Во денови кога Франција гори од топлотниот бран со температури над 40 Целзиусови степени, властите го отфрлија барањето на десничарската лидерка Марин ле Пен за масовно инсталирање клима-уреди во училиштата и јавните установи низ земјата. Аргументот на властите е дека климите ослободуваат топлина што ги загрева улиците и им го прави животот пекол на комшиите.

Наместо да биде депортиран, албански мигрант со дебело криминално досие доби право да остане во Британија. Трибунал оценил дека речиси 50 пресуди за грабеж и провали „не се доволно екстремни дела што би ја револтирале британската јавност“. Може само да се нагаѓа каде е границата за „екстремно“. 100? 200? Згрозени од вакви пресуди, и власта и опозицијата бараат итни реформи.

Четворица новинари од турското сатирично списание Леман се уапсени поради карикатура на која наводно е прикажан пророкот Мухамед. Главниот уредник попусто се извини и објаснува дека на карикатурата не е прикажан Пророкот, туку жртва на израелско бомбардирање. Полицијата едвај ја запре групата религиозни демонстранти што го нападна седиштето на Леман и повика на „одмазда“.

Ново истражување ја оспорува хипотезата на климатските активисти дека глобалното затоплување е предизвикано од јаглерод диоксид. Науката вели дека тоа е природен циклус. Нивото на морето било многу повисоко пред 6.500 години бидејќи било многу потопло и се топеле поларниот и глацијалниот мраз. Оваа природна осцилација се случувала при многу ниски нивоа на CO2.

За 1.135% бил поголем ризикот за аутизам кај бебињата во САД вакцинирани против хепатитис во споредба со оние што не биле вакцинирани, покажало истражување на Центрите за контрола и превенција на болести. На здравствените власти не им одговарале резултатите од сопствената студија, па манипулирале со податоци за да ја прикријат вистината, тврди министерот за здравство на САД.

По 40 години употреба на тешки дроги и алкохол, неколку блиски средби со смртта и општо јако нездрав живот, Ози Озборн реално требаше досега да биде мртов. Со децении има пиено по 2-3 литри вотка и Хенеси дневно, па сепак, таа брлива олупина уште е жива. Денес мажите ќе каснат едно благце и после ќе замараат дека си ја упропастиле кетозата и дека ќе мора да почнат сè одново. Ц ц...

Соочени со огромниот финансиски товар што Трамп им го наметна на членките на НАТО, владини функционери во Рим планираат како „трошок за одбрана“ да подметнат амбициозен инфраструктурен проект што го планирале Берлускони, Бенито Мусолини, дури и старите Римјани. Да се изгради мост од 13,5 милијарди евра што би ја поврзал италијанската „чизма“ со Сицилија. 

Откако Трамп ѝ објави трговска војна, Кина строго го ограничи извозот на ретки минерали и магнети, кои се клучни суровини за индустријата за автомобили, авиони и медицинска опрема. Постигнат е нов дил со САД, но Пекинг го кочи извозот со бавни бирократски процедури за издавање лиценци. Американски компании се жалат дека им останале резерви за само три месеци. 

Луѓето вообичаено ги отстрануваат умниците, дури и пред да почнат да создаваат проблем во устата. Осумките по интервенцијата завршуваат во ѓубре, иако се регенеративно богатство - содржат матични клетки кои може да помогнат за третмани против разни болести. Лаборатории во соработка со стоматолози сега нудат комплети за чување на „вишокот“ заби како биолошко осигурување.

На својот 90-ти роденден на 6 јули, 14-от Далај Лама ќе ја објави одлуката кој ќе биде неговата нова инкарнација. Најави дека детето што му се јавило во визиите нема да биде од Кина, а може да биде и девојче. Целта е јасна, да се спречи Пекинг да ја искористи смртта на Далај Лама за да наметне свое дете не негово место и да го задуши влијателното будистичко движење на Тибет.

Од вчера секој што во Франција ќе биде фатен како пуши на плажа, во парк или покрај училиште може да биде казнет до 700 евра, согласно новата забрана насочена кон заштита на децата од пасивното пушење. Забраната не ги опфаќа електронските цигари, а терасите на баровите и рестораните ќе останат последните слободни зони во кои ќе може да се дружат пушачи и непушачи.

Миленијалците треба да се подготват за збогување со најстрашната порака која можеа да ја добијат додека работат на компјутер. Кога Виндоусот ќе се скрши и на сјајно син екран ќе добијат порака дека компјутерот им е шлогиран и треба да се рестартира (ако се скрши пред да зачуваш нешто важно на што долго си работел, може и бокс да попие невиниот екран). Не дека Микрософт планира во иднина да не се крши, туку тоа ќе биде обележано со пригодна црнина. 

Сите тие лажат ама Доналд Трамп е ГОАТ. Му имаат броено, знае да излаже и по 20 пати на ден. Но, според Жижек токму тоа е една од неговите силни страни. Во тие негови забегувања и „џезирања“, електоратот гледа нешто што не го гледа кај оние другите, „намазани“ политичари кои строго се држат до скриптата, добро истренирани од оние кругови кои од позадина ги влечат конците на политиката.

Генералниот секретар на Обединетите нации, Антонио Гутереш, оцени дека новиот систем за дистрибуција на помош во Газа е „суштински небезбеден и „убива луѓе“. Иако израелската војска досега тврдеше дека пукале само предупредувачки врз главите на луѓето, заради растечкиот број на индиции и докази, во војската е покрената истрага да се проверат инцидентите. Досега над 400 луѓе изгубиле живот барајќи помош. 

Трамп имаше импозантна поддршка на почетокот на неговиот втор мандат но реалноста не може да ги задржи тие бројки, особено што тој не успеа да одржи неколку клучни предизборни ветувања, дека брзо ќе ѝ стави крај на војната во Украина или дека Америка веќе нема да се плетка во странски конфликти. Сепак, рејтинзите и натаму не му се лоши, особено ако се знае дека Буш едно време имаше 25% а Труман само 22% поддршка за време на мандатот. 

Според дојава на ЦИА, британската разузнавачка агенција имала двоен шпион во своите редови кој работел за Русите. Ја започнале најобемната и најскапа нивна истрага после Студената војна за да ја најдат кртицата. Дваесет години го барале, ништо. Човекот кој им бил сомнителен во меѓувреме заминал во пензија. Руските шпионски операции тогаш ги водел Владимир Путин. 

Во Германија со години се води дебата како да се врати дома огромното количество златни прачки што државата ги чува во САД. Во Италија ова прашање пред шест години го отвори Мелони, која како опозиционерка порача: „Веднаш вратете го италијанското злато!“. Сега како премиерка молчи, но се зголемува притисокот зашто златото во САД не е толку безбедно како порано.

Прифаќањето на обврската за издвојување од 5% за одбрана е резултат на намерата на европските сојузници да го смират Трамп за да не се откажат САД целосно од НАТО. Зошто Трамп инсистираше на ова зголемување ако навистина не е заинтересиран за таков вид сојуз? За да ги охрабри европските земји да купуваат пософистицирано и неверојатно скапо американско оружје.

Мигранти кои избегале на Запад се повикуваат на разни причини заради кои бараат да не бидат депортирани во нивните матични земји. Некои на политичките неприлики, други на одредби од меѓународните конвенции кои не дозволуваат човек да биде вратен онаму каде што можат да му се одмаздуваат. Таџикистанец во Британија се сетил на оригинално алиби против депортација: ако го вратат, ќе го бричат.

Бројот на „ситни“ милионери, со богатство проценето под 5 милиони долари, е четирикратно зголемен во изминатите две децении. Денес ги има речиси 52 милиони, половината од нив во САД и во Кина. За другите 99% луѓе што не располагаат со седумцифрени суми звучи неверојатно тоа што милионерите воопшто не се чувствуваат богати. Многумина и не знаат дека се во елитниот клуб.

Министерот за здравство Роберт Ф. Кенеди Џуниор објави дека САД повеќе нема финансиски да ја поддржуваат глобалната алијанса за вакцини Гави, за која тврди дека ја игнорира науката. Ги оспорува препораките за ревакцинирање бремени жени против ковид-19 и програмата за имунизација девојчиња против дифтерија, тетанус и голема кашлица во сиромашните земји.

Иако машините немаат емпатија, напредните модели со вештачка интелигенција се покажале како подобри од луѓето во препознавање и разбирање на емоциите. Постигнале значително повисоки резултати на тестовите за емоционална интелигенција, благодарение на пристапот до милијарди податоци и способноста брзо во нив да пронаоѓаат обрасци што се „невидливи“ за човекот.

Трите глобални суперсили се и најомразените земји во светот, поради навиката да се мешаат во туѓите проблеми, често пати со отворена воена агресија или со прикриени интервенции. Влијание имаат и обидите да ја наметнат својата култура и религија, па дури и однесувањето на туристите.  Листата е составена со анализа на бројни извештаи и анкети за светското јавно мислење.

Минатогодишните избори ја променија политичката сцена во Брисел и ја притиснаа Европската комисија да откажува проекти од амбициозниот договор за заштита на природата. Урсула фон ден Лајен, која настојува да го остави Зелениот договор како свое наследство, чекор по чекор укинува негови делови, во обид да ја задржи во живот главната цел – нулта емисија на штетни гасови до 2050 година.