се смета за „помала пречка“.

Животот во Газа ни приближно не е вратен во некаква нормалност. Тие што преживеаа останаа во пустошот од кратери, урнатини и напуштени возила. Ретки се улиците кои се проодни со кола и тоа не е само техничко прашање: родители со часови ги носат децата на лекар. Во таква присилна неподвижност, луѓето ги планираат своите денови проценувајќи колку дента ќе им држат нозете. 

Мала е ползата од проектилите и бомбите, колку и да се „паметни“, ако противникот во војната ги прикрие координатите на подвижните цели. Но иранско-американската пресметка за попречување на електронските сигнали во Персискиот Залив го зголемува ризикот од судари на бродовите, кои без прецизни податоци од GPS системите практично пловат на слепо.

Кога Урсула фон дер Лајен го објави Европскиот зелен договор, тоj звучеше како индустриска и технолошка преродба на континентот преку климатска политика. Резултатите се отрезнувачки. Ветената зелена обнова на европската економија не се оствари. Беше блокирана од Брисел - со премногу правила, прескапа енергија и премалку пари.

Помина времето кога Русија беше принудена да ѝ продава нафта на Индија по повластени цени, сè додека тоа му одговараше на Њу Делхи. Сега, кога Индија поради војната во Иран остана без 2,5 милиони барели на ден, ќе мора повторно да купува руска нафта, ама по нови цени. „Нафтата повеќе не е пријателство. Сега е бизнис“, му порача Путин на премиерот Моди.

Зад кујнските врати на ресторанот со три Мишелин ѕвездички Нома, готвачите трпеле физички и психички терор од Рене Реџепи. Светски прочуениот шеф со македонско потекло ги терал практикантите бесплатно да работат по 16 часа на ден, а готвачите ги изложувал на јавни понижувања, ги удирал и ги боцкал за најмала грешка или од бизарни лични каприци.

Војната, она што на повеќето луѓе им носи страв и неизвесност, на Рон Хабард (нема врска со основачот на Скиентологијата) му носи прилика да трие раце. 63-годишниот Тексашанец гради бункери дизајнирани да се преживеат напади со дронови, балистички ракети па и нуклеарен Армагедон. Нарачки направиле и двајца домаќини луѓе од најблиското опкружување на американскиот претседател. 

Верски фанатици со високи чинови ја промовираат операцијата Епски бес како војна што има корени во пророштва од Библијата. Од подофицерите барале да им пренесат на војниците дека претседателот Доналд Трамп бил „помазан од Исус да го запали сигналниот оган во Иран за да предизвика Армагедон и да го означи Неговото враќање на Земјата“.

Во неделата сонцето буквално не изгреало во Техеран. Откако во израелски воздушни напади беа погодени три големи складишта на гориво, градот со 10 милиони жители бил обвиткан во пламен, црн чад и облаци од кисел дожд. Властите ги повикаа граѓаните да не излегуваат на отворено дури ни кога ќе се разведри, сè додека не испари токсичниот талог.

Зошто ја почна војната? Која е целта? Како ќе заврши? Една недела откако ја почна операцијата Епски бес, Доналд Трамп сè уште нема кохерентен одговор на кое било од трите клучни прашања за војувањето. Но, сите разузнавачки информации сугерираат дека САД не можат да наметнат една од проектираните цели: промена на режимот во Иран.

Во крајно незгодно време - додека беснее војната во Иран, а онаа во Украина никако да запре, Министерството за одбрана на Британија издвои време и пари за да спроведе анкета меѓу војниците: „Дали сакате да се шминкате и да лакирате нокти?“. Не само за жените, туку и за мажите, согласно родовата идеологија за унифицирање на војската.

Долго време ветената земја за луѓето од овој регион полека ја губи својата привлечност. Истражување на германското министерство за труд покажува дека сè повеќе работници од ЕУ решаваат да ја напуштат земјата по неколку години работа, што го усложнува сериозниот проблем со хроничниот недостиг на работници. И тие што доаѓаат во Германија од другите земји на ЕУ, не планираат да останат долгорочно.

Светот е во паника откако блокадата на Ормускиот теснец ја крена цената на нафтата на рекордно ниво. Но, милионите луѓе во пустинските држави од Заливот не пијат нафта и жедни се за вода. Уште пред да почне војната тие веќе беа погодени од повеќегодишна суша, а сега почнаа меѓусебно да си ги гаѓаат центрите за десалинизација на морска вода.

Американците ќе го плаќаат цехот на царините на Трамп дури и откако Врховниот суд пресуди дека се нелегални. Со неизвршување на судската одлука, Министерството за финансии всушност се обврза да плаќа непотребни камати на приходи од 175 милијарди долари. Ако процесот се оддолжи до крајот на мандатот на Трамп, само на камати ќе мора да плати 25 милијарди долари.

САД и Израел го следат либискиот модел со Иран: уништување и обезглавување на нацијата, а потоа оставање народот да ги собира парчињата и да се справи со целиот хаос, беззаконие и секташки конфликти. Имаат намера да турнат нација од 90 милиони луѓе во масовни судири и потенцијален колапс и балканизација, а потоа лежерно да се оддалечат од урнатините во ладна рамнодушност.