Паниката околу ковид-19 предизвика недостаток на тоалет хартија во маркетите во Британија, по што народ почна масовно да купува хартија за раце и влажни марамчиња, па сега тие завршуваат во ВЦ шолјите, како што не треба, и почнуваат да ги затнуваат канализациите.
Најголемото британско претпријатие за обработка на отпадни води веќе објави предупредување корисниците да не ги „хранат“ тнр фатбергс („глечери“ од масти, влажни марамици и слично, кои се формираат во канализацијата и го блокираат протокот) со хартија за раце и влажни марамици.
Освен недостатокот на тоалет хартија, во Британија веќе се забележува и недостаток на хартија за раце, и индустриски ролни хартија која се користи за бришење во механичарски работилници или гаражи, како и други производи за бришење.
Гардијан во меѓувреме откри и повеќе случаи на корона-профитерство, меѓу кои и еден непознат продавач што на Ибеј нуди пакување од 72 ролни тоалет хартија по цена од 85 фунти, што е три пати поскапо од редовната цена. Истиот продавач нудел и производи за чистење и антибактериски марамици по идентично поскапа цена.
Во меѓувреме британските производители се обидуваат да ги смират купувачите и да не прават залихи од тоалет хартија:
