Мигранти од Пакистан во Британија им плаќаат илјадници фунти на адвокатски фирми за да ги претстават дека се геј и така да им обезбедат право на азил. Британија не може да ги депортира, бидејќи хомосексуалноста е кривично дело во нивната матична земја. Тешко може да ги открие измамите, бидејќи азилантите се опремени со фотографии, сведочења и други лажни докази.

Иако со милениуми ни вршело работа, мерењето на денот според сонцето не е баш најпрецизен метод. Ротациите не се исти а врз нив влијаат различни фактори. Не само големите земјотреси и Месечината туку и огромните градби создадеи од човекот. Најголемата брана во Кина и светот е толку голеема што го забавува движењето на Земјата. Не е тоа многу, ама, малку по малку, отиде животот. 

САД и Израел тврдат дека ја почнале војната против Иран за да им помогнат на Иранците да се „ослободат“ од режимот и тиранијата. Го постигнаа сосема спротивното. Над 25 милиони Иранци од сите етнички и верски заедници се регистрирале за „Џан Фада“, спремни да го жртвуваат сопствениот живот за да ја одбранат татковината од агресорите.

Откако Трамп ги заостри заканите кон своите сојузници, европските земји тивко ги забрзаа напорите за формирање „резервно НАТО“, кое би било способно самостојно да го одбрани континентот без поддршка од САД. Целта е да се задржат оперативниот континуитет и нуклеарниот кредибилитет на Алијансата ниво кое би ја одвратило Русија од евентуална агресија.

Вештачката интелигенција барем во еден елемент се изедначи со онаа на луѓето – во способноста да губи пари по кладилници. На најнапредните ботови им било зададено да ги погодат резултатите од цела сезона во англиската Премиер лига врз основа на сите достапни релевантни податоци за формата, тактиката, повредените играчи... Сите биле во зијан. Некои банкротирале.

Економската цена која ја плаќа Америка и светот поради непотребната и неоправдана војна против Иран во која Нетанјаху го вовлече Трамп (откако во тоа не успеа со три претходни американски претседатели), веќе најавува можен дебакл на републиканците на следните избори. Кај Трамп нема идеологија и каузи, кај него има пари, бизнис дилови и его големо колку планината Рашмор.     

Економистка од Харвард тврди дека признаените краткорочни трошоци за војната на Трамп против Иран се капка во споредба со реалната штета што ќе ја претрпат Американците. Цената на долгорочните последици од војната ја пресметала на стотина милијарди долари годишно и не ја отфрла можноста вкупната сума да достигне 1.000 милијарди.

Израелските напади врз италијанските мировници во Либан го оставија Трамп без поддршката од Џорџа Мелони - единствениот европски лидер што присуствуваше на неговата инаугурација. „Таа повеќе не е истата“, коментираше Трамп откако италијанската премиерка го суспендираше договорот за одбранбена соработка со Израел и застана во одбрана на папата.

Тони Блер ги поттикна младите Британци во 21. век да се запишуваат на универзитет за да имаат повисоки плати, но денес се предлага да се намали бројот на бруцоши за 100.000. Повисоките школарини заглавуваат сè повеќе студенти во долгови. Многумина се откажуваат од студиите, а и голем дел од дипломираните мора да прифатат работни места за кои не е потребна диплома. 

Уште пред Трамп да го нападне Лав XIV со оценката дека „станал папа затоа што Трамп е во Белата куќа“, офицери од Пентагон отворено му се заканувале на Ватикан дека „би било подобро за Католичката црква да застане на страната на САД“. На овие закани, првиот американски папа одговорил со откажување на официјалната посета на родната земја.

„Прогресот бара жртви“, можат да кажат оние кои се одушевени од развојот на новите технологии кај кои предничи вештачката интелигенција. Но, ако се знае дека еден краток муабет со четбот троши половина литар вода, можеби наскоро ќе дојде време кога ќе треба да решиме за што попрво ни треба таа вода.  

Здравствените агенции во времето на Џо Бајден криеле од јавноста важни податоци за ризикот од бустер-вакцините против ковид-19, заклучија истражители од Сенатот откако прегледале околу 2.000 страници со доверливи документи. ФДА и ЦДЦ со години знаеле за врската на бустерите од Фајзер со ризик од мозочен удар кај пациентите на возраст над 65 години.

