Пред да биде укината од Доналд Трамп, агенцијата УСАИД мошне веројатно била вклучена во тестирање на фармацевтски производи врз Украинци, тврди генерал во Министерството за одбрана на Русија. Тоа не е никакво спектакуларно откритие на руските служби. Генералот само сумира официјални изјави на американски функционери и експерти за американски медиуми.

Новата европска генерација на социјалните медиуми изразува огромна европска солидарност несвојствена за Брисел. Оние што израснале во време на тероризам, имиграција и немоќ се заситени од ЕУ како клуб во кој 27 членки се расправаат за сè и сешто. Копнеат за иднина во која Европа ќе биде суперсила на ниво на Кина или САД, само помудра и покултурна.

Африканските шуми и дрвенестите савани долго биле стандарден апсорбер на јаглерод, земајќи го атмосферскиот и складирајќи го како биомаса. Но, меѓу 2010 и 2017 година ситуацијата се менува  кога се случува критичен премин на тие шуми од апсорбер во извор на јаглерод. На Запад не му се допаѓа тоа што Африка сè повеќе користи фосилни горива, ко тие да станаа развиени со помош на ветерници. 

„Просто е, тие имаат нафта а ние ја сакаме,“ лапидарно и ефикасно ги објасни причините за американското острење заби за Венецуела професорот Џефри Сакс. Им го паркираа најголемиот носач на авиони, уништуваат рибарски бродови, запленуваат танкери. Сето тоа со наратив за борба против дрогата иако американските федерални податоци покажуваат дека Венецуела не е значаен извор на наркотици што влегуваат во САД.

Се проценува дека 30 до 40 милиони луѓе во светов користат инјекции за губење тежина. Никој од нив не жали за изгубените килограми, само што, добар дел од нив е мускулна маса. А губењето на толкави количини мускулна маса може да биде еквивалентна на предвремено старење на телото од десет години.  

За прв пат после 25 години, се предвидува дека стапките на смртност кај децата од болести што може да се спречат ќе се зголемат. Претходните 25 години стапките постојано се намалуваа. Парите за глобалното здравје се драстично скратени а многу од побогатите земји сега имаат други приоритети, главно да се спремаат за војна и да праќаат деца да гинат.

Судиите и обвинителите во Меѓународниот кривичен суд се обидуваат да живеат и да работат под истите американски финансиски и патни ограничувања што беа воведени за рускиот претседател Владимир Путин и Осама бин Ладен. Осакатени им се најнормални финансиски услуги, картички им се блокираат, меилови укинуваат, електронски книги им исчезнуваат па дури и Алекса на Амазон ги игнорира.

Велика Британија, земјата која се накрцка со илегалци а за нас („стратешкиот партнер“) уште го држи ригорозниот режим на визи (уште да бараат дете под хипотека да ставиш) му одобрила дозвола за престој на авганистански илегален мигрант кој на прашањата колку години има и од каде поточно доаѓа, со години им викал не знам и не се сеќавам. Тоа им го рекол во 158 наврати. 

Во очајнички обид да го спречат намалувањето на населението што ја оптоварува економијата, кинеските власти од идната година воведуваат данок за контрацептивни средства. Критичари укажуваат дека тоа нема да придонесе за повеќе деца во семејствата, туку може да поттикне забрзано ширење заразни болести и повеќе абортуси. 

Ново истражување од Универзитетот Стенфорд објаснува како вакцините со мРНК во првите денови по инјектирањето може да предизвикаат претерано бурна реакција на имунолошкиот систем, која предизвикува воспаление на срцето (миокардитис) и на неговата обвивка (перикардитис). На овој ризик најмногу се изложени мажите помлади од 30 години.

Европската полиција разгледува екстремни дистописки сценарија на улични пресметки на луѓе и роботи веќе во следните десет години. Полициските роботи би биле вклучени во патроли за да ги заштитат луѓето од други роботи, управувани од криминалци и терористи. Се предупредува и дека мала промена во кодот на машината може да претвори заштитник во машина за убивање.

Под притисок од Германија и од Италија, Европската комисија прифатила да се откаже од забрана за продажба на нови автомобили со мотори со внатрешно согорување, која требаше да стапи на сила во 2035 година. Наместо целосна забрана, ќе биде оставено минимално ниво за испуштање издувни гасови, што може да ѝ помогне на автомобилската индустрија да остане конкурентна.

