Стримингот (Спотифај, Епл мјузик, Амазон мјузик, Тајдл) е недопирлив, винилот бележи раст на продажбата од 8% достигнувајќи го највисокото ниво од 1988, а продажбата на ЦД-а е падната за 34%.

Во време на сталинизмот, оние кои се беа огрешиле, беа бришени од фотографии, од учебници и од архиви, за да се закопа секој спомен на нив. Денес тоа се вика „култура на откажување“ (cancel culture), што е јавен притисок за културен и институционален бојкот на познати лица кои се огрешиле. Ахам, за да се закопа секој спомен на нив. Она што на нашки би се рекло „тој човек за мене веќе не постои“. Само што, постои, постои.

Норвешка си зададе цел до 2040 сите домашни летови да бидат со електрични авиони и, да не биде ова обесхрабрувачки сфатено за нашата галопирачка имплементација на нови технологии, тоа е правецот во кој целата индустрија треба да се движи.

Една од најголемите и најстарите американски нео-нацистички групи во иднина ќе биде раководена од 54-годишниот Џејмс Харт Стерн, човек на кого ова не му е прва расистичка организација што ја земал под свое. Претходната ја растури.

Планот на владејачката Шкотската национална партија е дека Шкотска ќе треба да создаде сопствена валута во рок од неколку години по напуштањето на Британија. И овој план, барем на прва не мина лошо.

До сега околу 350 мигранти се стигнати од Венецуела во Унгарија, а уште 750 чекаат да се качат на авион од Каракас до Будимпешта.

Земјоделци во Индија се принудени да организираат деноноќни стражи на своите плантажи со афион. Не заради луѓе туку заради папагали. Птичурините ги сконтале ефектите од билката и не можат да се нафтасаат. Кај и да е, ќе почнат пити да прават.  

На хемискиот концерн кој пред некое време беше купен од германски Баер не му е првпат да седнува на обвинителна клупа. Но овојпат случајот е битен бидејќи може да се користи како правен преседан кој ќе ослободи лавина од 9.300 тужби.

Говорејќи на годишниот состанок по Оскарите, како гувернер на Академијата за филмски уметности и како Спилберг, режисерот се отворил против давањето Оскари за филмовите кои доаѓаат од стриминг сервисите (Нетфликс, Амазон прајм и сл.).

Бегалците од Јемен сместени во кампот во Џибути финансиран од Саудиска Арабија (од чие бомбардирање луѓето воопшто бегаат од Јемен) би сакале да спомнат дека животот во африканскиот камп е неподнослив од мај па натаму. И тоа поплаката е од луѓе кои знаат што е топло.

Во исто време кога на анкетите се уште е најпопуларниот политичар во Германија, Меркел е најмалку посакуваниот багаж што нејзини сопартијци би сакале да го имаат покрај себе за време на кампањата за годинешните избори како за Европски парламент, така и за локално.

Сè почнува со желба за оддалечување од меинстрим културата, а се завршува со контра-интуитивниот феномен во кој сите луѓе што се против меинстрим културата на крај си личат еден на друг.

Плановите за викендашко надополнување на дефицитот отспиени часови можат само сметководствено да завршат работа па на крај на недела да имате доволен број часови во сон, ама од тоа нема вистински ќар.

За првпат во историјата на Израел, актуелен премиер е кривично гонет за поткуп (пријави комада еден) и измама и злоупотреба на функцијата (комада два).

Двете земји стандардно имаат препукувања преку фронтовската линија во Кашмир, артилериски баражи, а има и случаи кога едната или другата армија наредува јуриш на противничките позиции, меѓутоа од крајот на 1990-те, ниту една страна се немаше осудено да испрати авиони преку границата. Што беше пресудно на крајот од 1990-те? И двете држави тестираа нуклеарно оружје.

Доколку брегзит сапуницата заврши без договор, ЕУ ќе застане зад Шпанија во однос на еден спор што земјата го има со Британија околу Гибралтар. ЕУ не се заканува, само кажува.

Шокантната приказна за Момо, грозниот лик кој ненадејно се појавува во бенигни видеа за деца и ги тера да прават ужасни работи, да се повредуваат и слично е - патка. Слични работи постојат ама не се со Момо. Но, тоа и не е главниот проблем на Јутјуб кидс. Главниот проблем е што е тоа еден јако заглупувачки канал.

Отприлика колку што на тебе ти треба за да најдеш што да симнеш од торент или да гледаш на Нетфликс, толку му треба на просечниот руски хакер да влезе во нечија компјутерска мрежа.

13-годишно дете со тип-1 дијабетес умира откако неговите родители го носат на хербалист (тревкар), кој му го укинува инсулинот и му препишува масло од лаванда што родителите требало да му го мачкаат по 'рбетот. Наодот на судскиот вештак покажува дека детето ќе останело живо ако добиело соодветна докторска нега.

Дозволата за купување автомобил важи за сите жители на градот, богати, сиромашни, какви и да се, а се добива преку пријавување на лотарија за делење дозволи. Моментално има околу 2.000 кандидати за 1 дозвола.

Пред некое време Фејсбук потсети дека полни 15 години, а луѓето што го користат од почеток се потсетија дека за ова време минаа цела лепеза на чувства кон социјалната мрежа од првичната затресканост во нејзе до сегашната омраза и презир за нејзината штетност.

Полигон за пукање во близина на Ливерпул решава да ја збогати својата понуда на мети, додавајќи на нив слика од главата на Шамима Бегум, британската ИСИС невеста.

Сарајлија од татко Хрват и мајка Србинка, во француски хотел, на новинар на британски Гардијан му ја објаснува магијата на ромската музика. Може ли тоа? Може, што не би можело?

Веќе следната година би можеле да бидат воведени револуционерни промени во европскиот сообраќај. Се предвидуваат задолжителни цртни кутии, звучни предупредувања за пречекорување на брзината, системи за автоматско кочење и детекција на пешаци и велосипедисти. Сам да не си правиш технички преглед, таа лекција им нема влезено во радар.