Европските земји не сакаат на зборуваат за понатамошно проширување на ЕУ, за да не им дадат „политичка муниција“ на популистите на задолжителните референдуми за прифаќање на новите членки, особено во Франција. Колективно трауматизирани од искуството со Унгарија, Европејците не сакаат нови членки со право на вето за одлуките на Унијата.

Преговорите меѓу Америка и Иран не се заокружија заради прашањето за ураниумот. ЏејДи Венс рече дека тие ги кажале своите црвени линии но Иран останал на свое. Од другата страна на масата беше Абас Арагчи, една од клучните фигури во преговорите околу иранската нуклеарна програма веќе 20-тина години. Шеф е на дипломатијата, има докторирано политички науки на Универзитетот Кент во Велика Британија. Ова е неговиот одговор:  

Како момче во Будимпешта, Петер Маѓар држел постер од Виктор Орбан над креветот, во време кога Орбан бил симбол на борбата за демократија по падот на комунизмот. Речиси три децении подоцна, тој стана човекот кој го детронизираше неговиот некогашен политички идол.  

Бруто домашниот производ наскоро би можел да биде заменет или придружен од нов индикатор кој би бил битен за инвеститорите при донесување одлуки. Новиот економски индикатор се предлага како клучен параметар за проценка на националната и индустриската конкурентност и ја мери достапноста на ресурсите за вештачка интелигенција на национално ниво. 

Владите низ светот потрошија милијарди долари на програмите „компјутер за секое дете“ за да овозможат поквалитетно образование за учениците. Лаптопите од времето на пандемијата веќе се застарени, нови студии покажуваат дека компјутерите повеќе им го одземаат вниманието на учениците отколку што им помагаат, па наставата сè повеќе се враќа на молив и хартија.

Од ограничувања на слободата на говорот до обиди за затворање на цели политички партии, Германија во последниве години сè повеќе го покажува својот афинитет кон деспотизмот. Иако (сè уште) не спроведува целосна регрутација, Берлин применува слична мерка како и пред 130 години и воведува ограничувања за патување во странство за мажите на возраст до 45 години.

Додека со војната против Иран ги дестабилизира глобалните пазари, Ираел речиси и да не чувствува енергетски последици, благодарение на сопствените ресурси. Добива нафта од Азербејџан, генерира струја од сончеви колектори и ѝ продава свој гас на Европа. Следниот чекор е изградба на мали нуклеарни реактори заедно со САД и поврзување со подморски кабли со Европа.

Откако ги нападна и најуличарски ги испонавреди луѓето кои со години го поддржуваа и му помогнаа да дојде на власт (види: По поразот од надворешниот непријател, Трамп отвори војна против внатрешниот), медиумски најмоќниот меѓу нив, Такер Карлсон реши да не враќа на ист начин туку да ѝ расветли на публиката под притисок на какви загари се наоѓа Трамп. Оние што лаат и гризат за Израел.  

Повеќе од 1 милион Американци лани биле жртви на кибернетски криминал преку интернет. Нападите главно биле насочени кон криптовалутите на лицата на возраст над 60 години. Вкупниот плен на криминалците надминал 20 милијарди долари. Одделението за кибернетски криминал на ФБИ примало по речиси 3.000 пријави за кражби секој ден.

Очајнички настојувајќи да го претстави како „победа“ целосниот пораз од Иран, Трамп се сврте кон групата довчерашни поддржувачи кои своевремено му помогнаа да дојде на власт. Само затоа што беа против неговата безумна војна, во која го вовлече Израел, тој на Truth Social ги нарече лузери, неспособни и глупи луѓе на кои им треба и психијатриска помош.

Најбогатите луѓе во светот завчера за само еден ден го зголемија своето богатство за стотици милијарди долари како последица на двонеделниот прекин на огнот што го постигнаа САД и Иран. Добивката се уште не ја компензира колективната загуба на 500-те најбогати луѓе од вкупно 38,8 милијарди долари од почетокот на годината.

Неколку дена пред клучните избори во Унгарија се заостри пропагандната војна. Додека како „странско мешање“ се критикува посетата американскиот потпретседател Венс на Унгарија, по социјалните мрежи се шири и снимка како украински провокатори се обучуваат да организираат протести во Будимпешта, според сценариото на Мајдан во Киев во 2013 година.