Откако пред повеќе од еден век Карл Ландштајнер ги откри крвните групи, општо познати се вкупно осум – четири позитивни и негативни, во системот ABО. До денес, науката откри многу повеќе. Дефинирани се 49 различни. Најновата е една од најретките. Изолирана е во крводарителска клиника во Тајланд и досега е потврдена кај само тројца луѓе на планетата. 

Од април идната година Узбекистанците повеќе нема да можат да плаќаат со готовина за владините услуги, комуналиите, недвижнините и новите возила и машини. Банкарските картички ќе бидат задолжителни за сите производи поскапи од 2.000 долари. Целта на иницијативата е да се спречи сивата економија и да се засилат транспарентноста и одговорноста.

Се проценува дека луѓето внесуваат микропластика еквивалент на една кредитна картичка неделно. Не-дел-но! Таа доаѓа од разни извори кои се познати но и од еден кој го сметаме за наш главен еко одговор на сеприсутната платика. Нејзиното рециклирање. Тој процес, само во Америка може да наполни 29.000 камион микропластика годишно.

Терористичката група Хамас не дозволувала пратките со храна да стасаат до децата во Газа за да гладуваат уште повеќе, да се влоши сликата за хуманитарната криза пред очите на светската јавност и да се засили притисокот врз Израелците. Палестински активист објави снимка од магацините во кои терористичката група криела тони храна за бебиња.

Странците што доаѓаат во САД без визи ќе мора да ја прикажат речиси целата своја дигитална историја – активностите на социјалните мрежи во изминатите пет години, телефонските контакти, имејл адресите, отпечатоци од прсти, биометриски податоци за ликот, ДНК и ирисот. Ќе се бараат дури и основните податоци за членовите на семејството.

Европската Унија едвај успеа да обезбеди единство за да забрани увоз на руски гас, наводно за да го остави Путин без приходи за војната, ама за да се прехранат европските земји ѝ плаќаат на Русија милијарди евра за азотно ѓубриво, кое го увезуваат дури и повеќе отколку пред војната. Да биде иронијата уште поголема, азотното ѓубриво се прави со гас, кој Русија сега го има вишок.

Советот на Европа во Стразбур ја прифати колективната иницијатива од сите 46 членки да се променат толкувањето и примената на Европската конвенција за човекови права, за да не им служи повеќе на нелегални мигранти осудени за криминал да се извлечат од депортација. Приоритет на владите е да ја гарантираат безбедноста на сопствените граѓани.

Не траеше долго авантурата на големите нафтени компании со водородот како алтернативен извор на чиста енергија. Сега масовно ги откажуваат проектите за енергетски централи. Градењето инфраструктура и производството на чист водород е скапо. Поевтино им е да ги прежалат вложените милијарди отколку да инвестираат во гориво за кое нема пазар.

Токсичната студија во која се тврдеше дека глифосатот „не е ризичен за здравјето на луѓето“ официјално е повлечена, откако во изминатите 25 години беше цитирана во 800 други трудови. Била нарачана од трујачот Монсанто заради промоција на канцерогениот хербицид Roundup. За да заштеди пари, Монсанто ја напишал содржината и им ја дал на избрани автори да ја потпишат. 

Најмалку 197 деца во 14 земји биле зачнати со сперма од дански донатор со ретка генетска мутација, која наследно го зголемува ризикот од рак. Сите деца ја наследиле мутацијата, а некои веќе починале. Европската банка за сперма им изрази „најдлабоко сочувство“ на засегнатите семејства и признава дека не смеела да дозволи да се направат премногу бебиња од ист донатор.

Од денес, за австралиските деца и тинејџери ќе биде нелегално да користат социјални медиуми. Нема да имаат Инстаграм, Фејсбук, Снепчет или ТикТок ако се помали од 16 години. Ене ги, се затрчаа надвор да играат ластик и долга магарица, како некогаш нивните родители. Не оди тоа баш така.

Западните сојузници со години ја толерираа корупцијата во Украина како „нужно зло“ поради војната. Трпението заврши. Дури и Њујорк тајмс, кој гласно ја бранеше воената поддршка од САД за Киев, објаснува како кругот околу Зеленски ги саботирал механизмите за надзор на стотиците милиони за украинскиот нуклеарен сектор, енергетската мрежа и армиските набавки.