Во САД кладењето на избори не е дозволено, ама затоа Европа и Азија растурија со ставање ливчиња на исходот од претседателските избори.

Која е сега „вистинската работничка партија на Америка“,  се прашува Мат Таиби анализирајќи ги резултатите на Трамп кој наспроти сите учени анализи, изгуби заради недоволната поддршка на белците, додека кај сите други помина одлично. Изгуби и заради пандемијата но на оние кои им е најважна економијата, тој убедливо им е поуверлив од Бајден.  

Научници од јапонскиот Универзитет Гифу креирале роботска женска рака за осамени мажи. Дека ним им треба да сменат рака, тоа е јасно, ама оваа ја скроз утнува поентата. Ќе имало и верзија за жени и ќе мирисала малку на моторно масло, малку на скара. Да, вакцина за корона сè уште нема.

Можеби уште не знаеме кој е следниот претседател на САД но во сите сојузни држави во кои се гласаше и за декриминализација на марихуаната, предлогот победил. А во Орегон додале и кокаин и хероин.

Освен за претседател, на изборите се гласаше и за стотици закони, меѓу кои дел се однесуваат на наркотици, од лесни до најтешки, и многу од нив пројдоа.

Низ процедурите на шкотскиот парламент регуларно созрева нов закон со кој не само што ќе се криминализира говор на омраза кон дузина теми туку ќе се криминализира и говор на омраза изречен по дома. 

Вистинската лекција од рекордно бројната излезност во вторникот и се уште тековното броење гласови е дека Америка е горко, силно, речиси еднакво поделена и дека речиси не може да се владее со САД.

Овие избори повеќе се национален референдум за Трамп и неговите радикално поинакви политики, отколку избори меѓу два кандидата. Во таа смисла, со оглед на бројот на црни и латино гласови кои Трамп ги додаде на свое конто, Демократите не можат да бидат задоволни со исходот на референдумот.

Во 2016 победникот на изборите во САД беше прогласен околу 2 и пол часот наутро (по источно време). Сега трката уште трае, Белата куќа објави дека претседателот се повлекува и нема повеќе да дава изјави за денес, меѓутоа тој претходно најави дека ако треба ќе ги оспори резултатите и пред Врховниот суд.

Не е познато дали во прашање е хакер што го направил грабежот на векот или некому одеднаш му текнало дека има речиси милијарда долари во биткоин.

Увереноста со која анкетарите зборуваа за брза и голема победа на Бајден беше поголема и од дебаклот во 2016 кога Хилари уште во септември ја гледаа како победник. Откако четири години ги прочистуваа и унапредуваа своите методологии, анкетарите годинава се колнеа во три работи: лесна победа на Бајден, преземање на Сенатот од демократите и зголемување на нивната предност во Претставничкиот дом. Ништо од ова не се случи, плус им се намали предноста во Претставничкиот дом.

Макрон неодамна искажа некои свои ставови околу секуларноста и слободата на изразување. Па муслиманите искажаа гнев кон тоа што го збореше францускиот претседател, па сега Франција ќе се доискажува поединечно кај дел од муслиманските земји кај кои имаат проблем.

Се пребројуваат гласови, Трамп прогласи победа, Твитер му стави етикета дека тврдењето е спорно. Класична 2020 година.

Минатата недела во Европа се регистрирани 1,5 милиони (рекордни) нови случаи на ковид-19, меѓутоа не се работи за еден голем бран, туку за голем број помали бранови кои ги навјасаа здравствените системи на континентот.

Се работи за првите 10 месеци од годината, а парите што ги имаат потрошено само на Фејсбук се два пати поголеми во споредба со буџетот од 2016 потрошен на истата социјална мрежа. Една четвртина од овие пари е потрошена само во октомври.

Што точно значи „близок контакт“? Колку траат анти-телата? Занате ли дека после прележување на болеста, нечии мозоци се постари цели 10 години?

На крај од турбулентна кампања во која секој медиум има свој кандидат па соодветно крши кичма во тој правец, остана на новинската агенција Асошиејтед прес да биде столбот на точноста и вистината околу резултатите од изборите во САД. И Асошиејтед прес за оваа улога ангажираше 4.000 репортери.

Минатата недела повеќе од половина од сите заразени од ковид-19 во светот беа од Европа, заради што лидерите низ континентот се редеа на националните телевизии и со обесен поглед најавуваа дека нивните држави за жал ќе мора повторно да одат под клуч. Ова се истите лидери кои пред 6 месеци најавуваат дека во октомври и ноември ќе биде најлошо, и пак останаа изненадени.

На крајот од септември граѓаните на Женева на референдум прифатија дека минималецот во нивниот град треба да биде 23 швајцарски франци (21,5 евра) од час, што на крајот од месецот изнесува фини 4.000 франци или 3.740 евра.

Дури и после бруталниот колеж во Ница, премногу западни либерали се фасцинтно молчаливи околу џихадот врз Франција. Нема хаштази, нема лути и праведнички коментари, нема гласна солидарност со францускиот народ и заклетви за одбрана на прочуените вредности на француската реепублика. А од бучавата на самопрогласените анти-фашисти човек обично и своите мисли не може да ги слушне.

Податоците кои се кумулираат од сите страни на светот сè посилно сугерираат дека училиштата не се хот-спотови за зараза од коронавирус. Наспроти стравовите, ковид-19 не се разгори откако повторно се отворија школите и детските дневни центри по нивното затворање во првиот бран од пандемијата.

Тој прочуен Запад го занима само фамозната стабилност а најдобри партнери и најпослушни слуги се оние кои имаат за што да бидат уценети.

Дел од интервјуто на белградско „Време“ со Милош Васиќ, еден од основачите на истиот тој весник кој деновиве наполни 30 години а со децении беше еден од ретките резервати на медиумска нормалност. И денес е главно таков, само што сите по малку сме заморени од оние кои „много их је и страшно галаме“.

Глен Гринвaлд е новинарот кој во 2013 за Гардијан објавува дел од тајните документи што ги добива лично од Едвард Сноуден. Тој подоцна си заминува од Гардијан и го ко-основа левичарскиот Интерсепт. Гринвaлд објави дека поднел отказ во Интерсепт откако тамошното уредништво одбило да му објави текст кој бил негативен за Бајден.