Летово парот продуценти одговорен за Игра на тронови заедно со своите семејства беа на летување во Италија, семејствата да одморат, а овие двајца за да се видат со Џорџ Лукас и да разговараат со него за трилогијата филмови Ѕвездени војни што треба да ги снимаат. Во понеделникот, двајцата објавија дека го напуштаат проектот.

Нови студии покажуваат дека штетата од сипаниците трае многу подолго од самата болест. После сипаници, организмот останува со многу слаб спектар заштитни клетки и пребришана имуно-меморија за претходните болести, со што имунолошката кондиција на децата се враќа во бебешка фаза.

Рускиот претседател бил „исполнителен, дисциплиниран и совесен“ како шпион ка КГБ, покажува неодамна декласификувана работна проценка од некогашната советска тајна служба.

И археолошкиот локалитет Чичен Ица во Мексико e во опасност да го изгуби специјалниот статус од УНЕСКО. Заради тезги со сувенири и дрангулии. Слично како Охрид, 30 години не можат да го решат проблемот.

Измените што ги правиш на местото на кое работиш во форма на апгрејд на столицата или бирото, имаат малку или воопшто немаат влијание на тоа дали ќе развиеш проблеми со кичма и врат. Она што има влијание е - стресот.

Луѓето кои умреа како резултат на оштетување на белите дробови поврзано со користење електронски цигари, најчесто користеле производи кои исклучиво содржат ТХЦ, објави американскиот Центар за контрола на болести.

Светот во 2019 година ја имаше својата октомвриска револуција за која недоволно се пишуваше во медиумите. А баш автентична, кога на луѓето им збоктисува од апашите и корумпираните и веќе не ги занима наши и ваши. А сè започна кога владата, со цел памет, измрцварениот народ посака да го оданочи и за ВоцАп и Месинџер.

Новите пуританци кои ја сочинуваат „woke“ културата треба да разберат дека светот е премногу хаос, и треба малку да ги снижат своите очекувања, им порача Обама на младите.

Неодамна беа објавени резултати за мозочиња (органоиди составени од мозочни клетки) одгледувани во лабораторија. Некои од нив произведуваат мозочни бранови, а некои реагираат на светлина. Авторот, професор по когнитивна невронаука, се прашува каде води сето ова?

Да не им баксузираме со нашиот „Ден на дрвото“, Јутјубери решија да се организираат и да соберат пари за да ја пошумат планетата со 20 милиони дрвја. Во нивната математика, слично како и во гореспоменатиот „Ден на дрвото“, една садница чини 1 долар.

Вајрд пишува за величествени победи на трансџендери кои го потресуваат светот на спорот. Тоа што во текстот го немаат е дека сите победници се мажи што станале жени и дека нема ниту еден обратен случај.

Во целата боево и технолошки набилдана операција за елиминирање на еден од најголемите злотвори на денешницата, клучна улога има еден голорак и аналоген локален курдски шпион чија задача е да украде долна облека од Багдади. Користена.

Нарцисите се „ужасни ама среќни луѓе“, е крајниот исход до кој доаѓаат психолозите трагајќи што е причината за подемот на нарцизмот во денешницата.

За време на концертот во Лос Анџелес Морисеј на сцена излегува со маичка (без ракави) на која е испишано „Fuck the Guardian“, објавува Гардијан.

„Ако имате два различни комплети вести за еден ист настан, тогаш немате ниту еден“, пишува Мат Таиби во вонсериската анализа на медиумското покривање на операцијата ал-Багдади и како во ерата на Трамп, медиуми како Њујорк Тајмс, Вашингтон пост и Си Ен Ен стануваат исти како Фокс њуз од ерата на Клинтон и Обама. Од Дежуловиќ па наваму, немаме сретнато толку прецизна, остра и здрава мисла како кај Мат Таиби.  

На светот му претстои финансиска катастрофа и овој пат не заради алчни банкари, берза или хипотеки, туку заради подискретен, но структурен проблем - пензии и кој ќе ги плаќа.

Иако референдумот не создаде нови поделби туку само ги освежи старите, 3 години одолговлекување на почетокот на брегзит ги растури врските што ја држат Британија заедно, пишува Нил Ашерсон во колумна за Гардијан.

Човекот задолжен за буџетот на ЕУ смета дека Унијата треба да го скрати рекетот што и го плаќа на Турција за чување на бегалците од Сирија, притоа некако игнорирајќи зошто воопшто почнаа да плаќаат.

„Ругање на Исус“ е слика од 13-от век од италијанскиот ренесансен уметник Чимабуе, за која до пред некој месец никој немаше поим каде се наоѓа за на крај да биде откриена во кујна. Хепиендот е уште поголем бидејќи сликата требаше да биде продадена за околу 6 милиони евра. Стигна до многу повеќе.

Годишниот аџилак на милиони луѓе од пивска вероисповест е и еден од настаните кои најмногу загадуваат на планетава, без притоа да се брои кој како стигнал до таму.

Реториката на Вељача потсетува на добата на инквизицијата само што сега извршител нема да биде црквата туку улицата. Толпата. Потполно се отфрла пресумцијата на невиност и веќе од вродените карактеристики (пол, боја на кожа, сексуална ориентација), на лице место се донесува одлука дали обвинетиот е виновен или не.

Научничката која го раскринка митот за изумирањето на поларните мечки остана без работа. После 15 години предавање, нејзиниот универзитет решил да не ѝ го продолжи договорот.

Вчера беше конечното отстранување на останките на шпанскиот диктатор Франциско Франко од гробницата Долина на паднатите во Мадрид, но Ел Паис потсетува дека тоа не е единствениот диктатор што почива на мадридски гробишта.

Во анкета што не е од 1936-та, над една четвртина од Германците се согласуваат дека Евреите „имаат премногу моќ врз економијата“, а над 40% сметаат дека Евреите „премногу зборуваат за Холокаустот“.