Сенаторот Рон Џонсон, претседавач на Постојаниот поткомитет за истраги, тврди дека уште во есента 2022 година, Центрите за контрола и превенција на болести (CDC) биле запознаени со статистички значаен безбедносен сигнал за поврзаност на засилувачките вакцини на Фајзер со исхемичен мозочен удар кај лица на возраст над 65 години. Во периодот помеѓу ноември 2022 година и март 2023 година, имало седум одделни анализи што укажувале на сигнали за рано предупредување од мозочен удар кај постарата популација.
Записите покажуваат дека по идентификувањето на ризичниот сигнал, федералните здравствени службеници не издале никакви официјални предупредувања, како пораката Health Alert Network (HAN), за нивните наоди, ниту пак ги паузирале или измениле своите препораки за засегнатото население, истакнал Џонсон во неодамнешно предупредување до министерот за здравство Роберт Кенеди Јуниор.
Повикувајќи се на комуникациите на CDC, Џонсон известува дека помеѓу август 2022 и февруари 2023 година имало 226 случаи на мозочен удар поврзани со засилувачки вакцини против ковид. До крајот на 2023 и во 2024 година, продолжиле да се појавуваат повеќе случаи. Во февруари 2023 година Министерството за здравство ја ангажирало приватната компанија Lukos LLC да го преземе „Проектот за мозочен удар“ и да направи подлабоко истражување на податоците.
Оставајќи ги непроменети препораките за бустерот, федералните здравствени службеници продолжија да го оценуваат статистички значајниот сигнал за ризик од исхемичен мозочен удар. Барем до септември 2024 година, наведуваа дека вакцината е безбедна, а во исто време бараа докази за да го поддржат тоа тврдење, забележува сенаторот.
Двајца високи претставници на Администрацијата за храна и лекови - Марион Грубер и Филип Краузе - поднесоа оставка затоа што инсистираа програмата за засилувачи на вакцините треба да биде ограничена на најранливите, бидејќи во тоа време немало доволно податоци за да се препорачаат за целото население.
Криењето на целосната слика за потенцијалните ризици од вакцините против ковид, паралелно со реалните придобивки, предизвика огромна штета врз довербата на Американците во федералните агенции за јавно здравје. Денес помалку од половина од граѓаните веруваат дека ЦДЦ и ФДА да ги извршуваат своите основни задачи без влијание од политички функционери или фармацевтските гиганти.
Конгресот е убеден дека министерот Кенеди е посветен на радикална транспарентност и дека ќе го достави на анализа „Проектот за мозочен удар“ и сите преостанати записи прикривани од федералните здравствени агенции.
